ព័ត៌មានតាមបណ្តារខេត្ត

(ប៉ៃលិន)៖ អាជ្ញាធរឃុំអូរអណ្តូង និងក្រុមការងារស្ម័គ្រចិត្តកាកបាទក្រហមកម្ពុជាឃុំអូរអណ្ដូង បានរៀបចំកិច្ចប្រជុំផ្សព្វផ្សាយ និងអប់រំ ស្ដីពី ការយល់ដឹងអំពីគ្រោះថ្នាក់នៃគ្រាប់មីន និងយុទ្ធភណ្ឌមិនទាន់ផ្ទុះ កាលពីថ្ងៃទី១៧ ខែកញ្ញា ឆ្នាំ២០២៦ កន្លងទៅនេះ ដើម្បីបង្កើនការប្រុងប្រយ័ត្ន និងកាត់បន្ថយហានិភ័យ ផ្សេងៗដែល កើតឡើងជាយថាហេតុដល់ប្រជាពលរដ្ឋក្នុងមូលដ្ឋាន។

កម្លាំងប៉ុស្តិ៍នគរបាលរដ្ឋបាលប៉ៃលិន បានសហការជាមួយអាជ្ញាធរមូលដ្ឋាន បន្តចុះអប់រំផ្សព្វផ្សាយផ្ទាល់តាមខ្នងផ្ទះជូនប្រជាពលរដ្ឋ ស្តីពីការគ្រប់គ្រងសន្តិសុខតាមទីតាំងប្រមូលផ្តុំ ការគ្រប់គ្រងវត្តមានជនបរទេស និងការបង្ការការឆបោកតាមប្រព័ន្ធអនឡាញ (Online Scams) ព្រមទាំងចុះធ្វើបច្ចុប្បន្នភាពប្រវត្តិរូបគ្រួសារអតីតយុទ្ធជន នៅក្នុងភូមិសួនអំពៅលិច សង្កាត់ប៉ៃលិន ក្រុងប៉ៃលិន។

កម្ពុជា តវ៉ា ចំពោះការរំលោភបំពានជាបន្តបន្ទាប់របស់ថៃលើអធិបតេយ្យ និងបូរណភាពទឹកដីកម្ពុជា Cambodia Protests against Thailand's Persistent Violations of Cambodian Sovereignty and Territorial Integrity

(ប៉ៃលិន-កំពត)៖ នៅថ្ងៃទី១៧ ខែកញ្ញា ឆ្នាំ២០២៦ ដោយទទួលបានការចាត់តាំងដ៏ខ្ពង់ខ្ពស់ពីលោកជំទាវបណ្ឌិត បាន ស្រីមុំ ប្រធានគណៈកម្មាធិការសាខាកាកបាទក្រហមកម្ពុជា ខេត្តប៉ៃលិន មន្ត្រីប្រតិបត្តិសាខាចំនួន ០១រូប បានអញ្ជើញចូលរួមកិច្ចប្រជុំបូកសរុបលទ្ធផលការងារស្តារទំនាក់ទំនងគ្រួសារ (Restoring Family Links - RFL) ប្រចាំឆ្នាំ២០២៦ និងលើកទិសដៅផែនការអនុវត្តឆ្នាំ២០២៧ ដែលបានរៀបចំឡើងនៅសាលប្រជុំ សណ្ឋាគារ ភាពសុខុម ក្រុងកំពត ខេត្តកំពត។

(ប៉ៃលិន)៖ នៅព្រឹកថ្ងៃទី១៨ ខែកញ្ញា ឆ្នាំ២០២៦ លោកឧត្ដមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តប៉ៃលិន បានអញ្ជើញដឹកនាំកិច្ចប្រជុំក្រុមការងារជ្រើសរើសយោធិន នៃកងរាជអាវុធហត្ថ ដើម្បីបូកសរុប និងវាយតម្លៃលើវឌ្ឍនភាពការងារចែកពាក្យ ព្រមទាំងទទួលពាក្យពីសិស្ស និស្សិត និងយុវជន ដែលបានមកដាក់ពាក្យចូលបម្រើការងារក្នុងក្របខណ្ឌកងរាជអាវុធហត្ថ។

យោងតាមរបាយការណ៍របស់ក្រសួងការងារនិងបណ្តុះបណ្តាលវិជ្ជាជីវៈ, អ្នកមានការងារធ្វើសរុប (ចាប់ពីអាយុ ១៥ ឆ្នាំឡើវ) (ការប៉ាន់ស្មានសម្រាប់ឆ្នាំ២០២៦) មានចំនួន ១០,០៣ លាននាក់ កើនប្រមាណ ១,២លាននាក់ (១២,២%) ធៀបនឹងឆ្នាំ២០២៣។ ក្នុងចំណោមនោះគឺ វិស័យកសិកម្មមានចំនួន ២,៧៧លាននាក់ (ថយចុះ ៩ ម៉ឺននាក់) វិស័យឧស្សាហកម្មមានចំនួន ៣,២៨លាននាក់ (កើន ៦៩ម៉ឺននាក់) និងវិស័យសេវាកម្មមានចំនួន ៣,៩៧ លាននាក់ (កើន៦០ម៉ឺននាក់) ។ ប្រភពក្រសួងការងារ និងបណ្តុះបណ្តាលវិជ្ជាជីវៈ

