នាព្រឹកថ្ងៃទី១៨ ខែកញ្ញា ឆ្នាំ២០២៦ មន្ទីរបរិស្ថានខេត្តព្រៃវែង សហការជាមួយរដ្ឋបាលក្រុងព្រៃវែង បានរៀបចំប្រារព្ធ «ទិវាសំអាតពិភពលោកលើកទី៩» (9th World Cleanup Day) ក្រោមមូលបទ «៥% នៃការចូលរួមពីសំណាក់ប្រជាពលរដ្ឋនៃប្រទេសនីមួយៗ» ដោយបានចុះធ្វើយុទ្ធនាការអនាម័យសម្អាតបរិស្ថាន នៅតាមទីតាំងសំខាន់ៗ រួមមាននៅមុខសាលាខេត្ត និងតាមដងមាត់ទន្លេ ក្នុងក្រុងព្រៃវែង។

អនុសាខា កក្រក ស្រុកពារាំង ៖ នៅថ្ងៃអាទិត្យ ទី៦ ខែកញ្ញា ឆ្នាំ២០២៦ លោក ចេម ប្រា ប្រធានគណៈកម្មាធិការអនុសាខាកាកបាទក្រហមកម្ពុជាស្រុកពារាំង បានចាត់អោយលោក សៀង ធានី មន្រ្ដីប្រចាំការ អនុសាខា កក្រក ស្រុក និង បុគ្គលិកកិច្ចសន្យា និងមានការចូលរួមពី អាជ្ញាធរភូមិ ឃុំ លោកនាយកវិទ្យាល័យសម្ដេចតេជោ ហ៊ុន សែន ពារាំង យុវជនកាកបាទក្រហមកម្ពុជា សិស្សានុសិស្ស និងបងប្អូនប្រជាពលរដ្ឋសហគមន៍ សរុបវត្តមានចូលរួមចំនួន ៧០នាក់ ស្រី ៤៨នាក់ បានដាំកូនឈើចំនួន ១០០ដើម ស្ថិតនៅភូមព្រៃសម្លាញ ឃុំរកា ស្រុកពារាំង ខេត្តព្រៃវែង។

ស្រុកបាភ្នំស្អាត គ្មានសំរាម ផ្តើមចេញពីយើងទាំងអស់គ្នា! ព្រឹកថ្ងៃព្រហស្បតិ៍ ទី៣ ខែកញ្ញា ឆ្នាំ២០២៦ លោក ម៉ននី បណ្ឌិត អភិបាលស្រុកបាភ្នំ បានដឹកនាំអភិបាលរងស្រុក នាយក នាយករងរដ្ឋបាល និងមន្ត្រីរាជការរដ្ឋបាលស្រុកទាំងអស់ ធ្វើពលកម្មសម្អាតអនាម័យបរិស្ថាន កាប់ឆ្ការព្រៃ នៅតំបន់ទំនប់បង្ហៀរបឹងស្នេហ៍ ស្ថិតនៅឃុំធាយ ស្រុកបាភ្នំ ខេត្តព្រៃវែង។

ថ្ងៃទី៣ ខែកញ្ញា ឆ្នាំ២០២៦ ————————————————- លោកអភិបាលស្រុកបាភ្នំ បានជួបសំណេះសំណាលសួរសុខទុក្ខ និងណែនាំដល់បងប្អូនអាជីវករ និងអ្នកលក់ដូរ នៅតំបន់ទំនប់បង្ហៀរបឹងស្នេហ៍ ដែលស្ថិតនៅឃុំធាយ ស្រុកបាភ្នំ ខេត្តព្រៃវែង។

ថ្ងៃអាទិត្យ ទី២៣ ខែសីហា ឆ្នាំ២០២៦ ខ្ញុំបាទ រួមជាមួយ ឯកឧត្តម សាយ អ៊ាន ប្រធាននាយកដ្ឋានផែនការថវិកា នៃក្រសួងសេដ្ឋកិច្ច និងហិរញ្ញវត្ថុ និងឯកឧត្តម ម៉ម កាយ អភិបាលរង ខេត្តតាកែវ បានអញ្ជើញជាអធិបតីក្នុងកម្មវិធីដាំដើមឈើ ចំនួន ២,០០០ដើម នៅបរិវេណវិទ្យាល័យបាភ្នំ ឃុំជើងភ្នំ ស្រុកបាភ្នំ ខេត្តព្រៃវែង។

ព្រឹកថ្ងៃទី២០ ខែសីហា ឆ្នាំ២០២៦ នៅក្នុងស្រុកមេសាង រួមមាន រដ្ឋបាលស្រុកមេសាង រដ្ឋបាលឃុំទាំង៨ មណ្ឌលសុខភាពទាំង០៩ វិទ្យាល័យ អនុវិទ្យាល័យ បឋមសិក្សា បានធ្វើយុទ្ធនាការសម្អាតអនាម័យបរិស្ថាន ដោយមានអ្នកចូលរួមសរុបចំនួន ១១,០៨៧ នាក់។