ព័ត៌មានក្នុងខេត្ត

រដ្ឋបាលស្រុកបាភ្នំ សូមគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ប្រពៃ ចំពោះការចូលរួមឧបត្ថម្ភរបស់ នាយក នាយករង លោកគ្រូ អ្នកគ្រូទាំងអស់ នៃកម្រងសិក្សាទាំង១២ ក្នុងស្រុកបាភ្នំ ដែលបានចូលរួមឧបត្ថម្ភថវិកាសម្រាប់ការទិញ និងដាំដើមធ្នង់ ក្នុងមួយកម្រងសិក្សា ចំនួន ១ដើម នៅបរិវេណតារាងបាល់ទាត់ស្រុកបាភ្នំ។

រដ្ឋបាលស្រុកបាភ្នំ សូមគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ប្រពៃ ចំពោះការចូលរួមឧបត្ថម្ភរបស់ លោក ជូ ម៉ៃ អនុប្រធានការិយាល័យអប់រំ យុវជន និងកីឡាស្រុក ដែលបានចូលរួមឧបត្ថម្ភថវិកាសម្រាប់ការទិញ និងដាំដើមធ្នង់ ចំនួន ១ដើម នៅបរិវេណតារាងបាល់ទាត់ស្រុកបាភ្នំ។

រដ្ឋបាលស្រុកបាភ្នំ សូមគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ប្រពៃ ចំពោះការចូលរួមឧបត្ថម្ភរបស់ លោកគ្រូ អ្នកគ្រូ នៃវិទ្យាល័យបាភ្នំ ដែលបានចូលរួមឧបត្ថម្ភថវិកាសម្រាប់ការទិញ និងដាំដើមធ្នង់ ចំនួន ១ដើម នៅបរិវេណតារាងបាល់ទាត់ស្រុកបាភ្នំ។

នៅព្រឹក ថ្ងៃទី៦ ខែកញ្ញា ឆ្នាំ២០២៦ លោក ភុន សម្ផស្ស អភិបាលនៃគណ:អភិបាលស្រុក បាននាំយកថវិកាចំនួន១,០០០,០០០រៀល អង្ករ៥០kg និងមី១កេស ដែលជាអំណោយរបស់ឯកឧត្តម សួន សុម៉ាលីន អភិបាល នៃគណ:អភិបាលខេត្ត និងលោកជំទាវ ទៅជូនសិស្សនិទ្ទេសA (អេង​ សុជាតិ)​ដែលមានជីវភាពខ្វះខាតស្ថិតនៅភូមិសហករណ៍ ឃុំពាមមន្ទារ។

ព្រៃវែង៖ នៅថ្ងៃទី ៦ ខែកញ្ញា ឆ្នាំ២០២៦ ព្រះចៅអធិការ ព្រះសង្ឃ លោកអាចារ្យ គណៈកម្មការ និងពុទ្ធបរិស័ទចំណុះជើងវត្តសំសមី រៀបចំពិធីបុណ្យ សលាកភត្តប្រគេនទេយ្យទាន និងបច្ច័យបួនដល់ព្រះសង្ឃចំនួន ២៥០អង្គ ដែលមានការអញ្ជើញចូលរួម លោកស្រី ហ៊ន់ សុធារី អភិបាលរងខេត្ត ដំណាងឯកឧត្តម សួន សុម៉ាលីន អភិបាលខេត្តព្រៃវែង ស្ថិតនៅភូមិលេខ០៣ សង្កាត់កំពង់លាវ ក្រុងព្រៃវែង ខេត្តព្រៃវែង។

ថ្ងៃទី​០៤​ ខែកញ្ញា​ ឆ្នាំ​២០២៦ លោក​ ប៊ិន​ ជីវ័ន្ត​ អភិបាល​នៃគណៈ​ អភិបាល​ស្រុក​កំចាយមារ​ បានដឹក​នាំលោកលោកស្រី​ អភិបាល​រងស្រុក​ លោកនាយក​រដ្ឋបាល​លោកលោកស្រីប្រធានការិយាល័យ​ មន្ត្រី​រាជការ​ មេបញ្ជាការ​កង​កម្លាំង​ទាំង៣ជុំវិញ​ស្រុក​ បាននាំយក​ សម្ភារៈ​និង​ថវិកា​ មូលនិធិ​របស់​បងប្អូន​ សប្បុរសជន​ដែលបានចូលរួមតាមរយៈ មូលនិធិ​គាំទ្រ​សមរភូមិ​មុខស្រុក​ ដេីម្បីនាំយកចុះសួរសុខទុក្ខ​និង​ផ្តល់​ជូនដល់វីរៈ​កងកម្លាំង​ ៤អង្គភាពដែលកំពុងឈរជេីងនៅ​សមរភូមិ​មុខ​ (​ កងពលធំ​លេខ៣ វីរៈ​៣៩៣​ វីរៈ​៣៩៤​ កងពលអន្តរាគមន៍​លេខ៩​ ) និង​គ្រូ​សារ​ វីរៈ​កងកម្លាំង​ចំនួន២០០គ្រួសារ​​ ស្ថិត​ក្នុង​ ភូមិ​រុងរឿង​២​ឃុំមរកត​ ស្រុក​ជាំ​ក្សាន្ត​ ខេត្ត​ព្រះវិហារ​៕

