ព័ត៌មានតាមបណ្តារខេត្ត

កំពង់ចាម៖ ទោះបីស្ថានភាពទឹកទន្លេមេគង្គក្នុងឆ្នាំ២០២៦នេះឡើងតូច ឫឡើងធំគឺប្រជាពលរដ្ឋមួយចំនួនដែលរស់នៅតាមដងទន្លេមេគង្គខេត្តកំពង់ចាមបានត្រៀមលក្ខណៈរួចរាល់ក្នុងការជួលជុលទូក សម្រាប់ធ្វើដំណើរជារៀងរាល់ឆ្នាំនៅក្នុងរដូវទឹកតំឡើង។ ជាក់ស្តែងប្រជាពលរដ្ឋរស់នៅតាមដងទន្លេបានលើកឡើងថាទូកគឺជាមធ្យោបាយមួយដ៏ល្អសម្រាប់ទុកធ្វើដំណើរជាលក្ខណៈគ្រួសារ និងមានភាពងាយស្រួលនៅពេលចាំបាច់ណាមួយក្នុងការដឹកជញ្ចូន ជាពិសេសនៅពេលដែលមានសាច់ញាត្តិ ឫ អ្នកជិតខាងត្រូវការទូកសម្រាប់ដឹកជញ្ចូនបន្តទៅរកមន្ទីរពេទ្យ។

ក្រសួងធនធានទឹក និងឧតុនិយម ជូនដំណឹងពីស្ថានភាពធាតុអាកាសនៅកម្ពុជា ចាប់ពីថ្ងៃទី១៧ ដល់ថ្ងៃទី១៩ ខែសីហា ឆ្នាំ២០២៦

ខេត្តបាត់ដំបងៈ អនុវត្តតាមអនុសាសន៍ របស់ឯកឧត្តម សុខ លូ អភិបាលខេត្តនិងជាប្រធានគណ:កម្មាធិការ សាខាកាកបាទក្រហមកម្ពុជាខេត្តបាត់ដំបង នៅព្រឹកថ្ងៃទី១៦ ខែសីហា ឆ្នាំ២០២៦ ក្រុមការងារអនុសាខា កាកបាទក្រហមកម្ពុជាក្រុងបាត់ដំបង ដឹកនាំដោយលោក លាង វាសនា អភិបាលក្រុងបាត់ដំបង និងជាប្រធានគណៈកម្មាធិការអនុសាខាកាកបាទក្រហមកម្ពុជាក្រុង និងសហការី បានចុះសួរសុខទុក្ខ និងនាំយកអំណោយ មនុស្សធម៌ របស់សប្បុរសជនតាមរយៈអនុសាខាទៅផ្តល់ ជូនប្រជាពលរដ្ឋ‌ ដែលរងគ្រោះដោយអគ្គិភ័យ ចំនួន ២គ្រួសារ(២ខ្នងផ្ទះ) រងគ្រោះ កាលពីថ្ងៃទី១៥ខែសីហា ឆ្នាំ២០២៦ ស្ថិតនៅភូមិ វត្តរំដួល សង្កាត់ចំការសំរោង ក្រុងបាត់ដំបងខេត្តបាត់ដំបង។

កាលពីព្រឹកថ្ងៃទី១៦ ខែសីហា ឆ្នាំ២០២៦ ឯកឧត្តមបណ្ឌិត ជ្រុន ថេរ៉ាវ៉ាត អនុប្រធានយុវជនគណបក្សថ្នាក់កណ្តាល និងជាប្រធានគណៈប្រចាំការ នៃគណៈអចិន្រ្តៃយ៍យុវជនគណបក្សថ្នាក់កណ្តាល តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល បានអញ្ជើញជាអធិបតីក្នុង«វេទិកាពិភាក្សាយុវជនគណបក្សក្រៅប្រទេស» ដោយមានវត្តមានអញ្ជើញចូលរួមពីសំណាក់ ឯកឧត្តម ថេង ច័ន្ទសង្វារ អនុប្រធានយុវជនគណបក្សថ្នាក់កណ្តាល, ឯកឧត្តម លោកជំទាវ ជាសមាជិកគណៈអចិន្ត្រៃយ៍នៃយុវជនគណបក្សថ្នាក់កណ្តាល ព្រមទាំងឯកឧត្តម លោកជំទាវជាថ្នាក់ដឹកនាំ សមាជិក សមាជិកាយុវជនគណក្រៅប្រទេស សរុបប្រមាណ ១,៣៥១ រូប នៅវិមាន ៧មករា រាជធានីភ្នំពេញ។

