កូនត្រីពូជជាង ១ម៉ឺនក្បាល ត្រូវបានលែងចូលត្រពាំងហែរផ្កា ដើម្បីរួមចំណែកអភិរក្ស និងបង្កើនធនធានជលផល

នៅព្រឹកថ្ងៃទី៤ ខែសីហា ឆ្នាំ២០២៦ ខណ្ឌរដ្ឋបាលជលផលខេត្តសៀមរាប សហការនឹងរដ្ឋបាលក្រុងសៀមរាប និងអង្គការអ្នកត្រួសត្រាយនៃកម្ពុជា ក្រោមគម្រោងពង្រឹងសមត្ថភាពសហគមន៍ក្នុងការគ្រប់គ្រង់ធនធានជលផលទឹកសាបប្រកបដោយនិរន្ដភាព បានលែងកូនត្រីពូជចម្រុះ ១៤ ០០០ក្បាល ចូលត្រពាំងហែរផ្កា សង្កាត់ជ្រាវ ក្រុងសៀមរាប ដើម្បីរួមចំណែកក្នុងការអភិរក្ស និងបង្កើនធនធានជលផល សម្រាប់អ្នកជំនាន់ក្រោយ។