មន្ត្រីជាន់ខ្ពស់ក្រសួងសេដ្ឋកិច្ចនិងហិរញ្ញវត្ថុ បានអញ្ជើញចុះសិក្សាស្វែងយល់អំពីការប្រកបមុខរបរអាជីវកម្មរបស់ប្រជាពលរដ្ឋ ការចិញ្ចឹមត្រី ការដាំបន្លែ នៅក្នុងស្រុកពាមរក៏ និងស្រុកពាមជរ
ព្រៃវែង៖ ដើម្បីពង្រឹង និងលើកកម្ពស់ជីវភាពរស់នៅរបស់ប្រជាពលរដ្ឋនៅមូលដ្ឋាន ឯកឧត្ដម ប៉ែន ធីរុង្គ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការរងនៃអគ្គលេខាធិការគណៈកម្មាធិការដឹកនាំ ការងារកែទម្រង់ការគ្រប់គ្រងហិរញ្ញវត្ថុសាធារណៈ បានចុះទស្សនកិច្ចសិក្សា ការចិញ្ចឹមត្រី នៅមជ្ឈមណ្ឌលស្រាវជ្រាវ និងអភិវឌ្ឍន៍វារីវប្បកម្មទឹកសាប-បាទី ស្ថិតនៅភូមិបាទី ឃុំពាមរក៍ ស្រុកពាមរក៍ និងបន្ដដំណើរទៅកាន់សហគមន៍អភិវឌ្ឍកោះចេក និងភូមិគំរូកោះពាមរាំង(ការដាំបន្លែសុវត្ថិភាព) ដែលស្ថិតនៅស្រុកពាមជរ នៅថ្ងៃទី ២៣ ខែកក្កដា ឆ្នាំ២០២៦។
