នៅថ្ងៃទី១ ខែតុលា ឆ្នាំ២០២៦ ឆ្លៀតក្នុងឱកាសអញ្ជើញចូលរួមធ្វើបុណ្យកាន់បិណ្ឌទី៥ នៃពិធីបុណ្យភ្ជុំបិណ្ឌ នៅវត្តព្រះឈរ ស្ថិតក្នុងឃុំព្រៃឈរ ស្រុកកំពង់ត្របែក ខេត្តព្រៃវែង ឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង រួមជាមួយសហការី បានអញ្ជើញចុះពិនិត្យមើលសកម្មភាព និងវឌ្ឍនភាពនៃការសាងសង់ខ្លោងទ្វារសាលាបឋមសិក្សា ស្បោង សារ៉ាត ស៊ាន ឈុនហេង ព្រះឈរ។
កាលពីព្រឹកថ្ងៃទី១ ខែតុលា ឆ្នាំ២០២៦ លោក លាត ភិរុណ អភិបាលរង នៃគណៈអភិបាលខេត្តព្រៃវែង បានអញ្ជើញជាអធិបតីភាពក្នុង កិច្ចប្រជុំផ្សព្វផ្សាយពិគ្រោះយោបល់លើការងារផ្តល់សេវានៅអង្គភាពច្រកចេញចូលតែមួយខេត្ត ការិយាល័យច្រកចេញចូលតែមួយស្រុក និងយន្តការច្រកចេញចូលតែមួយឃុំ ក្នុងស្រុកបាភ្នំ ខេត្តព្រៃវែង ដែលបានប្រព្រឹត្តទៅនៅសាលប្រជុំសាលាស្រុកបាភ្នំ។
នៅថ្ងៃទី១ ខែតុលា ឆ្នាំ២០២៦ រដ្ឋបាលឃុំស្ដៅកោង បានចុះអនុវត្តសកម្មភាពឈូសឆាយ និងចាក់ដីបំពេញក្រឡុកផ្លូវ១ខ្សែ ដែលមានប្រវែងសរុប ៦,០០០ម៉ែត្រ (៦គីឡូម៉ែត្រ) ដើម្បីសម្រួលដល់ការធ្វើដំណើររបស់ប្រជាពលរដ្ឋនៅក្នុងមូលដ្ឋាន។
ជូនដំណឹងស្តីពីការចែកវិញ្ញាបនបត្រសម្គាល់ម្ចាស់អចលនវត្ថុ និងមោឃភាពនៃប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី ឫប័ណ្ណសម្គាល់សិទ្ធិកាន់កាប់អចលនវត្ថុ នៅភូមិត្រពាំងកកោះ ឃុំព្រាល ស្រុកកញ្ជ្រៀច ខេត្តព្រៃវែង។ នៅថ្ងៃទី១-២ ខែតុលា ឆ្នាំ២០២៦ ទីតាំងចែកនៅភូមិត្រពាំងកកោះ។
ជូនដំណឹងស្តីពី ការបិទផ្សាយជាសាធារណៈនូវឯកសារ នៃការវិនិច្ឆ័យ នៅភូមិវាំង ឃុំជីផុច ស្រុកមេសាង ខេត្តព្រៃវែង ក្នុងរយៈពេល១៥ថ្ងៃ (ដោយរាប់បញ្ចូលទាំងថ្ងៃឈប់សម្រាក)។ ចាប់ពីថ្ងៃទី២ ដល់ថ្ងៃទី១៦ ខែតុលា ឆ្នាំ២០២៦ ទីតាំងបិទផ្សាយនៅស្នាក់ការភូមិ។
