ប៉ុស្តិ៍នគរបាលរដ្ឋបាល និងប៉ុស្ដិ៍វរនគរបាលការពារព្រំដែនគោកទូទាំងខេត្តព្រៃវែង កំពុងត្រូវបានលើកកម្ពស់អភិវឌ្ឍន៍ កែលម្អសោភ័ណភាពថ្មី

ប៉ុស្តិ៍នគរបាលរដ្ឋបាល និងប៉ុស្ដិ៍វរនគរបាលការពារព្រំដែនគោកទូទាំងខេត្តព្រៃវែង កំពុងត្រូវបានលើកកម្ពស់អភិវឌ្ឍន៍ កែលម្អសោភ័ណភាពថ្មី ខេត្តព្រៃវែង ៖ យោងតាមប្រសាសន៍ណែនាំ ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ដោយមានការចង្អុលបង្ហាញណែនាំពីលោក ឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង លោកឧត្តមសេនីយ៍ វរសេនីយ៍ស្នងការរង និងលោកនាយការិយាល័យជំនាញទទួលមុខព្រួញ តាមបណ្ដាអធិការដ្ឋាននគរបាលក្រុង-ស្រុកទាំង១៣ បានអញ្ជើញចុះត្រួតពិនិត្យវឌ្ឍនភាព ប៉ុស្តិ៍នគរបាលរដ្ឋបាល និងប៉ុស្តិ៍វរនគរបាលការពារព្រំដែនគោកមួយចំនួន ក្នុងខេត្តព្រៃវែង ដើម្បីពិនិត្យវឌ្ឍនភាព នៃការអនុវត្តការងារស្នូលប្រចាំថ្ងៃ និងការកសាង ថែរក្សាសម្អាតអនាម័យបរិស្ថានអង្គភាព ព្រមទាំងបានប្រជុំធ្វើការណែនាំដល់មន្ត្រីនគរបាលជំនាញទាំងអស់ ត្រូវខិតខំយកចិត្តទុកដាក់ ក្នុងការងារបម្រើសេវាសាធារណៈជូនប្រជាពលរដ្ឋអោយបានឆាប់រហ័ស ទាន់ពេលវេលា ហើយត្រូវប្រើពាក្យសម្ដីសមរម្យ ឥរិយាបថថ្លៃថ្នូរ សក្ដិសមជាមន្ត្រីនគរបាលគំរូ។