ព័ត៌មានតាមបណ្តារខេត្ត

រដ្ឋបាលខេត្តឧត្តរមានជ័យ បានរៀបចំកិច្ចប្រជុំការងារព័ត៌មាន និងប្រតិកម្មរហ័ស ដើម្បីពង្រឹងប្រសិទ្ធភាពនៃការផ្សព្វផ្សាយ លើកកម្ពស់គុណភាពវិស័យព័ត៌មាន និងឆ្លើយតបបំភ្លឺទាន់ពេលវេលាចំពោះព័ត៌មានមិនពិត ក្រោមអធិបតីភាព លោក ម៉េត មាសភក្តី អភិបាលរងខេត្ត និងជាប្រធានក្រុមការងារព័ត៌មាន និងប្រតិកម្មរហ័សខេត្ត។

ព័ត៌មាន ទទក ប៉ៃលិន÷រដ្ឋបាលខេត្តប៉ៃលិន បានបើកកិច្ចប្រជុំបូកសរុបលទ្ធផលការងារសន្តិសុខប្រចាំខែសីហា និងត្រួតពិនិត្យវឌ្ឍនភាព នៃការអនុវត្ត យុទ្ធនាការបោសសម្អាតបទល្មើសឆបោកតាមប្រព័ន្ធបច្ចេកវិទ្យា (Online Scams) នៅតាមមូលដ្ឋាន ទូទាំងខេត្តប៉ៃលិន កាលពីថ្ងៃទី០១ ខែកញ្ញា ឆ្នាំ២០២៦ ក្រោមអធិបតីភាព លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តប៉ៃលិន ដើម្បីពង្រឹងសណ្តាប់ធ្នាប់ សាធារណៈ និងទប់ស្កាត់បទល្មើស គ្រប់ទម្រង់ឱ្យបានម៉ឺងម៉ាត់។

ឯកឧត្តម មាន ចាន់យ៉ាដា អភិបាលនៃគណៈអភិបាលខេត្ត និងជាអនុប្រធានអចិន្ត្រៃយ៍ក្រុមការងាររាជរដ្ឋាភិបាលចុះមូលដ្ឋានខេត្តឧត្តរមានជ័យ (តំណាងដ៏ខ្ពង់ខ្ពស់ ឯកឧត្តមទេសរដ្ឋមន្ត្រី គន់ គីម ប្រធានក្រុមការងារ) បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែសីហា និងដាក់ចេញទិសដៅការងារខែកញ្ញា ឆ្នាំ២០២៦ នៅសាលប្រជុំសាលាខេត្តឧត្តរមានជ័យ ដើម្បីពិនិត្យ វាយតម្លៃ និងពង្រឹងប្រសិទ្ធភាពការងារថែរក្សាសន្តិសុខ សណ្តាប់ធ្នាប់ និងការអភិវឌ្ឍមូលដ្ឋាន។

ព័ត៌មាន ទទក ប៉ៃលិន៖ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានទទួលជួបពិភាក្សាការងារជាមួយគណៈប្រតិភូ BRICS House ប្រចាំព្រះរាជាណាចក្រកម្ពុជា របស់ប្រទេសរុស្ស៊ី ក្នុងដំណើរទស្សនកិច្ចសិក្សាស្វែងយល់ អំពី ស្ថានភាពទូទៅ និងសក្តានុពលជាក់ស្តែង ដើម្បីជំរុញកិច្ចសហប្រតិបត្តិការវិនិយោគ លើការនាំចេញកសិផលទៅកាន់ទីផ្សារប្រទេសរុស្ស៊ី ព្រមទាំងការអភិវឌ្ឍវិស័យទេសចរណ៍បែបធម្មជាតិនៅក្នុងខេត្តប៉ៃលិន។

យោងតាមព្រឹត្តិបត្រព័ត៌មាន ស្ដីពី ស្ថានភាពធាតុអាកាសបានបង្ហាញថា ព្យុះទី២៤ ឈ្មោះ ក្រវាន់ (Krovanh) T2624 និងព្យុះទី១៨ ឈ្មោះ សូដេល (Saudel) T2618 នៅតែបន្តមានឥទ្ធិពលលើរបបខ្យល់មូសុងនិរតី ដែលបក់លើតំបន់ឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។

អ្នកជំនាញណែនាំឲ្យយើងពង្រឹងសមត្ថភាពខ្លួន ដើម្បីសម្របខ្លួនក្នុងយុគសម័យ AI

ប្រជាពលរដ្ឋរងគ្រោះដោយសារខ្យល់កន្ត្រាក់៨គ្រួសារ នៅក្នុងឃុំស្វាយជ្រុំ ស្រុករលាប្អៀរបានទទួលអំណោយពី សាខាកាកបាទក្រហមកម្ពុជា ខេត្តកំពង់ឆ្នាំង

