ព័ត៌មានក្នុងខេត្ត

ក្រសួងធនធានទឹក បានឱ្យដឹងថា ដោយសារស្ថានភាពទឹកទន្លេមេគង្គនៅផ្នែកខាងលើ ក្នុងប្រទេសកម្ពុជា បានហក់ឡើងយ៉ាងគំហុកហួសកម្រិតប្រកាសប្រុងប្រយ័ត្ន និងកម្រិតប្រកាសអាសន្ន (ជំនន់)។ ស្ថានភាពនេះនឹងធ្វើឱ្យទឹកទន្លេមេគង្គក្នុងប្រទេសកម្ពុជា នា ២ ទៅ ៣ ថ្ងៃខាងមុខនេះ បន្តកើនឡើងខ្លាំងលើសកម្រិតប្រុងប្រយ័ត្ន។

ភ្នំពេញ ថ្ងៃទី២០ ខែសីហា ឆ្នាំ២០២៦--- កម្ពុជាបានបង្ហាញពីសុទិដ្ឋិនិយមថា ទំហំពាណិជ្ជកម្មទ្វេភាគីជាមួយវៀតណា នឹងបន្តកើនឡើងរហូតដល់សម្រេចគោលដៅ ២០ប៊ីលានដុល្លារអាម៉េរិក នាពេលឆាប់ៗខាងមុខ។នេះបើឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ថ្លែងក្នុងពិធី ជប់ លៀងអបអរសាទរខួបអនុស្សាវរីយ៍លើកទី៨១ទិវាឯករាជ្យជាតិ នៃសាធារ ណរដ្ឋសង្គមនិយមវៀតណាម នៅសណ្ឋាគារសូហ្វីតែលភូគីត្រាភ្នំពេញ ថ្ងៃទី២០ខែសីហា ឆ្នាំ២០២៦។

AKP Phnom Penh, August 21, 2026 — His Majesty Preah Bat Samdech Preah Boromneath Norodom Sihamoni, King of Cambodia, has said that the newly built Solidarity Palace of the Senate reflects the core values and leadership philosophy of Cambodian leaders, who recognise national unity and solidarity as strong pillars of the Kingdom’s long-term peace, stability and prosperity.

ភ្នំពេញ ថ្ងៃទី២១ ខែសីហា ឆ្នាំ២០២៦— ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ស្តេចសព្វព្រះរាជហឫទ័យយាងជាព្រះរាជាធិបតីដ៏ខ្ពង់ខ្ពស់បំផុត ព្រះរាជពិធី និងកាត់ខ្សែបូសម្ពោធ វិមានសាមគ្គីភាពនៃព្រឹទ្ធសភា នាព្រឹកថ្ងៃទី២១ ខែសីហា ឆ្នាំ២០២៦។

នំពេញ ថ្ងៃទី២១ ខែសីហា ឆ្នាំ២០២៦--វិមានសាមគ្គីភាពនៃព្រឹទ្ធសភា ដែលទើបបញ្ចប់ការសាងសង់ត្រូវបានសម្ពោធដាក់ឱ្យប្រើប្រាស់ជាផ្លូវការ ក្រោមព្រះរាជាធិបតីដ៏ខ្ពង់ខ្ពស់បំផុត ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា នាព្រឹកថ្ងៃទី២១ ខែសីហា ឆ្នាំ២០២៦ ដោយក្នុងឱកាសនេះ ឯកឧត្តម ប្រាក់ សុខុន ឧបនាយករដ្ឋមន្ត្រី ប្រធានគណៈកម្មការទទួលបន្ទុកដឹកនាំសាងសង់វិមានសាមគ្គីភាពនៃព្រឹទ្ធសភាបានកលើកឡើងថា សំណង់អគារថ្មីនៃព្រឹទ្ធសភានេះត្រូវបានស្ថាបនាឡើងក្រោមគំនិតផ្ដួចផ្ដើមដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ដើម្បីឆ្លើយតបទៅនឹងការពង្រឹងតួនាទី និងកំណើនការងារ ការលើកកម្ពស់ប្រសិទ្ធភាព គុណភាព និងចីរភាពនៃស្ថាប័នព្រឹទ្ធសភា ព្រមទាំងឆ្លើយតបទៅនឹងការអនុវត្តអាទិភាពចម្បងទាំងពីររបស់ព្រឹទ្ធសភានីតិកាលទី៥ ដែលបានដាក់ចេញដោយសម្តេចតេជោប្រធានព្រឹទ្ធសភាគឺ៖ ការលើកកម្ពស់ការទូតសភា និងការរួមប្រាស័យឱ្យកាន់តែជិតស្និទ្ធបន្ថែមទៀតជាមួយអង្គបោះឆ្នោតដែលតំណាងឱ្យប្រជាពលរដ្ឋនៅមូលដ្ឋាន។

