ព័ត៌មានក្នុងខេត្ត

រដ្ឋបាលស្រុកបាភ្នំ សូមគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ប្រពៃ ចំពោះការចូលរួមឧបត្ថម្ភរបស់ លោកស្រី ឡុង គឹមលី និងស្វាមី ប៉ុន សុខ ដែលបានចូលរួមឧបត្ថម្ភថវិកាសម្រាប់ការទិញ និងដាំដើមធ្នង់ ចំនួន ១ដើម នៅបរិវេណតារាងបាល់ទាត់ស្រុកបាភ្នំ។ រដ្ឋបាលស្រុកបាភ្នំ សូមគោរពជូនពរ លោកស្រី និងស្វាមី ព្រមទាំងក្រុមគ្រួសារ សូមជួបប្រទះតែពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃទី៣ ខែកញ្ញា ឆ្នាំ២០២៦ លោកស្រី ឈឹម ចន្ថុល អភិបាលរងស្រុក តំណាង លោក យ៉ាវ សានិន អភិបាលនៃគណៈអភិបាលស្រុកព្រះស្ដេច និងលោកស្រី កង សុខា សមាជិកក្រុមប្រឹក្សាស្រុក បាននាំយកសម្ភារៈ និងថវិកា ទៅសួរសុខទុក្ខលោក រ័ត្ន កាន សមាជិកក្រុមប្រឹក្សាស្រុក ដែលកំពុងសម្រាកព្យាបាលជំងឺនៅផ្ទះ ស្ថិតក្នុងឃុំល្វា ស្រុកព្រះស្ដេច ខេត្តព្រៃវែង។

ថ្ងៃទី៣ ខែកញ្ញា ឆ្នាំ២០២៦ លោកស្រី ឈឹម ចន្ថុល អភិបាលរងនៃគណៈអភិបាលស្រុក តំណាងលោក យ៉ាវ សានិន អភិបាលនៃគណៈអភិបាលស្រុក និងលោកស្រី កង សុខា ប្រធានគណៈកម្មាធិការពិគ្រោះយោបល់ស្ត្រី និងកុមារ

រដ្ឋបាលស្រុកព្រះស្ដេច ខេត្តព្រៃវែង សូមអំពាវនាវជូនដល់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី បងប្អូនប្រជាពលរដ្ឋទាំងអស់ មេត្តាចូលរួមជួយបរិច្ចាគ ឧបត្ថម្ភជាថវិកា សម្ភារៈប្រើប្រាស់ ស្បៀងអាហារ និងគ្រឿងឧបភោគបរិភោគផ្សេងៗ តាមលទ្ធភាព ដើម្បីរួមចំណែកក្នុងការគាំទ្រ និងលើកទឹកចិត្តដល់កងទ័ពជួរមុខ ដែលកំពុងបំពេញបេសកកម្មការពារបូរណភាពទឹកដី នៅតាមតំបន់ជម្លោះព្រំដែនខ្មែរ-សៀម ។

ថ្ងៃទី៣ ខែកញ្ញា ឆ្នាំ២០២៦ ————————————————- លោកអភិបាលស្រុកបាភ្នំ បានជួបសំណេះសំណាលសួរសុខទុក្ខ និងណែនាំដល់បងប្អូនអាជីវករ និងអ្នកលក់ដូរ នៅតំបន់ទំនប់បង្ហៀរបឹងស្នេហ៍ ដែលស្ថិតនៅឃុំធាយ ស្រុកបាភ្នំ ខេត្តព្រៃវែង។

ព្រៃវែង៖ នៅថ្ងៃទី០៤ ខែកញ្ញា ឆ្នាំ២០២៦ ឯកឧត្តម ស្បោង សារ៉ាត និងឯកឧត្តម សួន សុម៉ាលីន អភិបាលខេត្តព្រៃវែង បានអញ្ជើញចុះពិនិត្យដោយផ្ទាល់លើស្ថានភាពផ្លូវចាប់ពីតំបន់ផ្សារកអណ្ដើក រហូតដល់ច្រកទ្វារព្រំដែនស្វាយអាង៉ោង។ ការចុះពិនិត្យនេះធ្វើឡើងក្នុងគោលបំណងរៀបចំផែនការជួសជុល និងកែលម្អកំណាត់ផ្លូវនេះឡើងវិញ ដើម្បីសម្រួលដល់ការធ្វើដំណើរ និងការដឹកជញ្ជូនទំនិញរបស់ប្រជាពលរដ្ឋ។

