ព័ត៌មានក្នុងខេត្ត

ព្រៃវែង៖ នៅថ្ងៃទី២២ ខែមិថុនា ឆ្នាំ២០២៦ ឯកឧត្ដម តូច សេដ្ឋា សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងលោក ពេជ្រ សុត្ថារ័ត្ន អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលនៃគណៈអភិបាលខេត្តបានអញ្ជើញដឹកនាំក្នុងកិច្ចប្រជុំផ្សព្វផ្សាយ និងជំរុញការអនុវត្តយុទ្ធសាស្រ្តជាតិ ស្ដីពីការអភិវឌ្ឍសេដ្ឋកិច្ចក្រៅប្រព័ន្ធ នៅខេត្តព្រៃវែង ដែលប្រព្រឹត្តទៅនៅសាលាខេត្តព្រៃវែង។

ថ្ងៃទី១៩ខែមិថុនាឆ្នាំ២០២៦ លោក ចេម ប្រា អភិបាល នៃគណៈអភិបាលស្រុកពារាំង និងឯឧត្តម សរ រ៉ន ប្រធានក្រុមការងាររាជរដ្ឋាភិបាលចុះមូលដ្ឋានភូមិកំពង់ទ្រា និងសហការី បានអញ្ជើញជាអធិបតីក្នុងពិធីបើកការដ្ឋានជួសជុលផ្លូវលំដីសប្រវែង ៥,៩៥០ម៉ែត្រ តម្លៃប៉ាន់ស្មាន ១៦៤,៥២០,០០០ រៀល ស្ថិតនៅភូមិកំពង់ទ្រា និងភូមិយោត ឃុំមេសរប្រចាន់ ស្រុកពារាំង ខេត្តព្រៃវែង។ +សមាសភាពអញ្ជើញចូលរួមមាន: លោកនាយករដ្ឋបាលសាលាស្រុក មន្រ្តីគាំទ្របច្ចេកទេស លោប្រធាន អនុប្រធាន ការិយាល័យជំនាញពាក់ព័ន្ធ លោកមេឃុំ លោក លោកស្រី សមាជិកក្រុមប្រឹក្សាឃុំ ស្មៀនឃុំ ជំនួយការឃុំ អាជ្ញាធរភូមិ និងបងប្អូនប្រជាពលរដ្ឋសរុបវត្តមានចំនួន ១៥៩នាក់ ស្រី ៧២នាក់ ។ +ក្នុងនោះដែរលោកអភិបាលស្រុក បានជូនវត្ថុអនុស្សាវរីយ៍ជូនដល់បងប្អូនបានចូលរួមក្នុងកម្មវិធី ដោយម្នាក់ទទួលបានសារុងចំនួន ១ផងដែរ ។

យប់ថ្ងៃទី១៧ ខែមិថុនា ឆ្នាំ២០២៦ ឯកឧត្តម វង្ស សេនវិសុត្ស អភិបាលរងនៃគណៈអភិបាលខេត្ត តំណាងដ៏ខ្ពស់ខ្ពង់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត និងឯកឧត្តម ហាស់ វង់ដារ៉ា អនុប្រធានគណៈកម្មាការជាតិជំរុញចលនាភូមិមួយផលិតផលមួយ តំណាងដ៏ខ្ពសខ្ពស់ ឯកឧត្តមបណ្ឌិតសភារ្យ អ៊ុក រ៉ាប៊ុន ទេសរដ្ឋមន្រ្តី និងជាគណៈកម្មាការជាតិជំរុញចលនាភូមិមួយផលិតផលមួយ បានអញ្ជើញជាអធិបតីក្នុងពិធីកាត់ខ្សែបូរសម្ពោធបើកពិព័រផលិតផលទូទៅក្នុងស្រុក ភូមិមួយផលិតផលមួយ នឹងប្រព្រឹត្តទៅរយៈពេល៥ថ្ងៃ ចាប់ពីថ្ងៃទី១៧ ដល់ថ្ងៃទី ២១ ខែមិថុនា ឆ្នាំ២០២៦ នៅបរិវេណបណ្ដោយសួនច្បារទល់មុខសាលាខេត្តព្រៃវែង ស្ថិតនៅភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែង។

