ព័ត៌មានក្នុងខេត្ត

«បច្ចុប្បន្ននេះ កម្ពុជាគ្មានទៀតទេទីតាំងបទល្មើសឆបោកទ្រង់ទ្រាយធំ! សកម្មភាពឆបោកបន្តកើតមាននិងកំពុងផ្លាស់ប្តូររូបភាពទៅជាប្រតិបត្តិការទ្រង់ទ្រាយតូចៗ ធ្វើសកម្មភាពតាមបន្ទប់ជួល ផ្ទះសំណាក់ ខុនដូ តាមផ្ទះ តាមរថយន្ត ហាងកាហ្វេជាដើម។ កម្ពុជាស្វាគមន៍ការចែករំលែកផ្តល់ព័ត៌មានអំពីទីតាំងសង្ស័យដើម្បីចាត់វិធានការឆ្លើយតបបានឆាប់រហ័ស និងមានកិច្ចសហការគ្នាបានល្អ»

«ចាប់ពីខែកក្កដា ឆ្នាំ២០២៥ រហូតដល់ថ្ងៃទី៣១ ខែសីហា ឆ្នាំ២០២៦ ដោយអនុវត្តតាមបទបញ្ជារបស់រាជរដ្ឋាភិបាល កងកម្លាំងសមត្ថកិច្ចជំនាញបានបើកប្រតិបត្តិការស្រាវជ្រាវ និងត្រួតពិនិត្យទីតាំងសង្ស័យសរុប ៧៩៣ ទីតាំង ដោយក្នុងនោះបានឈានទៅបង្ក្រាបជាក់ស្ដែងចំនួន ៦២៤ ទីតាំង និងបានបង្ក្រាបរំលាយមណ្ឌលឆបោក (scam compounds) ៨៦ ទីតាំង។ ក្នុងប្រតិបត្តិការទាំងនេះ សមត្ថកិច្ចបានឃាត់ខ្លួនមុខសញ្ញាសង្ស័យសរុបជិត ៣ម៉ឺននាក់ មាន ៣៩ សញ្ជាតិ។ បច្ចុប្បន្ននេះគ្មានទៀតទេទីតាំងបទល្មើសឆបោកទ្រង់ទ្រាយធំ!»

AKP ភ្នំពេញ ថ្ងៃទី១១ ខែកញ្ញា ឆ្នាំ២០២៦ -- ឯកឧត្តម មីន អោង ឡាំង ប្រធានាធិបតីនៃសាធារណរដ្ឋសហភាពមីយ៉ាន់ម៉ា បានប្រកាសគាំទ្រយ៉ាងពេញទំហឹងចំពោះគោលជំហររបស់កម្ពុជា លើការដោះស្រាយជម្លោះព្រំដែនកម្ពុជា-ថៃ ដោយសន្តិវិធីស្របតាមច្បាប់អន្តរជាតិ និងយន្តការដែលមានស្រាប់។ នេះបើតាមការបញ្ជាក់របស់ឯកឧត្ដម ជា ធីរិទ្ធ អ្នកនាំពាក្យព្រឹទ្ធសភា ក្នុងសន្និសីទសារព័ត៌មាន ស្ដីពី លទ្ធផលជំនួបកំពូលរវាង សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា និងឯកឧត្តម មីន អោង ឡាំង ប្រធានាធិបតីនៃសាធារណរដ្ឋសហភាពមីយ៉ាន់ម៉ា នារសៀលថ្ងៃទី១១ ខែកញ្ញា ឆ្នាំ២០២៦ នៅវិមានសាមគ្គីភាព នៃព្រឹទ្ធសភា។

ព្រឹត្តិការណ៍ថ្នាក់ជាតិដ៏ធំប្រចាំឆ្នាំ គឺ «វេទិកាពាណិជ្ជកម្មឌីជីថលកម្ពុជានិងពិព័រណ៍អនឡាញលើកទី៣» (The 3rd Cambodia DigitalTrade Forum & Online Expo) ត្រូវបានបើកសម្ពោធឱ្យដំណើរការជាផ្លូវការហើយដែលរៀបចំឡើងដោយក្រសួងពាណិជ្ជកម្ម នៅមជ្ឈមណ្ឌលសន្ធិបាត និងពិព័រណ៍កោះពេជ្ររាជធានីភ្នំពេញ។

អន្តរគណៈកម្មការជំនាញនៃរដ្ឋសភា (គណៈកម្មការទី៥ និងទី៦) បានសម្រេចឯកភាពទាំងស្រុងលើសេចក្តីព្រាងច្បាប់ស្តីពី «ការអនុម័តយល់ព្រមលើកិច្ចព្រមព្រៀងរវាងកម្ពុជា និងរុស្ស៊ី ស្តីពីការការពារពលរដ្ឋទៅវិញទៅមកក្នុងវិស័យយុត្តិធម៌ព្រហ្មទណ្ឌអន្តរជាតិ» ដើម្បីបញ្ជូនបន្តទៅគណៈកម្មាធិការអចិន្ត្រៃយ៍រដ្ឋសភា ក្រោយពីបានពិនិត្យ និងវាយតម្លៃលើគ្រប់ទិដ្ឋភាពច្បាប់លម្អិត នៅព្រឹកថ្ងៃទី១១ ខែកញ្ញា ឆ្នាំ២០២៦។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អញ្ជើញជួបពិភាក្សាការងារទ្វេភាគីជាមួយឯកឧត្តម មីន អោង ឡាំង (Min Aung Hlaing) ប្រធានាធិបតី នៃសាធារណរដ្ឋសហភាពមីយ៉ាន់ម៉ា នៅវិមានសន្តិភាព។

