ព័ត៌មានក្នុងខេត្ត

ស្រុកបាភ្នំស្អាត គ្មានសំរាម ផ្តើមចេញពីយើងទាំងអស់គ្នា! —————————————————— ព្រឹកថ្ងៃព្រហស្បតិ៍ ទី២៣ ខែកក្កដា ឆ្នាំ២០២៦ គណៈអភិបាលស្រុកបាភ្នំ នាយក នាយករងរដ្ឋបាល និងមន្រ្តីរាជការរដ្ឋបាលស្រុកទាំងអស់ បានធ្វើពលកម្មសម្អាតអនាម័យបរិស្ថាននៅបរិវេណរដ្ឋបាលស្រុកបាភ្នំ ខេត្តព្រៃវែង។ ក្នុងនោះ លោក ម៉ននី បណ្ឌិត អភិបាលស្រុកបាភ្នំ បានដាក់ផែនការដល់រដ្ឋបាលឃុំទាំង៩ កងកម្លាំង មណ្ឌលសុខភាព និងសាលារៀនក្នុងស្រុកបាភ្នំ បន្តពង្រឹងការធ្វើយុទ្ធនាការសម្អាតបរិស្ថានតាមអង្គភាពនីមួយៗផងដែរ។ ឆ្លៀតក្នុងឱកាសនេះផងដែរ ក្នុងនាមរដ្ឋបាលស្រុកបាភ្នំ សូមអំពាវនាវដល់បងប្អូនប្រជាពលរដ្ឋទាំងអស់ឈប់បោះចោលសំរាមពាសវាសពាសកាលនៅតាមដងផ្លូវសាធារណៈ ព្រោះវាធ្វើឱ្យបាត់បង់នូវសោភណភាព ក្លិនមិនល្អ ប៉ះពាល់ដល់សុខភាព និងសូមងាកមករួបរួមសាមគ្គីគ្នាថែរក្សាបរិស្ថាន និងទុកដាក់សំរាមឱ្យបានត្រឹមត្រូវទាំងអស់គ្នា។

នាព្រឹកថ្ងៃទី១៨ ខែកក្កដា ឆ្នាំ២០២៦ លោក ហ៊ន សុផាត អភិបាលនៃគណៈអភិបាលស្រុកមេសាងបានអញ្ជើញធ្វើជាអធិបតីក្នុងកម្មវិធីដាំកូនដើមក្ងោកពីកែងភូមិសំព័រ ឆ្ពោះមកខាងលិចភូមិព្រៃជ្រុំ ឃុំព្រៃទទឹង ស្រុកមេសាង ខេត្តព្រៃវែង (ប្រមាណជាង១០០ដើម)។

ព្រឹកថ្ងៃទី១៣ ខែកក្កដា ឆ្នាំ២០២៦ ឯកឧត្តម សុខ ផេង រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា អតីតប្រធានមន្ទីរឧស្សាហកម្មរ៉ែ និថាមពលខេត្តព្រៃវែង បានអញ្ជើញមកទស្សនាពីវឌ្ឍន:ភាពរបស់មន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ខេត្តព្រៃវែង។

ព្រៃវែង៖ នៅថ្ងៃទី ៩ ខែកក្កដា ឆ្នាំ២០២៦ ដើម្បីចូលរួមអបអរសាទរពិធី «រុក្ខទិវាជាតិ» ៩ កក្កដា សាខាកាកបាទក្រហមកម្ពុជាខេត្តព្រៃវែង បានរៀបចំយុទ្ធនាការដាំកូនឈើប្រណិត ចំនួន ២២០ដើម ក្រោមប្រធានបទដ៏មានអត្ថន័យថា «ដាំដើមឈើ គឺជាបេសកកម្មបង្កើតគម្របបៃតង» សកម្មភាពនេះត្រូវបានធ្វើឡើងក្រោមការដឹកនាំផ្ទាល់ពីឯកឧត្តម សុខ ផេង អនុប្រធានអចិន្ត្រៃយ៍គណៈកម្មាធិការសាខាខេត្ត តំណាង ឯកឧត្តម សួន សុម៉ាលីន ប្រធានគណៈកម្មាធិការ សាខាខេត្ត បានដឹកនាំគណៈកម្មាធិការសាខាខេត្ត ក្រុមប្រតិបត្តិ សាខា លោកប្រធានអនុសាខាស្រុក បុគ្គលិកកិច្ចសន្យា ក្រុម កាកបាទក្រហមឃុំ អ្នកស្ម័គ្រចិត្តភូមិ និងមន្ទីរ អង្គភាព ដែលធ្វើនៅបរិវេននៅសាលាបឋមសិក្សា អង្គរ ទ្រេត ភូមិអង្គរ ទ្រេត ឃុំអង្គរ ទ្រេត  ស្រុកស្វាយអន្ទរ។

ព្រឹកថ្ងៃទី២៩ខែមិថុនាឆ្នាំ២០២៦

រសៀលថ្ងៃទី២៤ ខែមិថុនា ឆ្នាំ២០២៦ ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានអញ្ជើញជាអធិបតីដឹកនាំកិច្ចប្រជុំពិភាក្សាការអនុវត្តគម្រោងអភិវឌ្ឍហេដ្ឋារចនាសម្ព័ន្ធទីក្រុង (UIDP) ការរៀបចំទីលានចាក់សំរាម ដែលស្ថិតនៅក្នុងភូមិពពឺស ឃុំព្រៃកន្លោង ស្រុកពោធិ៍រៀង ខេត្តព្រៃវែង។

នាព្រឹកថ្ងៃទី១០ ខែមិថុនា ឆ្នាំ២០២៦ សាលប្រជុំ D សាលាខេត្តព្រៃវែង ឯកឧត្តម សាយ សុជាតិ អភិបាលរងនៃគណៈអភិបាលខេត្ត ដំណាងដ៏ខ្ពង់ខ្ពស់ឯកឧត្តមអភិបាលខេត្ត រួមជាមួយ ឯកឧត្តម ហេង ណន រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំត្រួតពិនិត្យវឌ្ឍភាពនៃការអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ឌទីក្រុង(UIDP) ដែលគម្រោងនេះផ្តោតទៅលើប្រព័ន្ឌចម្រោះទឹកកខ្វក់ បណ្តាញលូទឹកភ្លៀង ប្រព័ន្ធការពារទឹកជំនន់ និងទីលានចាក់សម្រាម។ ដោយមានការអញ្ជើញចូលរូមពី ប្រតិភូធនាគារវិនិយោគហេដ្ឋារចនាសម្ព័ន្ធអាស៊ី(AIIB) ក្រុមការងារអង្គភាពគ្រប់គ្រងគម្រោង(MPWT-PMU-UIDP) ថ្នាក់ដឹកនាំខេត្ត មន្ទីរជំនាញ និងអាជ្ញារមូលដ្ឋានពាក់ព័ន្ធខេត្ត តំណាងក្រុមហ៊ុនទីប្រឹក្សាបច្ចេកទេស(Consulting Firm) និងទីប្រឹក្សាជាតិ(National Individual Consultants)៕