លទ្ធផលការងាររបស់ខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្ដព្រៃវែង ចុះស្រាវជ្រាវ ត្រួតពិនិត្យ ទប់ស្កាត់ និងបង្ក្រាបបទល្មើសជលផល

នៅចន្ទ ១កើត ខែបឋមសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៥ ខែមិថុនា ឆ្នាំ២០២៦ មានដូចខាងក្រោម៖ ការពង្រឹងការអនុវត្ដច្បាប់៖ យោងតាមលិខិតបញ្ជាបេសកកម្មរបស់មន្ទីរកសិកម្ម រុក្ខាប្រមាញ់ និងនេសាទខេត្ដ និងមានការណែនាំពីលោកនាយខណ្ឌ នៅថ្ងៃទី១៥ ខែមិថុនា ២០២៦ នេះ លោកយូ ណាវុធ នាយរងខណ្ឌរដ្ឋបាលជលផលព្រៃវែង បានដឹកនាំមន្ត្រីខណ្ឌ មន្ត្រីផ្នែករដ្ឋបាលជលផលកំពង់លាវ និងមន្ត្រីសង្កាត់រដ្ឋបាលជលផលក្រោមឱវាទ គណៈកម្មការសហគមន៍សហគមន៍នេសាទបាទងសាមគ្គី៧មករា មានកម្លាំងសរុបចំនួន ០៨នាក់ ប្រើប្រាស់កាណូត ១គ្រឿង ចុះស្រាវជ្រាវ ត្រួតពិនិត្យ ទប់ស្កាត់ និងបង្ក្រាបបទល្មើសជលផល (ពង្រឹងការអនុវត្តច្បាប់ និងការគ្រប់គ្រង និងអភិរក្សធនធានជលផល) នៅចំណុចព្រែកអន្លង់វិលក្នុងកន្លែងអភិរក្សជលផលផ្លូវភក់ ស្ថិតនៅភូមិព្រៃកន្លោង ឃុំព្រៃកន្លោង ស្រុកពោធិ៍រៀង។ លទ្ធផលអនុវត្តបានចំនួន ០១ករណី ពីបទធ្វើនេសាទដោយប្រើឧបករណ៍ស្បៃមុង។ ឧបករណ៍ស្បៃមុងល្មើសច្បាប់ត្រូវបានរុះរើបំផ្លាញចោលនៅនឹងកន្លែងរួមមាន លូស្បៃមុងចំនួន ២១មាត់ របាំងព្រួលស្បៃមុងប្រវែង ៩២០ម៉ែត្រ បង្គោលចម្រឹងប្ញស្សីចំនួន ៣១០ដើម និងបានចាក់លែងកូនត្រីចម្រុះទម្ងន់ ១០គ.ក ចូលក្នុងបឹងធម្មជាតិ។