ទីបញ្ជាការកងរាជអាវុធហត្ថខេត្តប៉ៃលិន បានរៀបចំកិច្ចប្រជុំបូកសរុប និងវាយតម្លៃការងារសំខាន់ៗ ក្រោមអធិបតីភាព លោកឧត្តមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្ត។ កិច្ចប្រជុំនេះធ្វើឡើងដើម្បីពិនិត្យលើការវាយតម្លៃយោធិនអាជីពទាំងពីរភេទដែលត្រូវដល់អាយុសោធននិវត្តន៍ក្នុងឆ្នាំ២០២៦ និងឆ្នាំ២០២៧ ព្រមទាំងការវាយតម្លៃអង្គភាព និងបុគ្គលឆ្នើមសម្រាប់ស្នើសុំប័ណ្ណសរសើរពីក្រសួងការពារជាតិ ប្រចាំឆ្នាំ២០២៦។

(ប៉ៃលិន)៖ នៅសាលប្រជុំមន្ទីរកិច្ចការនារីខេត្តប៉ៃលិន នាព្រឹកថ្ងៃទី១៨ ខែកញ្ញា ឆ្នាំ២០២៦ មានរៀបចំសិក្ខាសាលាផ្សព្វផ្សាយ ស្ដីពីការលើកទឹកចិត្តអ្នកម្ដាយ ដើម្បីទប់ស្កាត់ការប្រើប្រាស់ និងចែកចាយគ្រឿងញៀន ជូនដល់គណៈកម្មាធិការពិគ្រោះយោបល់កិច្ចការស្ដ្រី និងកុមារក្រុងប៉ៃលិន ដែលពិធីនេះ ស្ថិតក្រោមអធិបតីភាពលោកស្រី ចន្ទថាវី ប្រធានមន្ទីរកិច្ចការនារីខេត្ត ,លោកស្រី តាន់ សុគន្ធារី អភិបាលរង ក្រុងប៉ៃលិន និងលោក អាត អាន ប្រធានការិយាល័យបសង្គមកិច្ចនិងសុខមាលភាពសង្គម ក្នុងគោលបំណងពង្រឹងសមត្ថភាព និងចូលរួមទប់ស្កាត់បញ្ហាគ្រឿងញៀនចេញពីតាមមូលដ្ឋាន និងគ្រួសារ ដែលមានវត្តមានចូលរួមសរុប ២៧នាក់ ស្រី ១៧ នាក់ ។

លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានអនុញ្ញាតឱ្យលោក ខេវិន ធែល៍ល័រ (Kevin Taylor) ស្ថាបនិក និងជានាយកប្រតិបត្តិអង្គការ Every Mum ប្រចាំប្រទេសអូស្ត្រាលី ចូលជួបសម្តែងការគួរសម និងរាយការណ៍អំពីវឌ្ឍនភាពការងារគាំទ្រវិស័យសុខាភិបាល កាលពីថ្ងៃទី១៦ ខែកញ្ញា ឆ្នាំ២០២៦ នៅសាលាខេត្តប៉ៃលិន ក្នុងគោលបំណងកាត់បន្ថយ និងលុបបំបាត់ការស្លាប់របស់មាតា និងទារក ឱ្យកាន់តែមានប្រសិទ្ធភាពខ្ពស់។

ខេត្តប៉ៃលិន ៖ ថ្នាក់ដឹកនាំ និងនាយទាហាននៃបញ្ជាការដ្ឋានកងរាជអាវុធហត្ថខេត្តប៉ៃលិន បានចូលរួមក្នុងពិធីផ្សព្វផ្សាយផែនការយុទ្ធសាស្រ្តបញ្ជ្រាបយេនឌ័រ ក្រសួងការពារជាតិ ឆ្នាំ២០២៤-២០២៨ និងស្វែងយល់ពីទស្សនៈយេនឌ័រ ដើម្បីពង្រឹងសមភាព និងការលើកកម្ពស់តួនាទីយេនឌ័រក្នុងជួរកងកម្លាំងប្រដាប់អាវុធ។ ពិធីនេះត្រូវបានរៀបចំឡើងតាមរយៈប្រព័ន្ធវីដេអូអនឡាញ (Video Conference) នៅរសៀលថ្ងៃទី១៧ ខែកញ្ញា ឆ្នាំ២០២៦ ក្រោមអធិបតីភាពលោកស្រីឧត្ដមសេនីយ៍ត្រី នង សុភី នាយករងទីចាត់ការឃោសនាព័ត៌មាន និងជាប្រធានក្រុមការងារយេនឌ័រ អគ្គបញ្ជាការដ្ឋាន នៃកងយោធពលខេមរភូមិន្ទ។

សុខភាព៖ មនុស្សភាគច្រើនពិតជាពុំធ្លាប់គិតដល់ថា ការគេងក្រោមខ្យល់កង្ហារដែលបាញ់ចេញមកក្រៅ បានបង្កគ្រោះថ្នាក់ដល់សុខភាព ដែលបណ្តាលឱ្យសុខភាពរាងកាយចុះទ្រុឌទ្រោមឡើយ។ តាមការពិសោធន៍ បានបង្ហាញថា នៅពេលលោកអ្នកគេងបើកកង្ហារពេលយប់ នោះពេលបើកភ្នែកយើងហាក់ដូចជា ស្ងួតមុខស្ងួតមាត់ ខ្យល់ដង្ហើមគ្មានសំណើម ខ្សោះជាតិទឹក ខ្សោះអស់កម្លាំង មិនស្រឡះក្នុងខ្លួន មិនងាយក្រោក និងមានអារម្មណ៍ថាមិនចង់ក្រោកពីលើគ្រែឡើយ។

អនុក្រឹត្យ ស្តីពី ប្រតិទិនឈប់សម្រាកការងាររបស់មន្ត្រីរាជការ និយោជិត កម្មករ ប្រចាំឆ្នាំ២០២៧