ព្រៃវែង៖ ព្រឹកថ្ងៃទី១៥ ខែមិថុនា ឆ្នាំ២០២៦ វិទ្យាស្ថានពហុបច្ចេកទេសខេត្តព្រៃវែង បានប្រារព្ធធ្វើអបអរសាទរទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦” ក្រោមប្រធានបទ “TVET ផ្តល់ជំនាញ ការងារ និងប្រាក់ចំណូល” ក្រោមអធិបតីភាព ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង ដែលប្រព្រឹត្តទៅនៅសាលាខេត្តព្រៃវែង។

ព្រៃវែង៖ បុណ្យចូលឆ្នាំថ្មី ប្រពៃណីជាតិខ្មែរ រយៈពេល៣ថ្ងៃ ខេត្តព្រៃវែង មានភ្ញៀវទេសចរ និងប្រជាពលរដ្ឋមកលេងកម្សាន្ត តាមគោលដៅទេសចរសំខាន់ៗក្នុងកម្មវិធីសង្ក្រាន្តព្រៃវែង មានចំនួន ២.៣២៣.០៩៦ នាក់ ក្នុងនោះ ក៏មានភ្ញៀវបរទេសចំនួន ១៣១ ផងដែរ។

នៅព្រឹកទី២០ ខែមីនា ឆ្នាំ២០២៦ រដ្ឋបាលខេត្តព្រៃវែង បានរៀបចំពិធីក្រុងពលី សុំម្ចាស់ទឹក ម្ចាស់ដី ដើម្បីបួងសួងសុំសេចក្តីសុខ សេចក្តីចម្រើន ក្នុងឱកាសត្រៀមរៀបចំព្រឹត្តិការណ៍ «សង្ក្រាន្តព្រៃវែង» ឆ្នាំ២០២៦ និងអបអរសាទរបុណ្យចូលឆ្នាំប្រពៃណីជាតិខ្មែរ ដែលប្រព្រឹត្តទៅក្រោមអធិបតីភាពដ៏ខ្ពង់ខ្ពស់លោកជំទាវ ញ៉ែម សាខន ស ខេង និងវត្តមានដ៏ខ្ពស់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង និងលោកជំទាវ កែ សួនសុភី ស សុខា រួមជាមួយវត្តមាន លោកជំទាវ ជា ផល្គុន ដែលប្រារព្ធធ្វើឡើងនៅសួនច្បារសម្ដេចអគ្គមហាធម្មពោធិសាល ជា សុីម (ស្កូប) ស្ថិតក្នុងក្រុងព្រៃវែង ខេត្តព្រៃវែង។

នៅថ្ងៃទី ១២ ខែកុម្ភៈ ឆ្នាំ២០២៦ ឯកឧត្តម សួន សុម៉ាលីន អភិបាល នៃគណអភិបាលខេត្តព្រៃវែង បានដឹកនាំគណៈប្រតិភូអញ្ជើញ សំណេះសំណាលសិស្សនគរបាលវត្តបឋមវិជ្ជាជីវៈនគរបាលជំនាន់ទី២០ លើកទី១ ចំនួន ១៦៧នាក់ ជានារី ២៩ នាក់ ដែលនឹងត្រូវសិក្សារយៈពេល៤ខែ នៅសាលានគរបាលជាតិភូមិភាគ២ ព្រមទាំងនាំមកនូវសម្ភារៈនិថវិកាមួយ ចំនួនឧបត្ថម្ភដល់សាលានគរបាលជាតិភូមិភាគ២ ស្ថិតនៅភូមិផ្កាយព្រឹក ឃុំមាន ស្រុកព្រៃឈរ ខេត្តកំពង់ចាម។

នៅក្រោមដំបូលផ្ទះឈើបុរាណ ក្នុងភូមិព្រែកចង្ក្រានលើ សំឡេង «កុក...ត្រាក់... កុក...ត្រាក់...» នៃឧបករណ៍តម្បាញបានបន្លឺឡើងមិនដាច់សូរ។ នេះគឺជាសញ្ញានៃការបន្តដង្ហើមវប្បធម៌ខ្មែរ ដែលបានចាក់ឫសយ៉ាងជ្រៅក្នុងជីវភាពប្រជាពលរដ្ឋតាមជនបទ តាំងពីបុរាណកាលរហូតមកដល់បច្ចុប្បន្ន

