ព័ត៌មានក្នុងខេត្ត

ព្រៃវែង៖ នាព្រឹកថ្ងៃទី ២៩ ខែសីហា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែងអញ្ជើញសម្ពោធដាក់ឲ្យប្រើប្រាស់អគារសិក្សា ១ខ្នង កម្ពស់ ២ជាន់ នៅបរិវេណវិទ្យាល័យ ហ៊ុន សែន ព្រែកសណ្ដែក ស្ថិតនៅភូមិព្រែកសណ្ដែក ស្រុកស៊ីធរកណ្ដាល ខេត្តព្រៃវែង។

ព្រឹកថ្ងៃទី ២៨ ខែសីហា ឆ្នាំ២០២៦ ឯកឧត្តម បណ្ឌិត កាន់ ពុទ្ធី ប្រធាននាយកដ្ឋាន បឋមសិក្សា បានចូលរួមកិច្ចប្រជុំអាណត្តិប្រចាំខែសីហា ឆ្នាំ២០២៦ និងលើកទិសដៅអនុវត្តបន្ត សម្រាប់អនុវិស័យ បឋមសិក្សា និងមត្តេយ្យសិក្សា ទូទាំងខេត្តព្រៃវែង នៅសាលាបឋមសិក្សា ខ្យោក ស្រុកស្វាយអន្ទរ ៕

នៅព្រឹកថ្ងៃទី២៧ ខែសីហា ឆ្នាំ២០២៦ លោក ប៉ាវ​ សុធី​ ប្រធានមន្ទីរអប់រំ យុវជន និងកីឡាខេត្តព្រៃវែង​ លោក ហ៊ន​ សុផាត​ អភិបាលនៃគណៈអភិបាលស្រុកមេសាង និងលោក​ ខឹម​ សាមាន​ ប្រធានការិយាល័យអប់រំ យុវជន និងកីឡាស្រុកមេសាង បានអញ្ជើញជាអធិបតីក្នុងពិធីប្រកាសទទួលស្គាល់វិទ្យាល័យត្រពាំងជ្រែ និងគណ:គ្រប់គ្រងវិទ្យាល័យត្រពាំងជ្រែ ដែលស្ថិតនៅក្នុងស្រុកមេសាង ខេត្តព្រៃវែង។

នៅរសៀលថ្ងៃទី២៦ ខែសីហា ឆ្នាំ២០២៦ លោក ហ៊ន សុផាត អភិបាលនៃគណៈអភិបាលស្រុកមេសាង ប្រធានការិយាល័យអប់រំ យុវជន និងកីឡា សហការជាមួយសប្បុរសជន បានប្រគល់កង់ចំនួន ៣គ្រឿង ព្រមទាំងប័ណ្ណសសើរ និងថវិកាមួយចំនួន ជូនសិស្សពូកែថ្នាក់ទី៦ប្រចាំថ្នាក់ស្រុក ចំណាត់ថ្នាក់ លេខ១ ដល់ លេខ៣ ចំនួន៣នាក់ ដែលនឹងត្រូវទៅប្រកូតថ្នាក់ខេត្តបន្តនៅថ្ងៃទី០៣ ខែកញ្ញា ឆ្នាំ២០២៦ ខាងមុខនេះ។

ថ្ងៃទី២៥ ខែសីហា ឆ្នាំ២០២៦នេះ លោក យ៉ាវ សានិន អភិបាលនៃគណៈអភិបាលស្រុកព្រះស្ដេច បានអញ្ជើញចុះពិនិត្យសកម្មភាពនៃការជំរឿនបុគ្គលិកអបរំជាក់ស្ដែង នៅទីតាំងវិទ្យាល័យមិត្តភាពខ្មែរ-ជប៉ុន ដែលរៀបចំដោយគណៈកម្មការជំរឿនមន្ត្រីនៃក្រសួងមុខងារសាធារណៈ ដើម្បីចុះពិនិត្យ ផ្ទៀងផ្ទាត់ និងធ្វើបច្ចុប្បន្នភាពស្ថិតិបុគ្គលិកអប់រំ និងលោកគ្រូ-អ្នកគ្រូ នៅស្រុកព្រះស្ដេច នៃខេត្តព្រៃវែង។

