ព័ត៌មានក្នុងខេត្ត

កិច្ចប្រជុំរដ្ឋមន្រ្តីទេសចរណ៍កម្ពុជា ឡាវ និងវៀតណាម (CLV) ជាប្រវត្តិសាស្ត្រលើកដំបូង ក្រោមទស្សនវិស័យអនុវត្តជាក់ស្តែងរួមគ្នា និងផ្តល់លទ្ធផលជាផ្លែផ្ការួមគ្នា ជាឧត្តមប្រយោជន៍របស់ជាតិ និងប្រជាជននៃប្រទេសទាំងបី «ដំណើរកម្សាន្តម្តង បីគោលដៅ»

ស្ថានភាពទឹកទន្លេ នៅតាមស្ថានីយជលសាស្ត្រទន្លេមេគង្គ ទន្លេសាប និង​ទន្លេបាសាក់ កំពុងស្រកជាបន្តបន្ទាប់។

ទិដ្ឋភាពពលរដ្ឋរងគ្រោះពីមហន្តរាយបាក់ដី និងទឹកជំនន់ខ្លាំង នៅព្រំដែននេប៉ាល់-ទីបេ ប្រភព៖ AP, AFP, Reuters, EPA-EFE, Xinhua

ព្រឹកថ្ងៃទី២៦ខែសីហាឆ្នាំ២០២៦លោក ចេម ប្រា អភិបាលនៃគណៈអភិបាលស្រុកពារាំង បានដឹកនាំកិច្ចប្រជុំបូកសរុបរបាយការណ៍ប្រចាំខែសីហានិងលើកទិសដៅបន្ដ របស់រដ្ឋបាលស្រុកពារាំង។ +សមាសភាពចូលរួមមាន៖ លោក លោកស្រី អភិបាលរងស្រុក នាយក នាយករងរដ្ឋបាលសាលាស្រុក កងកម្លាំងទាំងបី ប្រធានការិយាល័យចំណុះឱ្យរដ្ឋបាលស្រុក ការិយាល័យសុខាភិបាលស្រុកប្រតិបត្តិពារាំង ប្រធានការិយាល័យប្រជាពលរដ្ឋ បសុពេទ្យស្រុក មេឃុំ នាយប៉ុស្ដិ៍នគរបាល ស្មៀនឃុំទាំង៩ឃុំចូលរួមផងដែរ។

នារសៀលថ្ងៃទី២៦ ខែសីហា ឆ្នាំ២០២៦ ខ្ញុំបាទបានដឹកនាំលោកអភិបាលរងស្រុក លោកនាយករដ្ឋបាល ប្រធាននិងមន្ត្រីការិយាល័យពាក់ព័ន្ធ រួមជាមួយអាជ្ញាធរមូលដ្ឋានឃុំរកា និងឃុំព្រៃស្រឡិត បានចុះត្រួតពិនិត្យស្ថានភាពកម្ពស់ទឹកទន្លេដែលកំពុងជន់ឡេីងក្នុងភូមិសាស្ត្រឃុំរកា និងឃុំព្រៃស្រឡិត ស្រុកពារាំង។

រដ្ឋបាលក្រុងព្រៃវែងបានរៀបចំកិច្ចប្រជុំសាមញ្ញលើកទី២៧ អាណត្តិទី៤ របស់ក្រុមប្រឹក្សាក្រុងព្រៃវែង ក្រោមអធិបតីភាព លោក ស៊ិន សារៈ ប្រធានក្រុមប្រឹក្សាក្រុង និងមានការអញ្ជើញចូលរួមពី លោក ចន វៃ អភិបាល នៃ​គណៈអភិបាលក្រុងព្រៃវែង ដោយមានរបៀបវារៈចំនួន៧ ដែលមានការចូលរួមពីលោក លោកស្រី អភិបាលរង នាយករដ្ឋបាល នាយករង កងកម្លាំងទាំងបី ការិយាល័យ អង្គភាព ចំណុះរដ្ឋបាលក្រុង ការិយាល័យសុខាភិបាលស្រុកប្រតិបត្តិក្រុង សង្កាត់ទាំងបួន និងតំណាងប្រជាពលរដ្ឋ ក្រុមហ៊ុន ស៊ីន ទ្រី ដែលប្រព្រឹត្តទៅ នៅសាលប្រជុំក្រុងព្រៃវែង។

លោក យ៉ាវ សានិន អភិបាលនៃគណៈអភិបាលស្រុកព្រះស្ដេច រួមជាមួយលោក លោកស្រី អភិបាលរងស្រុក ប្រធាន អនុប្រធានការិយាល័យបានអញ្ជើញនាំយកសម្ភារៈ និងថវិកាទៅសួរសុខទុក្ខ លោក សាន់ រតនៈ អនុប្រធានការិយាល័យរដ្ឋបាល និងហិរញ្ញវត្ថុ ដែលកំពុងសម្រាកព្យាបាលជំងឺនៅផ្ទះ ស្ថិតនៅភូមិទួលលាន ឃុំជៃកំពក ស្រុកព្រះស្ដេច

