អនុសាខាកាកបាទក្រហមកម្ពុជា ស្រុកពោធិ៍រៀង បានបើកវគ្គបណ្តុះបណ្តាលមូលដ្ឋានវិជ្ជាសង្គ្រោះបឋម និងគោលនយោបាយអ្នកស្ម័គ្រចិត្ត កក្រក ដល់ក្រុមអ្នកស្ម័គ្រចិត្តភូមិកាកបាទក្រហមកម្ពុជា ចំនួន ៤២ នាក់ មកពីឃុំចំនួន ២ មានឃុំព្រែកអន្ទះ និងឃុំព្រែកតាសរ ស្មើនឹង ១៣ ភូមិ បានចំនួន ១ វគ្គ នៅសាលាឃុំពោធិ៍រៀង ស្រុកពោធិ៍រៀង
អនុសាខា កក្រក ស្រុកពោធិ៍រៀង ៖ នៅព្រឹកថ្ងៃទី៣០ ខែ កក្កដាឆ្នាំ ២០២៦ លោក អ៊ុម ប៊ុនសឿន អនុប្រធានគណៈកម្មាធិកាអនុសាខា តំណាងលោក វ៉ា ធីម ប្រធានគណៈកម្មាធិការអនុសាខា ព្រមទាំងសហការី រួមជាមួយសាខាកាកបាទក្រហមកម្ពុជា ខេត្តព្រៃវែង បានបើកវគ្គបណ្តុះបណ្តាលមូលដ្ឋានវិជ្ជាសង្គ្រោះបឋម និងគោលនយោបាយអ្នកស្ម័គ្រចិត្តភូមិកាកបាទក្រហមកម្ពុជា នៅសាលាឃុំព្រែកអន្ទះ ស្រុកពោធិ៍រៀង ក្រោមការអធិបតីភាពលោកស្រី អ៊ុក មាសសូលីណា នាយិកាសាខាខេត្តព្រៃវែង ទទួលបន្ទុកការងារអ្នកស្ម័គ្រចិត្ត និងយុវជន តំណាង ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត និងមានការអញ្ជើញចូលរួមពីមន្ត្រីក្រុមប្រតិបត្តិសាខា សមាជិកគណៈកម្មាធិការអនុសាខាស្រុក មន្ត្រីប្រចាំការ បុគ្គលិកកិច្ចសន្យាអនុសាខាស្រុក ក្រុមកាកបាទក្រហមឃុំ និងអ្នកស្ម័គ្រចិត្តភូមិ។