នៅព្រឹកថ្ងៃទី២៤ ខែសីហា ឆ្នាំ២០២៦ ក្រុមការងារក្រសួងមុខងារសាធារណៈ ដឹកនាំដោយ ឯកឧត្ដម ជុក មុន្នី រដ្ឋលេខាធិការក្រសួងមុខងារសាធារណៈ បានចុះធ្វើជីវមាត្រ និងជំរឿនមន្ដ្រីជាក់ស្ដែងនៅតាមគ្រឹះស្ថានសិក្សាសាធារណៈ នៅមណ្ឌលជំរឿនការិយាល័យអប់រំ យុវជន និងកីឡានៃរដ្ឋបាលស្រុកមេសាង ក្នុងស្រុកមេសាង

ព្រៃវែង៖ នៅថ្ងៃទី២៣ ខែសីហា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង អញ្ជើញសម្ពោធដាក់ឲ្យប្រើប្រាស់អគារសិក្សា ២ខ្នង ស្មើនឹង ១២បន្ទប់ និងសមិទ្ធផលនានា នៅអនុវិទ្យាល័យ និងសាលាបឋមសិក្សាព្រៃស្នៀត ស្ថិតនៅឃុំព្រៃស្នៀត ស្រុកពារាំង ខេត្តព្រៃវែង។

ដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម្រាប់ឆ្នាំសិក្សា២០២៥-២០២៦ ដែលបានប្រព្រឹត្តទៅនាថ្ងៃទី១០-១១ ខែសីហា ឆ្នាំ២០២៦ នៅក្នុងខេត្តព្រៃវែង ត្រូវបានបញ្ចប់ទៅដោយរលូន ស្របតាមគោលការណ៍ច្បាប់ មានសណ្តាប់ធ្នាប់ល្អ និងទទួលបានជោគជ័យយ៉ាងត្រចះត្រចង់។

ព្រឹកថ្ងៃទី១១ ខែសីហា ឆ្នាំ២០២៦ ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានអញ្ជើញជាអធិបតីកាត់វិញ្ញាសារប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៥-២០២៦ នៅមណ្ឌលប្រឡង វិទ្យាល័យព្រៃព្នៅ ស្ថិតក្នុងស្រុកពារាំង ខេត្តព្រៃវែង។

រសៀលថ្ងៃទី១១ ខែសីហា ឆ្នាំ២០២៦ ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានអញ្ជើញជាអធិបតីកាត់វិញ្ញាសារប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៥-២០២៦ នៅមណ្ឌលប្រឡង វិទ្យាល័យ ហ៊ុន សែន ស្វាយអន្ទរ ស្ថិតក្នុងស្រុកស្វាយអន្ទរ ខេត្តព្រៃវែង។

ព្រៃវែង៖ នាព្រឹកថ្ងៃទី១០ ខែសីហា ឆ្នាំ២០២៦ ឯកឧត្តម សួន សុម៉ាលីន អភិបាលខេត្តព្រៃវែង បានអញ្ជើញជាអធិបតីក្នុងពិធីកាត់បើកស្រោមវិញ្ញាសាប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅមណ្ឌលសាលាបឋមសិក្សា ហ៊ុន សែន ព្រៃវែងក្រុង ស្ថិតនៅ សង្កាត់កំពង់លាវ ក្រុងព្រៃវែង ខេត្តព្រៃវែង។

ព្រឹកថ្ងៃទី៩ ខែសីហា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង និងលោកជំទាវ កែ សួនសុភី សសុខា បានអញ្ជើញជាគណៈអធិបតីក្នុងពិធីសម្ពោធដាក់ឲ្យប្រើប្រាស់អគារមតេយ្យសិក្សាចំនួន ២ខ្នង ស្មើនឹង ៨បន្ទប់ (អគារមត្តេយ្យសិក្សារកាកូនសាត់ ស្រុកព្រះស្ដេច ១ខ្នង ៤បន្ទប់ និងអគារមត្តេយ្យសិក្សាសំពៅមាស ១ខ្នង ៤បន្ទប់) សមិទ្ធិផលនានា និងរៀបចំអាហារសាមគ្គីជូនលោក អ្នកគ្រូ និងសិស្សានុសិស្ស នៅសាលាបឋមសិក្សាសិក្សារកាកូនសាត់ ស្ថិតក្នុងភូមិរកាកូនសាត់ ឃុំបឹងដោល ស្រុកព្រះស្ដេច ខេត្តព្រៃវែង។