សាខាកាកបាទក្រហមកម្ពុជា ខេត្តព្រៃវែង បានបើកវគ្គបណ្តុះបណ្តាលមូលដ្ឋានវិជ្ជាសង្គ្រោះបឋម និងគោលនយោបាយអ្នកស្ម័គ្រចិត្ត កក្រក ដល់ក្រុមកាកបាទក្រហមឃុំ ចំនួន ២៥នាក់ ស្រី ៨នាក់ និងអ្នកស្ម័គ្រចិត្តកាកបាទក្រហមកម្ពុជា ចំនួន ៧១នាក់ ស្រី ៨នាក់ សរុបចំនួន ៩៦នាក់ ស្រី ១៦នាក់ មកពីឃុំចំនួន ៥ ស្មើនឹង ៨៤ភូមិ បានចំនួន ៤វគ្គ នៅសាលប្រជុំសាលាឃុំស្មោងខាងជើង និងសាលាឃុំត្របែក ស្រុកកំចាយមារ

ព្រឹកថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី២៧ ខែសីហា ឆ្នាំ២០២៦ ក្រុមការងារមន្ទីអភិវឌ្ឍន៍ជនបទខេត្តព្រៃវែង តំណាង លោក ឡុក វុឌ្ឍី ប្រធានមន្ទីរអភិវឌ្ឍន៍ជនបទខេត្តព្រៃវែង បាននាំយកថវិការបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ប្រធានកិត្តិយសសមាគមសង្គហមិត្តក្រសួងអភិវឌ្ឍន៍ជនបទ និងឯកឧត្តម ឈឹម សៅគី រដ្ឋលេខាធិការ ប្រចាំការ និងជាប្រធានសមាគមសង្គហមិត្តក្រសួងអភិវឌ្ឍន៍ជនបទ ទៅជូនលោក ម៉ៅ ឈុនហ៊ាង ប្រធានការិយាល័យថែទាំសុខភាពជនបទ នៃមន្ទីរអភិវឌ្ឍន៍ជនបទខេត្តព្រៃវែង ដែលមានជំងឺសម្រាកព្យាបាលនៅមន្ទីរពេទ្យនាពេលកន្លងមក ក្នុងនោះ លោក ឡុក វុឌ្ឍី ប្រធានមន្ទីរ ក៏បានចូលរួមនូវថវិកាផ្ទាល់ខ្លួនចំនួន ៥០០,០០០រៀលផងដែរ។

ថ្ងៃទី២៦ ខែសីហា ឆ្នាំ២០២៦ លោក នេត សារ៉ាត់ អភិបាលរងនៃគណៈអភិបាលស្រុក តំណាងលោក យ៉ាវ សានិន អភិបាលនៃគណៈអភិបាលស្រុកព្រះស្ដេច បានអញ្ជើញជាអធិបតីដឹកនាំកិច្ចប្រជុំស្តីពីការងារសហគមន៍ប្រើប្រាស់ទឹកបូព៌ាសែនជ័យ និងសហគមន៍ប្រើប្រាស់ទឹកអូរអន្លង់ចារ្យ ក្នុងស្រុកព្រះស្ដេច ខេត្តព្រៃវែង។

ថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ ក្រុមការងារនៃមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង ដែលគាំទ្រដោយកម្មវិធី ASPIRE-AT បានធ្វើការបណ្តុះបណ្តាលស្តីពីបច្ចេកទេសក្រោយប្រមូលផលបន្លែ (ជុំទី២) ដល់សហគមន៍កសិកម្ម​ឃុំព្រៃពោន ស្ថិតនៅភូមិជីពាយ ឃុំព្រៃពោន ស្រុកកំពង់ត្របែក ខេត្តព្រៃវែង។

លទ្ធផលការងារខណ្ឌរដ្ឋបាលព្រៃឈើនៃមន្ទីរកសិកម្មរុក្ខា ប្រមាញ់ និងនេសាទខេត្ត ព្រៃវែង ប្រចាំថ្ងៃអង្គារ១២កើត ខែស្រាពណ៍ ឆ្នាំមមី អដ្ឋ​ស័ក ពុទ្ធ​សក​រាជ២៥៧០ត្រូវនឹងថ្ងៃទី២៥ ខែសីហា ឆ្នាំ២០២៦ ៖ ១-ការងារពង្រឹងការអនុវត្តច្បាប់៖ ខណ្ឌ ផ្នែកនិងសង្កាត់រដ្ឋបាល ព្រៃឈើក្រោមឱវាទបានធ្វើការចុះល្បាត ទប់ស្កាត់បទល្មើស ព្រៃឈើ ក្នុង​ដែន​សម្ថកិច្ចជាប្រចាំ ដូចខាងក្រោម ៖