នៅចន្ទ ២កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦ មានដូចខាងក្រោម៖ ការងារវារីវប្បកម្ម ស្ថិតិផលវារីវប្បកម្ម ៖ មានកសិករចិញ្ចឹមត្រីចំនួន ៤២គ្រួសារ បានប្រមូលផលវារីវប្បកម្មមានត្រីទីឡាព្យា ០,៥០តោន ត្រីកាបឥណ្ឌា ០,៤០តោន ត្រីអណ្ដែង ៣,៥០តោន ត្រីឆ្ពិន ៣,១០តោន ត្រីប្រា ៩០,២០តោន ត្រីពោ ៥,៧០តោន ត្រីឆ្ដោ ៣,៦០តោន ត្រីក្រាញ់ ០,៤០តោន។ បរិមាណផលវារីវប្បកម្មសរុបប្រចាំថ្ងៃ ១០៧,៤០តោន (តម្លៃផលវារីវប្បកម្មមធ្យម ៤ ៩៨០រៀល/គ.ក្រ) ស្មើនឹងថ្លៃសរុប ៥៣៤ ៨៥២ ០០០ រៀល ត្រូវជា ១៣៣ ០៤៧,៧៦ ដុល្លារ។

ថ្ងៃចន្ទ ២កើត ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦៖ I. ផ្នែកផលិតកម្មសត្វ ១. ស្ថិតិសត្វសរុបក្នុងខេត្ត៖ គោ៖ ៣៦៣,៧៣៥ ក្បាល ក្របី៖ ១៨,២៦៤ ក្បាល ជ្រូក៖ ៣១,១៤១ ក្បាល បក្សី៖ មាន់ ២,៧៨២,៥០៨ ក្បាល និង ទា ១,៤០៩,៤៩៣ ក្បាល សត្វផ្សេងៗ៖ ពពែ ៣,១៥០ ក្បាល និង ចៀម ៨២ ក្បាល ២. ការងារបច្ចេកទេសចិញ្ចឹមសត្វ និងការចុះផ្សព្វផ្សាយ៖ ការចុះណែនាំបច្ចេកទេស៖ បានចុះជួបកសិករនៅតាមបណ្តាស្រុក (ព្រះស្តេច, មេសាង, ពារាំង) ដើម្បីណែនាំពីការធ្វើទ្រុង ការជ្រើសរើសពូជ ការប្រើប្រាស់ចំណី ទឹក ការចាក់វ៉ាក់សាំង និងវិធានជីវសុវត្ថិភាព។ ការផ្តល់ថ្នាំសម្លាប់មេរោគ៖ បានផ្តល់ថ្នាំរំងាប់មេរោគសរុបចំនួន ៥ លីត្រ ជូនដល់កសិករចិញ្ចឹមជ្រូកក្នុងស្រុកព្រះស្តេច និងមេសាង។ ការងារដំណាំចំណីសត្វ៖ ចុះពិនិត្យដីដែលមានសក្តានុពលសម្រាប់ដាំស្មៅចំនួន ៤ កន្លែង នៅស្រុកមេសាង និងព្រះស្តេច (ផ្ទៃដីសរុបប្រមាណ ៧ ហិកតា)។ ពិនិត្យការដាំដំណាំចំណីសត្វរបស់កសិករ ឃាក សុផល (០.១៥ ហត) នៅស្រុកពារាំង។ II. ផ្នែកបសុព្យាបាល និងអនាម័យសត្វ ១. ការចរាចរសត្វ និងផលិតផលសត្វ (ក្នុងខេត្តទៅក្រៅខេត្ត)៖ ស៊ុតទា៖ ១៦៩,៦០០ គ្រាប់ ស៊ុតមាន់៖ ១៤,៦០០ គ្រាប់ គោ៖ ២៧ ក្បាល ២. សុខភាពសាធារណៈ និងអនាម័យសាច់៖ ការត្រួតពិនិត្យ៖ ចុះពិនិត្យអនាម័យសត្វមុន និងក្រោយពិឃាតនៅតាមសត្តឃាតដ្ឋាន និងកន្លែងលក់ដូរ។ វិធានការគុណភាព៖ បានរកឃើញ និងដកហូតយកទៅដុតបំផ្លាញចោលនូវ សួតជ្រូកដែលមានដុំគីស (ខូចគុណភាព) ទម្ងន់ ០.៨ គីឡូក្រាម នៅស្រុកព្រះស្តេច។ ៣. ការងារអន្តរាគមន៍ចាក់វ៉ាក់សាំង៖ សហការជាមួយពេទ្យសត្វភូមិ និងអាជ្ញាធរ ចុះចាក់វ៉ាក់សាំងការពារ ជំងឺសារទឹក ដល់សត្វពាហនៈនៅស្រុកពាមជរ កំចាយមារ និងពោធិ៍រៀង។ លទ្ធផល៖ ចាក់បាន គោ ៣៥៣ ក្បាល និង ក្របី ១៨ ក្បាល។ III. ផ្នែកបណ្តុះបណ្តាល និងផ្សព្វផ្សាយ បានរៀបចំវគ្គបណ្តុះបណ្តាល "បច្ចេកទេសចិញ្ចឹមមាន់ដល់សហគមន៍ឃុំយើង" នៅភូមិកំពង់សឹង ឃុំកំពង់សឹង។ អ្នកចូលរួមសរុប៖ ៣០ នាក់ (ស្រី ១២ នាក់) ដឹកនាំដោយលោក កង ឆារ៉ាត អនុប្រធានការិយាល័យ និងមន្ត្រីកសិកម្មឃុំ។

