នាថ្ងៃទី២៦ ខែកញ្ញា ឆ្នាំ២០២៦ ឯកឧត្ដម ពេជ សោភ័ន ទេសរដ្ឋមន្រ្តី ទទួលបន្ទុកបេសកកម្មពិសេស និងជាប្រធានលេខាធិការដ្ឋានគណៈកម្មាធិការវាយតម្លៃអង្គភាពផ្តល់សេវាសាធារណៈគំរូ (គ.វ.អ.) បានដឹកនាំក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះបេសកកម្មមនុស្សធម៌ ដើម្បីពិនិត្យ និងព្យាបាលជំងឺជូនលោកគ្រូ អ្នកគ្រូ សិស្សានុសិស្ស និងប្រជាពលរដ្ឋប្រមាណ ៥,០០០នាក់ ដោយឥតគិតថ្លៃ នៅក្នុងខេត្តស្ទឹងត្រែង។

ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញជាអធិបតីភាពក្នុង «ពិធីបើកយុទ្ធនាការឆ្លើយតបបន្ទាន់ ទប់ស្កាត់ការរីករាលដាលនៃជំងឺគ្រុនឈាម» កាលពីព្រឹកថ្ងៃទី៣០ ខែសីហា ឆ្នាំ២០២៦ នៅក្នុងភូមិស្រែស្រណុក ឃុំក្បាលរមាស ស្រុកសេសាន ខេត្តស្ទឹងត្រែង ដោយមានការចូលរួមយ៉ាងកុះករពីប្រធាន អនុប្រធានមន្ទីរ-អង្គភាពជុំវិញខេត្ត អាជ្ញាធរក្រុង-ស្រុកទាំង៦ និងប្រជាពលរដ្ឋក្នុងមូលដ្ឋាន ដើម្បីឆ្លើយតបភ្លាមៗចំពោះកំណើនឡើងយ៉ាងកំហុកនៃជំងឺគ្រុនឈាមក្នុងរយៈពេលចុងក្រោយនេះ។

ខេត្តស្ទឹងត្រែង៖ នៅថ្ងៃទី២៥ ខែសីហា ឆ្នាំ២០២៦ នេះ លោក សុវណ្ណ ពិសេដ្ឋ អភិបាលស្រុកសេសាន បានដឹកនាំអាជ្ញាធរ ភូមិ ឃុំ ធ្វើយុទ្ធនាការផ្សព្វផ្សាយទប់ស្កាត់ជំងឺគ្រុនឈាម និងអំពាវនាវឲ្យប្រជាពលរដ្ឋបង្កើនការប្រុងប្រយ័ត្ន ជូនបងប្អូនប្រជាពលរដ្ឋ ដោយមានការចូលរួមពីប្រធានមណ្ឌលសុភាព មេឃុំ មេភូមិ កងកម្លាំងទាំងបីប្រភេទ យុវជន ស.ស.យ.ក ស្រុក លោកគ្រូ អ្នកគ្រូ សិក្សានុសិស្ស និងប្រជាពលរដ្ឋយ៉ាងច្រើនកុះករ។

អនុវត្តតាមការចង្អុលបង្ហាញ និងការដឹកនាំរបស់ ឯកឧត្តមវេជ្ជបណ្ឌិត អ៊ុង សូវៀត ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលនៃរដ្ឋបាលខេត្តស្ទឹងត្រែង ក្រុមការងារស្នូលប្រយុទ្ធនឹងជំងឺគ្រុនឈាមថ្នាក់ខេត្ត ដោយសហការជាមួយតំណាងអង្គការ Catholic Relief Services (CRS) ប្រចាំខេត្តស្ទឹងត្រែង មន្ត្រីសុខាភិបាលនៃមណ្ឌលសុខភាពស្ទឹងត្រែង មណ្ឌលសុខភាពសាមគ្គី និងអាជ្ញាធរដែនដីគ្រប់លំដាប់ថ្នាក់ បានចុះអនុវត្តយុទ្ធនាការអន្តរាគមន៍ផ្ទាល់ ដើម្បីបង្ការ និងទប់ស្កាត់ការឆ្លងរាលដាលនៃជំងឺគ្រុនឈាមជូនប្រជាពលរដ្ឋនៅតាមសហគមន៍។

ខេត្តស្ទឹងត្រែង៖ ថ្ងៃអង្គារ ៥កើត ខែស្រាពណ៏ ឆ្នាំមមី អដ្ឋស័កព.ស២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦ នេះ មន្ទីរសុខាភិបាលនៃរដ្ឋបាលខេត្តស្ទឹងត្រែង ដោយអនុវត្តតាមការចង្អុលបង្ហាញរបស់ ឯកឧត្តមវេជ្ជបណ្ឌិត អ៊ុង សូវៀត ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលនៃរដ្ឋបាលខេត្តស្ទឹងត្រែង ក្រុមការងារប្រយុទ្ធនឹងជំងឺគ្រុនឈាមថ្នាក់ខេត្ត បានសហការជាមួយមន្ត្រីសុខាភិបាលនៃមណ្ឌលសុខភាពស្ទឹងត្រែង មណ្ឌលសុខភាពសាមគ្គី និងអាជ្ញាធរមូលដ្ឋាន ចុះអនុវត្តសកម្មភាពបង្ការ និងទប់ស្កាត់ជំងឺគ្រុនឈាមនៅតាមសហគមន៍។

ដើម្បីចូលរួមការពារសុខភាព និងសុវត្ថិភាពផ្ទាល់ខ្លួន ក្រុមគ្រួសារ ព្រមទាំងទប់ស្កាត់ការកើតមាន និងចម្លង រាលដាលនៃជំងឺគ្រុនឈាមតាមរយៈសត្វមូសខ្លា ឱ្យកាន់តែមានប្រសិទ្ធភាព មន្ទីរសុខាភិបាលខេត្តស្ទឹងត្រែង សូម ជម្រាបជូនដំណឹង និងណែនាំដល់បងប្អូនប្រជាពលរដ្ឋទាំងអស់ សូមមេត្តាអនុវត្តតាមវិធានការសំខាន់ៗដូចខាង ក្រោម៖