(ខេត្តស្ទឹងត្រែង)៖ នៅថ្ងៃទី២ ខែកញ្ញា ឆ្នាំ២០២៦ នេះ ក្រុមការងារបច្ចេកទេសនៃមន្ទីរអភិវឌ្ឍន៍ជនបទខេត្តស្ទឹងត្រែង ដឹកនាំដោយលោក សយ គា អនុប្រធានមន្ទីរអភិវឌ្ឍន៍ជនបទ និងក្រុមការងារបច្ចេកទេស បានសហការជាមួយអង្គការពន្លឺក្តីសង្ឃឹម រៀបចំវគ្គបណ្តុះបណ្តាលស្តីពី តួនាទី និងភារកិច្ចដល់ក្រុមស្នូល នៃក្រុមប្រើប្រាស់ទឹកស្អាត និងអនាម័យ (WSUG) ព្រមទាំងបានបង្ហាញអំពីរបៀបរបបនិងវិធីសាស្ត្រប្រតិបត្តិការ នៃការប្រើប្រាស់ ព្រមទាំងការថែទាំ និងការជួសជុលស្នប់ជូនដល់ប្រជាពលរដ្ឋ។ ពិធីនេះត្រូវបានរៀបចំឡើងដោយមានការចូលរួមពីអាជ្ញាធរភូមិ ប្រជាពលរដ្ឋមកពីចំនួន ៣ភូមិ គឺ ភូមិអូរឡង់ ភូមិសៀមបូក និងភូមិទន្សោង ស្ថិតនៅឃុំសៀមបូក ស្រុកសៀមបូក ខេត្តស្ទឹងត្រែង។

(កំពង់ចាម)៖ ក្នុង វេទិកាសាធារណៈ នារសៀលថ្ងៃទី០២ ខែកញ្ញា ឆ្នាំ ២០២៦ ប្រជាពលរដ្ឋចំនួន ៩៨គ្រួសារ ដែលកំពុងអាស្រ័យផល និងរស់នៅលើដីចំណីអូរ ព្រែក និង ទន្លេខ្ពប សរុប ១០៣ក្បាលដី ស្ថិតក្នុង ឃុំ ឫស្សីស្រុក ស្រុកស្រីសន្ធរបានលើកឡើងនូវមតិយោបល់ និងសំណូមពរជូនដល់អាជ្ញាធរខេត្តកំពង់ចាម ដែល ដឹកនាំដោយឯកឧត្តម សា ស៊ីថារ អភិបាលរងខេត្ត ។

នាព្រឹកថ្ងៃទី២ ខែកញ្ញា ឆ្នាំ២០២៦ ឯកឧត្តមអ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញជាអធិបតីក្នុងវេទិកាពិគ្រោះយោបល់ និងផ្សព្វផ្សាយសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល ២០២៧-២០២៩ របស់រដ្ឋបាលខេត្ត ក្រុង ស្រុក និងឃុំ សង្កាត់ នៅសាលប្រជុំមន្ទីរផែនការខេត្តកំពង់ចាមដោយមានការអញ្ជើញចូលរួមពីប្រធាន អនុប្រធានអង្គភាពជុំវិញខេត្ត នាយកទីចាត់ការផែនការវិនិយោគខេត្ត អភិបាលអភិបាលរងក្រុង- ស្រុក។

លោកជំទាវ ស្រ៊ុន ស្រីនាង អភិបាលរងខេត្តកណ្តាល បាននាំមកនូវប្រសាសន៍ផ្ដាំផ្ញើសាកសួរសុខទុក្ខពីឯកឧត្តម គួច ចំរើន អភិបាល នៃគណៈអភិបាលខេត្តកណ្តាល ក្នុងនាមថ្នាក់ដឹងនាំ ក៏ដូចជាប្រជាពលរដ្ឋនៅសមរភូមិក្រោយ និងបន្តយកចិត្តទុកដាក់ និងគាំទ្រយ៉ាងជិតស្និតដល់ វីរៈកងទ័ពនិងគ្រួសារកងទ័ព។

ឯកឧត្តម គ្រុយ ម៉ាឡែន អភិបាលរងខេត្តកណ្តាល  បានបញ្ជាក់ថា៖ឱសថការីគ្រប់រូបត្រូវប្រកបវិជ្ជាជីវៈដោយស្មោះត្រង់ មានការទទួលខុសត្រូវខ្ពស់ តម្កល់សុខភាព និងជីវិតរបស់អ្នកជំងឺជាចម្បង។ ត្រូវជៀសវាងដាច់ខាតនូវអាកប្បកិរិយា ឬសកម្មភាពទាំងឡាយណាដែលប៉ះពាល់ដល់កិត្តិយស និងសេចក្តីថ្លៃថ្នូរនៃវិជ្ជាជីវៈឱសថសាស្ត្រ។