ខេត្តប៉ៃលិន៖ លោក សួន ហ៊ីម ប្រធានក្រុមប្រឹក្សាស្រុក និងលោក សៀ សុខុម អភិបាលនៃគណៈអភិបាលស្រុកសាលាក្រៅ នាថ្ងៃទី១៦ ខែសីហា ឆ្នាំ២០២៦ បានអញ្ជើញជាអធិបតីក្នុងពិធីជួបសំណេះសំណាល និងផ្ដល់ជូនឯកសណ្ឋានដល់កម្លាំងប្រជាការពារភូមិ ដើម្បីលើកកម្ពស់ប្រសិទ្ធភាពការងារបម្រើប្រជាពលរដ្ឋ។ ពិធីនេះបានប្រព្រឹត្តទៅនៅភូមិថ្នល់បត់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដោយមានការចូលរួមពីថ្នាក់ដឹកនាំមូលដ្ឋាន និងកម្លាំងប្រជាការពារភូមិជាច្រើននាក់។

ខេត្តប៉ៃលិន៖ អាជ្ញាធរស្រុកសាលាក្រៅ បានរៀបចំពិធីបើកការដ្ឋានសាងសង់ផ្លូវបេតុងអាមេមួយខ្សែ ប្រវែង ៦៧១ ម៉ែត្រ ទទឹង ១០ ម៉ែត្រ និងកម្រាស់ ០,១៥ ម៉ែត្រ ដើម្បីឆ្លើយតបទៅនឹងតម្រូវការធ្វើដំណើរ និងលើកកម្ពស់កម្រិតជីវភាពរស់នៅរបស់ប្រជាពលរដ្ឋក្នុងមូលដ្ឋាន។ ពិធីនេះបានប្រព្រឹត្តទៅនាថ្ងៃទី១៦ ខែសីហា ឆ្នាំ២០២៦ ក្រោមអធិបតីភាព លោក សួន ហ៊ីម ប្រធានក្រុមប្រឹក្សាស្រុក និងលោក សៀ សុខុម អភិបាល នៃគណៈអភិបាលស្រុកសាលាក្រៅ ស្ថិតនៅក្នុងស្រុកសាលាក្រៅ ខេត្តប៉ៃលិន។

ក្រសួងព័ត៌មានបានចេញសេចក្តីណែនាំដល់អ្នកសារព័ត៌មាន អ្នកបង្កើតមាតិកា និងអ្នកប្រើប្រាស់បណ្តាញសង្គមទាំងអស់ ឱ្យបង្កើនការទទួលខុសត្រូវ និងចៀសវាងការផលិត ឬផ្សព្វផ្សាយមាតិកាអសីលធម៌ អាសអាភាស ប៉ះពាល់ដល់កិត្តិយស និងសេចក្តីថ្លៃថ្នូររបស់ស្ត្រី ឬល្មើសច្បាប់។ ក្រសួងនឹងអនុវត្តវិធានការរដ្ឋបាលដូចជា ការអប់រំ ការណែនាំ ការតម្រូវឱ្យកែតម្រូវ ឬលុបមាតិកាចោល ការព្យួរ/ដកហូតអាជ្ញាបណ្ណ និងការផ្អាកគណនីបណ្តាញសង្គមជាដើម។ ក្នុងករណីធ្ងន់ធ្ងរ ឬមានបទល្មើស ក្រសួងនឹងបញ្ជូនទៅអាជ្ញាធរមានសមត្ថកិច្ចដើម្បីចាត់វិធានការតាមផ្លូវច្បាប់។ ក្រសួងក៏បានអំពាវនាវឱ្យគ្រប់ភាគីចូលរួមលើកកម្ពស់មាតិកាវិជ្ជមាន និងរក្សាសីលធម៌សង្គម។