គណៈកម្មការជំនាញនៃរដ្ឋសភា ដឹកនាំដោយ ឯកឧត្តម អង្គ វង្ស វឌ្ឍានា ប្រធានគណៈកម្មការនីតិកម្ម និងយុត្តិធម៌ នៃរដ្ឋសភា (គណៈកម្មការទី៦) រួមជាមួយតំណាងគណៈកម្មការជំនាញពាក់ព័ន្ធរបស់រដ្ឋសភា បានជួបប្រជុំពិភាក្សាការងារជាមួយ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងសហការី តំណាងរាជរដ្ឋាភិបាល ដើម្បីពិនិត្យ សិក្សា និងពិភាក្សាលើសេចក្តីព្រាងច្បាប់ស្តីពី វិសោធនកម្មច្បាប់ស្តីពីលក្ខន្តិកៈមេធាវី នាព្រឹកថ្ងៃទី១១ ខែកញ្ញា ឆ្នាំ២០២៦។

ដំណើរទស្សនកិច្ចដែលរៀបចំដោយភាគីកាន់កាប់ដោយខុសច្បាប់មិនអាចបម្លែងការអះអាងទៅជាការពិតបានឡើយ! ការដែលថៃប្រើប្រាស់រូបភាពអគារ ស្ថានីយប៉ូលិសក្លែងក្លាយ មន្ទីរពេទ្យ ឬសម្ភារៈផ្សេងៗ ដើម្បីបង្កើតនិទានកថាមួលបង្កាច់កម្ពុជា គឺត្រូវឆ្លងកាត់ការផ្ទៀងផ្ទាត់ឯករាជ្យជាមុនសិន។

លោកវរសេនីយ៍ឯក Roderick T. Garcia នៃក្រុម AOT ថៃ បានបញ្ជាក់ថា អ្វីដែលលោកបានឃើញខុសពីព័ត៌មានដែលលោកទទួលបានមុនទៅដល់ ហើយលោកមិនទាន់អាចសន្និដ្ឋានពីភស្តុតាង ឬការរៀបរាប់របស់ភាគីណាមួយនៅឡើយ ដោយត្រូវការការវាយតម្លៃ និងផ្ទៀងផ្ទាត់បន្ថែម។

ជួបជាមួយ ឯកឧត្តម មីន អោង ឡាំង (Min Aung Hlaing) ប្រធានាធិបតី នៃសាធារណរដ្ឋសហភាពមីយ៉ាន់ម៉ា ក្នុងជំនួបទ្វេភាគី និងពិភាក្សាការងារ នៅវិមានសន្តិភាព។

ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងឯកឧត្តម សួន សុម៉ាលីន អភិបាលនៃគណៈអភិបាលខេត្ត រួមជាមួយថ្នាក់ដឹកនាំខេត្ត បានអញ្ជើញអមដំណើរ សម្តេចវិបុលសេនាភក្ដី សាយ ឈុំ ឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងវត្ដមានឯកឧត្ដម វង សូត ប្រធានគណៈកម្មការចងក្រងឯកសារ និងសាងសង់ស្ដូបអនុស្សាវរីយ៍ចលនាតស៊ូប្រឆាំងនឹងរបបប្រល័យពូជសាសន៍ ប៉ុល ពត អញ្ជើញចុះពិនិត្យទីតាំងត្រៀមសាងសង់ស្តូបអនុស្សវរីយ៍ចលនាតស៊ូប្រឆាំង និងរបបប្រល័យពូជសាសន៍ ប៉ុល ពត នៅភូមិភាគបូពា៍ តំបន់ព្រៃតាទក (តំបន់៥៧៨) ស្ថិតក្នុងភូមិកន្លែងជ្រៅ ឃុំក្របៅ ស្រុកកំចាយមារ ខេត្តព្រៃវែង។

ឯកឧត្ដម​ ឆាយ​ ឫទ្ធិ​សែន​ រដ្ឋមន្ត្រី​ក្រសួង​អភិវឌ្ឍន៍​ជនបទ​ និង​ ឯកឧត្ដម​ ស្បោង​ សារ៉ាត​ ប្រធានក្រុម​ប្រឹក្សា​ខេត្ត​ព្រៃវែង​ អមដំណើរ​ដោយ​ លោកប្រធាន​ មន្ទីរ​អភិវឌ្ឍន៍​ជនបទ​ លោកប្រធាន មន្ទីរ​រៀបចំ​ដែនដី​នគរូបនីយកម្ម​ និងសំណង់​ខេត្ត​ លោកប្រធានក្រុមប្រឹក្សាស្រុក​ លោកអភិបាលស្រុក​ និងមន្ត្រី​ជំនាញ​ បានចុះពិនិត្យទីតាំង​ ត្រៀមរៀបចំការសាងសង់​ស្តូក​ ស្ថិត​ក្នុង​ភូមិ​ កន្លែងជ្រៅ​ ឃុំក្របៅ​ ស្រុកកំចាយមារ​ ខេត្តព្រៃវែង​ ៕