ទិដ្ឋភាពដ៏កម្រ សត្វខ្ទីងមួយក្បាល ចុះមកសម្របខ្លួនរស់នៅ និងរកស៊ីជាមួយហ្វូងគោ ក្នុងខេត្តព្រះវិហារ
រូបភាពដ៏កម្រ និងគួរឱ្យភ្ញាក់ផ្អើលមួយ បាននិងកំពុងទាក់ទាញការចាប់អារម្មណ៍យ៉ាងខ្លាំងពីសំណាក់ប្រជាពលរដ្ឋ និងមន្ត្រីជំនាញ បន្ទាប់ពីគេបានប្រទះឃើញសត្វខ្ទីងព្រៃមួយក្បាល បានចេញមកសម្របខ្លួន ស្នាក់អាស្រ័យ និងដើររកស៊ីយ៉ាងចុះសម្របជាមួយហ្វូងគោស្រុករបស់ប្រជាពលរដ្ឋ។ ហេតុការណ៍ដ៏ប្លែកនេះ បានកើតឡើងនៅក្នុងភូមិស្រែវាល ឃុំធ្មា ស្រុកជ័យសែន ខេត្តព្រះវិហារ ដែលជាតំបន់ស្ថិតក្នុងដែនជម្រកសត្វព្រៃឡង់។
