ព័ត៌មានក្នុងខេត្ត

ចេញផ្សាយថ្ងៃទី២៤ ខែកក្កដា ឆ្នាំ២០២៦

សម្ដេចតេជោ

ថ្ងៃទី២៤ ដល់ថ្ងៃទី២៧ ខែកក្កដា ឆ្នាំ២០២៥

ខេត្តឧត្តរមានជ័យ

នារសៀលថ្ងៃទី២៣ ខែកក្កដា ឆ្នាំ២០២៦

នៅរសៀលថ្ងៃទី២៣ ខែកក្កដា ឆ្នាំ២០២៦

ទីក្រុងញូវយ៉ក ថ្ងៃទី ២៣ ខែកក្កដា ឆ្នាំ ២០២៦

រាជធានីភ្នំពេញ ព្រឹកថ្ងៃទី២៤ ខែកក្កដា ឆ្នាំ២០២៦

ព្រៃវែង : ឧបករណ៍នេសាទខុសច្បាប់ ប្រភេទស្បៃមុងរាប់រយម៉ែត្រ ត្រូវបានមន្ត្រីជំនាញជលផល និងអាជ្ញាធរស្រុកពាមរក៍ ធ្វើការបង្ក្រាបនិងដុតបំផ្លាញចោល ក្នុងពេលចុះល្បាតត្រួតពិនិត្យ នៅក្នុងដែនអភិរក្សកំពង់ចំណា ដែលស្ថិតក្នុងឃុំបាបោង ស្រុកពាមរក៍ ខេត្តព្រៃវែង។

នៅថ្ងៃទី២៣ ខែកក្កដា ឆ្នាំ២០២៦ លោកស្រី ឈឹម ចន្ថុល អនុប្រធាន​គណៈកម្មាធិការ​អនុសាខាកាកបាទក្រហមស្រុកព្រះស្ដេច​ តំណាងលោក យ៉ាវ សានិន ប្រធានគណៈកម្មាធិកាអនុសាខាកាកបាទក្រហមស្រុក បានដឹកនាំហេរញ្ញឹក បុគ្គលិកកិច្ចសន្យា ក្រុមកាកបាទក្រហមឃុំ ព្រមទាំងចៅអធិការវត្ត បាននាំយកអំណោយមនុស្សធម៌ ជូនដល់គ្រួសាររងគ្រោះដោយសារអគ្គីភ័យឆាបឆេះផ្ទះចំនួន១គ្រួសារ(ឆាបឆេះទាំងស្រុង) នៅភូមិថ្កោល ឃុំបឹងដោល ស្រុកព្រះស្ដេច ខេត្តព្រៃវែង។

ថ្ងៃទី២៤ ខែកក្កដា ឆ្នាំ២០២៦ ឯកឧត្តមបណ្ឌិត ងិន បាណាល់ ប្រធានក្រុមការងាររាជរដ្ឋាភិបាលចុះមូលដ្ឋានស្រុកបាភ្នំ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រគេនទៀនចំណាំព្រះវស្សាប្រគេនព្រះសង្ឃគង់ចាំព្រះវស្សាចំនួន ៩វត្ត ក្នុងស្រុកបាភ្នំ​ ខេត្តព្រៃវែង។ វត្តនីមួយៗទទួលបានទេយ្យទាន និងគ្រឿងឧបភោគបរិភោគរួមមាន៖ ទៀនចំណាំព្រះវស្សា ស្លាដក់ អង្ករ ត្រីខ មី ទឹកផ្លែឈើ ទឹកសុទ្ធ ទឹកស៊ីអុីវ ទឹកត្រី អំបិល ស្ករស ប៊ីចេង ឆៃប៉ូវ ត្រីងៀត និងបច្ច័យមួយចំនួនផងដែរ។

ព្រឹកថ្ងៃទី២៤ ខែកក្កដា ឆ្នាំ២០២៦ នៅសាលប្រជុំពហុបំណង (B) សាលាខេត្តព្រៃវែង ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងឯកឧត្តម សួន សុម៉ាលីន អភិបាលនៃគណៈអភិបាលខេត្ត រួមជាមួយ ឯកឧត្តម លោកជំទាវ អភិបាលរងខេត្ត លោកនាយក រដ្ឋបាលសាលាខេត្ត លោកមេបញ្ជាការកងកម្លាំងទាំងបី ប្រធានមន្ទីរពាក់ព័ន្ធ និងនាយកទីចាត់ការសាលាខេត្ត បានអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈប្រព័ន្ធបញ្ជូនរូបភាព និងសំឡេង (Zoom)។ របៀបវារៈសម្រាប់កិច្ចប្រជុំពេញអង្គគណៈរដ្ឋមន្ត្រីរួមមាន៖ ១-សេចក្តីព្រាងរបាយការណ៍ស្តីពីការតាមដាន និងត្រួតពិនិត្យប្រចាំឆ្នាំ២០២៥ នៃការអនុវត្តផែនការយុទ្ធសាស្ត្រអភិវឌ្ឍន៍ជាតិ របស់រាជរដ្ឋាភិបាល នីតិកាលទី៧ នៃរដ្ឋសភា។ ២-របាយការណ៍វឌ្ឍនភាពនៃវិស័យធនធានទឹក និងវិធានការត្រៀមលក្ខណៈឆ្លើយតបបាតុភូតអែលនីញ៉ូ។ ៣-របាយការណ៍វឌ្ឍនភាពនៃការអនុវត្តយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា (Online Scams)។ ៤- បញ្ហាផ្សេងៗ