លទ្ធផលការងាររបស់ខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង នៅចន្ទ ២កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦ មានដូចខាងក្រោម៖ ការងារពង្រឹងការអនុវត្ដច្បាប់ លោក យូ ណាវុធ នាយរងខណ្ឌរដ្ឋបាលជលផលព្រៃវែង បានដឹកនាំមន្ត្រីខណ្ឌ ផ្នែករដ្ឋបាលជលផលកំពង់លាវ សង្កាត់រដ្ឋបាលជលផលក្រោមឱវាទ និងគណ:កម្មការសហគមន៍នេសាទបឹងស្នេហ៍ធាយ សរុបចំនួន ៧នាក់ ប្រើប្រាស់កាណូត ១គ្រឿង ចុះស្រាវជ្រាវ ត្រួតពិនិត្យ ទប់ស្កាត់ និងបង្ក្រាបបទល្មើសជលផល (ពង្រឹងការអនុវត្តច្បាប់ និងការគ្រប់គ្រង និងអភិរក្សធនធានជលផល) នៅក្នុងភូមិសាស្ត្រភូមិចម្ការគួយ ឃុំដំរីពួន ស្រុកស្វាយអន្ទរ។ ជាលទ្ធផលអនុវត្តបានចំនួន ១ករណី ពីបទនេសាទដោយឧបករណ៍ស្បៃមុង។ ឧបករណ៍នេសាទល្មើសច្បាប់ត្រូវបានរុះរើបំផ្លាញចោលនៅនឹងកន្លែងនេសាទ រួមមាន លូស្បៃមុងចំនួន ៩មាត់ របាំងព្រួលស្បៃមុងប្រវែង ៤៥០ម៉ែត្រ បង្គោល ចម្រឹងចំនួន ១៥០ដើម ចាក់លែងត្រីចម្រុះចូលទៅក្នុងបឹងធម្មជាតិវិញចំនួន ៥គ.ក។

(ខេត្តព្រៃវែង)៖ នៅសាលប្រជុំសាលាស្រុកពោធិ៍រៀង នាថ្ងៃទី១៩ ខែឧសភា ឆ្នាំ២០២៦ បានរៀបចំពិធីប្រកាសទទួលស្គាល់ភូមិ ឃុំ ដែលបានបញ្ឈប់ការបន្ទោបង់ពាសវាលពាសកាលទាំងស្រុង (ODF) ។