ថ្ងៃទី៤ ខែកញ្ញា ឆ្នាំ២០២៦ លោកស្រី ចេង ចាន់ធឿន អនុប្រធានមន្ទីរ និងសហការី បានចូលរួមអមដំណើរលោកជំទាវ ជឹម សាវីន ប្រធាន គ.ក.ស.ក ខេត្ត ចុះសួរសុខទុក្ខកុមារីរងគ្រោះ នៅឃុំព្រែកខ្សាយ ក ស្រុកពាមរក៍ ខេត្តព្រៃវែង និងបានបន្តដំណើរចុះសួរសុខទុក្ខ ព្រមទាំងបានពិភាក្សា ពិគ្រោះយោបល់ ស្វែងរកដំណោះស្រាយ ជូនដល់គ្រួសារមានជីវភាពលំបាក នៅឃុំព្រៃកណ្ដៀង ស្រុកពាមរក៍ បានបោះបង់កូនទុកក្នុងមន្ទីរពេទ្យនៅរាជធានីភ្នំពេញ ដើម្បីឱ្យគ្រួសារសាច់ញាតិ ទទួលយកកុមារមកមើលថែទាំនៅក្នុងគ្រួសារវិញ។

សូមចូលរួមអបអរសាទរ លោក ភុន សម្ផស្ស ត្រូវបានប្រកាសទទួលស្គាល់ជាប្រធានសហភាពសហព័ន្ធយុវជនកម្ពុជា ស្រុកកំពង់ត្របែក ជំនួស លោក នុន ភារ៉ា ដែលត្រូវបានប្រកាសតែងតាំងជាអនុប្រធានក្រុមការងារចុះជួយ ស.ស.យ.ក. ស្រុកកំពង់ត្របែក។ ស្រុកកំពង់ត្របែក ០៥ កញ្ញា ២០២៦

បន្ទាប់ពីចូលរួមកិច្ចប្រជុំប្រចាំខែសីហា ឆ្នាំ២០២៦ ដើម្បីត្រួតពិនិត្យវឌ្ឍនភាពក្នុងការអនុវត្តផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ នៅមន្ទីរគណៈកម្មាធិការគណបក្សប្រជាជនកម្ពុជាខេត្តព្រៃវែង ឯកឧត្ដម សួន សុម៉ាលីន អភិបាលខេត្ត រួមជាមួយថ្នាក់ដឹកខេត្ត បានចូលរួមអមដំណើរ សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តព្រៃវែង អញ្ជើញចុះពិនិត្យវឌ្ឍនភាពនៃការជួសជុល និងសាងសង់អគារមន្ទីរពេទ្យបង្អែកខេត្តព្រៃវែង ស្ថិតនៅសង្កាត់កំពង់លាវ ក្រុងព្រៃវែង ខេត្តព្រៃវែង៕

នៅបញ្ជាការដ្ឋានកងរាជអាវុធហត្ថខេត្តព្រៃវែ ដឹកនាំដោយលោកវរសេនីយ៍ឯក ញ៉ែម វីរៈជួប មេបញ្ជាការរងទទួលជំនាញនិងជាគណកម្មការជ្រើសរើស បានចាប់ផ្តើមកម្មវិធីចុះឈ្មោះត្រួតពិនិត្យវាស់កម្ពស់ និងពិនិត្យឯកសារលើសិស្ស និស្សិត ដែលមានបំណងចូលបម្រើការងារជាយោធិន នៃកងរាជអាវុធហត្ថ ។

ឯកឧត្ដម សួន សុម៉ាលីន អភិបាលខេត្ត រួមជាមួយឯកឧត្តម ស្បោង សារ៉ាត ប្រធានគណៈកម្មាធិការគណបក្សខេត្ត បានអញ្ជើញចូលរួមកិច្ចប្រជុំប្រចាំខែសីហា ឆ្នាំ២០២៦ ស្ដីពីវឌ្ឍនភាពការងារអនុវត្តផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តព្រៃវែង។

អនុសាខាកាកបាទក្រហមកម្ពុជា ស្រុកពារាំង បានចូលរួមរំលែកទុក្ខយ៉ាងក្រៀមក្រំ ជាមួយគ្រួសារសពស្លាប់ដោយសារជំងឺមួយគ្រួសារ នៅភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង