មន្ទីរសុខាភិបាលខេត្តបន្ទាយមានជ័យជំរុញយកចិត្តទុកដាក់ខ្ពស់ក្នុងការបង្កើនគុណភាព ប្រសិទ្ធភាពនៃការផ្តល់សេវាថែទាំសុខភាពជូនប្រជាពលរដ្ឋ

មន្ទីរសុខាភិបាលខេត្តបន្ទាយមានជ័យបានជំរុញឱ្យគ្រប់មន្ទីរពេទ្យ និងមណ្ឌលសុខភាពទូទាំងខេត្ត បន្តយកចិត្តទុកដាក់ខ្ពស់ក្នុងការបង្កើនគុណភាព ប្រសិទ្ធភាព នៃការផ្តល់សេវាថែទាំសុខភាពជូនប្រជាពលរដ្ឋឱ្យបាន២៤ម៉ោងលើ២៤ម៉ោង និង៧ថ្ងៃក្នុងមួយសប្តាហ៍ ដោយគ្មានការរអាក់រអួលឡើយ។ ការណែនាំ និងជំរុញបន្ថែមនេះ បានធ្វើឡើងនៅក្នុងកិច្ចប្រជុំពិនិត្យ និងវាយតម្លៃលទ្ធផលការងារសុខាភិបាលប្រចាំខែសីហា ឆ្នាំ២០២៦ កាលពីរសៀលថ្ងៃទី២១ ខែកញ្ញា ឆ្នាំ២០២៦ ក្រោមវត្តមានរបស់លោក វេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលនៃរដ្ឋបាលខេត្តបន្ទាយមានជ័យ។