ខេត្តប៉ៃលិន៖ ឯកឧត្តម ជា ចាន់ឌិន ប្រធានក្រុមការងារគណបក្សប្រជាជនកម្ពុជាចុះជួយឃុំស្ទឹងត្រង់ រួមជាមួយលោក សាក់ សាវរិទ្ធ ប្រធានក្រុមការងារចុះជួយភូមិបាយសី និងអន្លង់រក្សា ព្រមទាំងអាជ្ញាធរមូលដ្ឋាន បាននាំយកសម្លៀកបំពាក់ និងបរិក្ខារផ្សេងៗ ប្រគល់ជូនដល់ប្រជាការពារភូមិសរុបចំនួន ២១នាក់ មកពីភូមិបាយសី និងភូមិអន្លង់រក្សា ស្ថិតក្នុងឃុំស្ទឹងត្រង់ ស្រុកសាលាក្រៅ ខេត្តប៉ៃលិន។

បាត់ដំបង៖នៅថ្ងៃទី១៦ ខែសីហា ឆ្នាំ២០២៦ ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបងបានអញ្ជើញជាអធិបតីក្នុងពិធីបំផុសចលនាដាំដើមឈើដើម្បីរក្សាស្មារតីរុក្ខទិវាថ្នាក់ខេត្តនៅភូមិគោករកា ឃុំដូនបា ស្រុកគ្រាស់ក្រឡ ខេត្តបាត់ដំបង។

(កំពង់ចាម) នាព្រឹកថ្ងៃទី១៦ ខែសីហា ឆ្នាំ២០២៦ ឯកឧត្តម ខែក សំអុន ទីប្រឹក្សាជាន់ខ្ពស់រដ្ឋសភា និងលោកជំទាវ សុី វណ្ណថា ទីប្រឹក្សាសម្ដេចតេជោ ហ៊ុន សែន ព្រមទាំងក្រុមញាតិព្រះធម៌ និងពុទ្ធបរិស័ទជិតឆ្ងាយ បានរួមសាមគ្គីគ្នាប្រកបដោយទឹកចិត្តជ្រះថ្លា ក្នុងពិធីប្រគេនភត្តាហារ (ចង្ហាន់) និងទេយ្យវត្ថុ ដល់ព្រះសង្ឃចំនួន ១២៦អង្គ ដែលកំពុងគង់ចាំវស្សាអស់ត្រីមាស នៅក្នុងវត្តខេមវ័ន (ហៅវត្តបឹងស្នាយ) ស្ថិតក្នុងក្រុងកំពង់ចាម ខេត្តកំពង់ចាម។

កិច្ចប្រជុំនេះបានប្រព្រឹត្តទៅនារសៀលថ្ងៃទី១៥ ខែសីហា ឆ្នាំ២០២៦ នៅស្នាក់ការគណៈកម្មាធិការគណបក្សខេត្តស្ទឹងត្រែង ក្រោមអធិបតីភាព និងការដឹកនាំផ្ទាល់ដោយ ឯកឧត្តម សរ សុពុត្រា ប្រធានគណៈកម្មាធិការគណបក្សប្រជាជនកម្ពុជាខេត្តស្ទឹងត្រែង។

កំពង់ចាម៖ ទីតាំងមួយចំនួនដែលស្ថិតនៅតាមបណ្តោយដងទន្លេមេគង្គក្នុងភូមិសាស្ត្រស្រុកមួយចំនួនក្នុងខេត្តកំពង់ចាម ត្រូវបានជន់លិចនិងប្រែក្លាយជាកំពង់ចម្លង សម្រាប់ដឹកអ្នកដំណើរទូទៅតាមរយៈសាឡាង ឫទូកដ។ ជាក់ស្តែងនៅក្នុងភូមិសាស្ត្រឃុំកោះសូទិន ស្រុកកោះសូទិន ជាប់ជាមួយឃុំកោះមិត្ត ស្រុកកំពង់សៀម គឺនៅមួយផ្នែកខ្លះបានជន់លិចផ្លូវបេតុងដោយមិនអាចធ្វើដំណើរតាមផ្លូវគោកដូចមុន ដោយត្រូវឆ្លងកាត់តាមរយៈទូកដ ឫសាឡាងវិញ ដោយត្រូវចំណាយថវិកាខ្លះសម្រាប់ការធ្វើដំណើរនេះ។