សេចក្តីជូនដំណឹង ស្តីពីថ្លៃលក់រាយប្រេងឥន្ធនៈនៅតាមស្ថានីយសម្រាប់ការអនុវត្តចាប់ពីវេលាម៉ោង ១ រសៀលថ្ងៃទី២១ ខែសីហា ដល់ថ្ងៃទី១ ខែកញ្ញា ឆ្នាំ២០២៦

នំពេញ ថ្ងៃទី២១ ខែសីហា ឆ្នាំ២០២៦-- ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា មានព្រះរាជឱង្ការ ថ្លែងអំណរគុណដ៏ជ្រាលជ្រៅ ចំពោះ សម្តេចអគ្គមហា សេនាបតីតេជោ ជាប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ ព្រះមហាក្សត្រ នៅក្នុងគ្រប់កាលៈទេសៈ ដែលប្រទេសជាតិត្រូវទទួលរងនូវការរំលោភបំពាន និងការគំរាមកំហែងយ៉ាងធ្ងន់ធ្ងរពីសំណាក់បរទេស នាពេលកន្លងទៅ សម្តេចបានដឹកនាំ និងនៅរួមសុខរួមទុក្ខជាមួយប្រជាពលរដ្ឋ ជាពិសេសជាមួយបងប្អូនវីរយុទ្ធជនជាតិយើង នៅគ្រប់លំដាប់ថ្នាក់ និងនៅតាមទីតាំងបញ្ជាការជួរមុខតាមបណ្តោយព្រំដែនកម្ពុជា ព្រមទាំងបានរួមចំណែកជាមួយរាជរដ្ឋាភិបាលកម្ពុជា ក្នុងការផ្តល់ប្រឹក្សាយោបល់យុទ្ធសាស្ត្រ ផ្តល់ការលើកទឹកចិត្ត គាំទ្រគ្រប់បែបយ៉ាង និងគ្រប់ទិដ្ឋភាពដោយគ្មានពេលសម្រាក ទាំងយប់-ថ្ងៃ ដើម្បីបុព្វហេតុតែមួយគត់គឺការការពារឱ្យខាងតែបាននូវបូរណភាពទឹកដី និងដែនអធិបតេយ្យភាពជាតិយើង។ នេះបើយោងតាមព្រះរាជសន្ទរកថារបស់ព្រះករុណាព្រះមហាក្សត្រ ក្នុងពិធីសម្ពោធដាក់ឱ្យប្រើប្រាស់វិមានសាមគ្គីភាព នៃព្រឹទ្ធសភា នាព្រឹកថ្ងៃទី២១ ខែសីហា ឆ្នាំ២០២៨។

