ព្រឹត្តិបត្រព័ត៌មានកម្ពស់ទឹក ម៉ោង ៧ព្រឹក ថ្ងៃទី២៩ ខែកញ្ញា ឆ្នាំ២០២៦ នៅតាមបណ្ដាស្ថានីយជលសាស្ត្រ។ ស្ថានភាពទឹកទន្លេ ៖ ស្ថានីយជលសាស្ត្រទន្លេមេគង្គ ទន្លេសាប និងទន្លេបាសាក់ ទឹកបាននឹងកំពុងស្រកជាបន្តបន្ទាប់។
បញ្ហាការឆបោកតាមប្រព័ន្ធបច្ចេកវិទ្យា មិនគួរត្រូវបានប្រទេសណាមួយប្រើជាលេស ដើម្បីប្រើកម្លាំងវាយប្រហារ ឬកាន់កាប់ទឹកដីអធិបតេយ្យរបស់ប្រទេសមួយផ្សេងទៀត ដែលជាការរំលោភបំពានលើគោលការណ៍ច្បាប់អន្តរជាតិ ហើយចំណុចនេះបានកើតឡើងមកលើកម្ពុជានៅក្នុងជម្លោះព្រំដែនជាមួយថៃ។
កម្ពុជាបានអនុម័តច្បាប់ស្តីពីការប្រយុទ្ធប្រឆាំងការឆបោកតាមប្រព័ន្ធអនឡាញនៅខែមេសា ឆ្នាំ២០២៦ ដើម្បីលុបបំបាត់និងទប់ស្កាត់ការកើតឡើងវិញនៃបណ្តាញឧក្រិដ្ឋកម្មជាអចិន្ត្រៃយ៍ ហើយជាក់ស្តែង យើងក៏បានបង្ក្រាបទាំងស្រុងនូវរាល់ទីតាំងឆបោកទ្រង់ទ្រាយធំទាំងអស់នៅក្នុងប្រទេសកម្ពុជាផងដែរ។
កម្ពុជាទទួលខុសត្រូវពេញលេញ ក្នុងការធានាសន្តិសុខព្រំដែន ការអនុវត្តច្បាប់ និងការស្តារឡើងវិញនូវបូរណភាពនៃដែនយុត្តាធិការជាតិរបស់យើង។ ជាក់ស្តែងកាលពីខែកុម្ភៈ ឆ្នាំ២០២៥ យើងបានបង្កើតគណៈកម្មការជាតិប្រយុទ្ធប្រឆាំងការឆបោកតាមប្រព័ន្ធអនឡាញ ដែលស្ថិតក្រោមការដឹកនាំផ្ទាល់របស់ខ្ញុំ។
កម្ពុជានឹងមិនក្លាយជាទីសុវត្ថិភាពសម្រាប់ការឆបោកតាមប្រព័ន្ធបច្ចេកវិទ្យាឡើយ! កម្ពុជានឹងមិនអនុញ្ញាតឱ្យក្រុមឧក្រិដ្ឋជនបំផ្លាញវឌ្ឍនភាពរបស់ប្រទេសយើង និងជីវភាពរស់នៅរបស់ប្រជាជនកម្ពុជាជាង ១៧លាននាក់ឡើយ។
