លោក វ៉ា ធីម អភិបាលនៃគណៈអភិបាលស្រុកពោធិ៍រៀង បានអញ្ជើញជាអធិបតី ដឹកនាំកិច្ចប្រជុំវេទិកាសាធារណៈស្ដីពី សហគមន៍ទំនប់ក្រចាប់ខាងលិច នៅវត្តព្រះកន្លោង ឃុំព្រៃកន្លោង ដោយមានការចូលរួមពី លោកអភិបាលរងស្រុក លោកមេបញ្ជាការរងកងរាជអាវុធហត្ថស្រុក លោកមេបញ្ជាការរងផ្នែកសឹករងស្រុក លោកប្រធានការិយាល័យកសិកម្ម ធនធានធម្មជាតិនិងបរិស្ថាន លោកប្រធានការិយាល័យសេដ្ឋកិច្ច និងអភិវឌ្ឍន៍សហគមន៍ លោកប្រធានការិយាល័យនីតិកម្ម និងសម្រុះសម្រួលវិវាទមូលដ្ឋាន លោកប្រធានការិយាល័យរៀបចំដែនដីនគរូបនីយកម្ម សំណង់និងភូមិបាល លោកមេឃុំ ក្រុមប្រឹក្សាឃុំ ស្មៀនឃុំ ជំនួយការឃុំ នាយរងប៉ុស្តិ៍រដ្ឋបាលឃុំ លោកមេភូមិអនុភូមិសមាជិកភូមិ និងប្រជាពលរដ្ឋក្នុងឃុំព្រៃកន្លោង សរុបអ្នកចូលរួមចំនួន 203នាក់ ស្រី114នាក់។ ព្រឹកថ្ងៃទី៧ ខែសីហា ឆ្នាំ២០២៦

សម្ពាធទាបដែលកើតមាននៅលើមហាសមុទ្រប៉ាស៊ីហ្វីកខាងលិចបានវិវត្តទៅជាព្យុះទី១៥ ឈ្មោះ ចាន់ហម(Chan-hom)T2615 រួមជាមួយព្យុះទី១៤ ឈ្មោះ គូជីរ៉ា (Kujira) T2614 និងព្យុះសង្ឃរាទី១៣ ឈ្មោះ ដូលហ្វីន (Dolphin)T2613 មានឥទ្ធិពលខ្លាំងលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងបីនេះទេ។ ស្ថានភាពបែបនេះនឹងធ្វើឱ្យធាតុអាកាស ចាប់ពីថ្ងៃទី៧ ដល់ថ្ងៃទី៩ ខែសីហា ឆ្នាំ២០២៦៖

ថ្ងៃទី៣០ ខែកក្កដា ឆ្នាំ២០២៦ លោក ឃុត ទ្រៀង ចៅសង្កាត់រងទី១ បានដឹកនាំសមាជិកក្រុមប្រឹក្សាសង្កាត់ ស្មៀន ជំនួយការហិរញ្ញវត្ថុ ជំនួយការរដ្ឋបាល នាយកសាលាអនុវិទ្យាល័យតាកោ ស.ស.យ.ក មន្ត្រីកសិកម្ម លោក លោកស្រី មេភូមិ អនុភូមិ សមាជិភូមិ ទាំង០៨ ភូមិ បានធ្វើការសម្អាតបរិស្ថានត្រង់ចំណុចផ្លូវជាតិលេខ១១ ចាប់ពីភូមិកុកត្រុំ ក រហូតដល់ ព្រំប្រទល់ឃុំមេបុណ្យ

ស្រុកបាភ្នំស្អាត គ្មានសំរាម ផ្តើមចេញពីយើងទាំងអស់គ្នា! —————————————————— ព្រឹកថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ គណៈអភិបាលស្រុកបាភ្នំ នាយក នាយករងរដ្ឋបាល និងមន្រ្តីរាជការរដ្ឋបាលស្រុកទាំងអស់ បានធ្វើពលកម្មសម្អាតអនាម័យបរិស្ថាននៅបរិវេណរដ្ឋបាលស្រុកបាភ្នំ ខេត្តព្រៃវែង។ ក្នុងនោះ លោក ម៉ននី បណ្ឌិត អភិបាលស្រុកបាភ្នំ បានដាក់ផែនការដល់រដ្ឋបាលឃុំទាំង៩ កងកម្លាំង មណ្ឌលសុខភាព និងសាលារៀនក្នុងស្រុកបាភ្នំ បន្តពង្រឹងការធ្វើយុទ្ធនាការសម្អាតបរិស្ថានតាមអង្គភាពនីមួយៗផងដែរ។ ឆ្លៀតក្នុងឱកាសនេះផងដែរ ក្នុងនាមរដ្ឋបាលស្រុកបាភ្នំ សូមអំពាវនាវដល់បងប្អូនប្រជាពលរដ្ឋទាំងអស់ឈប់បោះចោលសំរាមពាសវាសពាសកាលនៅតាមដងផ្លូវសាធារណៈ ព្រោះវាធ្វើឱ្យបាត់បង់នូវសោភណភាព ក្លិនមិនល្អ ប៉ះពាល់ដល់សុខភាព និងសូមងាកមករួបរួមសាមគ្គីគ្នាថែរក្សាបរិស្ថាន និងទុកដាក់សំរាមឱ្យបានត្រឹមត្រូវទាំងអស់គ្នា។

នាព្រឹកថ្ងៃទី១៨ ខែកក្កដា ឆ្នាំ២០២៦ លោក ហ៊ន សុផាត អភិបាលនៃគណៈអភិបាលស្រុកមេសាងបានអញ្ជើញធ្វើជាអធិបតីក្នុងកម្មវិធីដាំកូនដើមក្ងោកពីកែងភូមិសំព័រ ឆ្ពោះមកខាងលិចភូមិព្រៃជ្រុំ ឃុំព្រៃទទឹង ស្រុកមេសាង ខេត្តព្រៃវែង (ប្រមាណជាង១០០ដើម)។

ព្រឹកថ្ងៃទី១៣ ខែកក្កដា ឆ្នាំ២០២៦ ឯកឧត្តម សុខ ផេង រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា អតីតប្រធានមន្ទីរឧស្សាហកម្មរ៉ែ និថាមពលខេត្តព្រៃវែង បានអញ្ជើញមកទស្សនាពីវឌ្ឍន:ភាពរបស់មន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ខេត្តព្រៃវែង។