ភ្នំពេញ ថ្ងៃទី២១ ខែសីហា ឆ្នាំ២០២៦--ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា មានព្រះរាជឱង្ការថា “វិមានសាមគ្គីភាព” នឹងមិនត្រឹមតែជានិមិត្តរូបនៃសាមគ្គីជាតិប៉ុណ្ណោះទេ ប៉ុន្តែអគារនេះនឹងជួយលើកកម្ពស់កិត្យានុភាពជាតិនៅលើឆាកអន្តរជាតិ នាពេលបច្ចុប្បន្ន និងទៅអនាគត ព្រមទាំងជួយបន្ថែមសោភ័ណភាព និងភាពចម្រុះអមដោយ សំណង់អគារប្រវត្តិសាស្ត្រជាច្រើននៅក្នុងវិមានរដ្ឋចំការមន ដែលជាកេរដំណែលមរតកនៃ ស្ថាបត្យកម្ម និងជាស្នាព្រះហស្តដ៏ថ្លៃថ្លាបំផុតនៃ ព្រះករុណាព្រះបាទសម្តេច ព្រះនរោត្តម សីហនុ “ព្រះបរមរតនកោដ្ឋ» ជាទីគោរពសក្ការៈដ៏ខ្ពង់ខ្ពស់ជាទីបំផុត ក្នុងពេលដែលព្រះអង្គនៅគង់ព្រះជន្ម និងបំពេញព្រះរាជកិច្ចនៅទីនេះ។ នេះបើយោងតាមព្រះរាជសន្ទរកថារបស់ព្រះករុណាព្រះមហាក្សត្រ ក្នុងពិធីសម្ពោធដាក់ឱ្យប្រើប្រាស់វិមានសាមគ្គីភាព នៃព្រឹទ្ធសភា នាព្រឹកថ្ងៃទី២១ ខែសីហា ឆ្នាំ២០២៨។

ភ្នំពេញ ថ្ងៃទី២១ ខែសីហា ឆ្នាំ២០២៦ -- នៅក្នុងប្រទេសកម្ពុជា ការឆបោកតាមប្រព័ន្ធបច្ចេកវិទ្យា ឬ Online Scams បានធ្វើឱ្យមានជនរងគ្រោះជាបន្តបន្ទាប់ បើទោះបីជាក្រុមឧក្រិដ្ឋជនទាំងនេះ ផ្តោតតែលើជនបរទេសក៏ដោយ។ ប៉ុន្តែ Online Scams នេះ ត្រូវបានដឹងលឺថាមានវត្តមាននៅកម្ពុជាក្នុងរយៈពេលតែប៉ុន្មានឆ្នាំចុងក្រោយនេះប៉ុណ្ណោះ ដោយក្រុមទាំងនេះបានជ្រៀតចូលកម្ពុជាបន្តិចម្តងៗ ហើយបង្កើតជាក្រុមធំ និងមានរចនាសម្ព័ន្ធ ដើម្បីប្រតិបត្តិការសកម្មភាពរបស់ខ្លួន។

ថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦ ក្រុមការងារនៃមន្ទីរកសិកម្ម រុក្ខាប្រមាញ់ និងនេសាទខេត្តព្រៃវែង ដែលគាំទ្រដោយកម្មវិធី ASPIRE-AT បានធ្វើការបណ្តុះបណ្តាលស្តីពីបច្ចេកទេសក្រោយប្រមូលផលបន្លែ ដល់សហគមន៍កសិកម្ម​កសិករអភិវឌ្ឍន៍ថ្មី ស្ថិតនៅភូមិសាមគ្គី ឃុំស្វាយភ្លោះ ស្រុកពាមជរ ខេត្តព្រៃវែង។

ព្រឹកថ្ងៃទី២០ ខែសីហា ឆ្នាំ២០២៦ នៅក្នុងស្រុកមេសាង រួមមាន រដ្ឋបាលស្រុកមេសាង រដ្ឋបាលឃុំទាំង៨ មណ្ឌលសុខភាពទាំង០៩ វិទ្យាល័យ អនុវិទ្យាល័យ បឋមសិក្សា បានធ្វើយុទ្ធនាការសម្អាតអនាម័យបរិស្ថាន ដោយមានអ្នកចូលរួមសរុបចំនួន ១១,០៨៧ នាក់។

ៅថ្ងៃព្រហស្បតិ៍ ទី២០ ខែសីហា ឆ្នាំ២០២៦ វេលាម៉ោង១០:២៥នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយ ប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចច្រកទ្វារព្រំដែនអនុ្តរជាតិស្ទឹងបត់ ស្ថិតក្នុងភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