ប្រជាពលរដ្ឋភូមិព្រៃស្លាកើត ឃុំព្រៃព្នៅ សម្តែងកតញ្ញូកតវេទិតាធម៌យ៉ាងជ្រាលជ្រៅជូនចំពោះ សម្តេចតេជោ ហ៊ុន សែន ចំពោះអំណោយផ្លូវបេតុង ១ខ្សែ និងអំពូលសូឡា

ប្រជាពលរដ្ឋរស់នៅក្នុងភូមិព្រៃស្លាកើត ឃុំព្រៃព្នៅ ស្រុកពារាំង ខេត្តព្រៃវែង បានសម្តែងនូវក្តីរំភើបរីករាយជាអនេក និងសូមគោរពថ្លែងអំណរគុណយ៉ាងជ្រាលជ្រៅបំផុត ជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ ដែលបានផ្តល់អំណោយដ៏ថ្លៃថ្លានូវផ្លូវបេតុង ១ខ្សែ ព្រមទាំងការបំពាក់អំពូលសូឡា ដើម្បីសម្រួលដល់ការធ្វើដំណើរ និងលើកកម្ពស់ជីវភាពរស់នៅរបស់ប្រជាពលរដ្ឋក្នុងមូលដ្ឋាន។