ការលើកឡើងរបស់លោកឧត្តមសេនីយ៍ឯក Prapas Sonjaidee នាយកមជ្ឈមណ្ឌល JIC នៅក្នុងកាសែត The Nation Thailand ចុះថ្ងៃទី៣១ ខែសីហា ឆ្នាំ២០២៦ ដែលអះអាងថា កងទ័ពគួរតែស្ថិតនៅក្នុងទីតាំងដែលបានព្រមព្រៀងគ្នា និងថាភាគីថៃមិនដែលធ្លាប់បានប្ដូរលក្ខខណ្ឌនៅលើដីជាក់ស្ដែង ដោយផ្អែកលើសេចក្ដីប្រកាសរួម ចុះថ្ងៃទី២៧ ខែធ្នូ ឆ្នាំ២០២៥ គឺជាការអះអាងផ្ទុយទាំងស្រុងពីខ្លឹមសារពិតប្រាកដនៃសេចក្ដីប្រកាសរួម ផ្ទុយពីច្បាប់អន្តរជាតិ ខុសពីការពិតនិងភស្ដុតាងនៅលើដីជាក់ស្ដែង។ ការអះអាងនេះមានចេតនាបំភាន់ និងកេងចំណេញសាធារណមតិជាតិ និងអន្តរជាតិ ធ្វើឱ្យមានការយល់ច្រឡំថាភាគីកម្ពុជាបានឯកភាពឱ្យភាគីថៃដាក់ទ័ពឈរជើងនៅក្នុងដែនដីដែលស្ថិតនៅក្នុងអធិបតេយ្យ បូរណភាពទឹកដីស្របច្បាប់របស់កម្ពុជា។

ខេត្តព្រៃវែង ៖ ដោយអនុវត្តតាមអនុសាសន៍ ដឹកនាំដ៍ខ្ពង់ខ្ពស់ពីរ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពីលោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង លោកអធិការនគរបាលក្រុង-ស្រុកទាំង១៣ ត្រូវបន្តចុះពង្រឹងពន្លឿនប្រសិទ្ធភាពការងារ និងតួនាទីភារកិច្ចនគរបាល នៅតាមបណ្តាប៉ុស្តិ៍នគរបាលរដ្ឋបាលទូទាំងខេត្តព្រៃវែង ក្នុងការគាំទ្រអនុវត្តការងារបម្រើសេវាសាធាណៈ និងរក្សាការពារសន្តិសុខ សណ្តាប់ធ្នាប់ សុវត្ថិភាពល្អជូនប្រជាពល អោយទទួលបានប្រសិទ្ធភាពកាន់តែល្អប្រសើ ។

ខេត្តព្រៃវែង ៖ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង កម្លាំងនគរបាលតាមបណ្ដាអធិការដ្ឋាននគរបាលក្រុង-ស្រុកទាំង១៣ និងកម្លាំងប៉ុស្តិ៍នគរបាលរដ្ឋបាលទូទាំងខេត្តព្រៃវែងពន្លឿនប្រសិទ្ធភាពការងារក្នុងការបម្រើសេវាសាធារណៈជូនប្រជាពលរដ្ឋដោយបានចុះធ្វើនិងនាំយកអត្តសញ្ញាណប័ណ្ណសញ្ជាតិខ្មែរសៀវភៅគ្រួសារប្រភេទ(ក២)និង(ក៤)ដែលបានធ្វើរួចរាល់ទៅប្រគល់ជូនមន្ត្រីប៉ុស្តិ៍នគរបាលរដ្ឋបាលនិងនាំយកជូនដល់ខ្នងផ្ទះផងដែរ ព្រមទាំងបានចុះសួរសុខទុក្ខប្រជាពលរដ្ឋជាប្រចាំក្នុងមូលដ្ឋានដើម្បីសាកសួរអំពីបញ្ហាសន្តិសុខ សណ្ដាប់ធ្នាប់និងបទល្មើសផ្សេងៗដែលកើតឡើងក្នុងមូលដ្ឋាន។

នាព្រឹកថ្ងៃអង្គារ ទី១ ខែកញ្ញា ឆ្នាំ២០២៦ នៅបញ្ជាការដ្ឋានកងរាជអាវុធហត្ថ ខេត្តព្រៃវែង លោកឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្ត បានអញ្ជើញដឹកនាំ មេបញ្ជាការរងខេត្ត ប្រធានមន្ទីរ ការិយាល័យពាក់ព័ន្ធ មេបញ្ជាការមូលដ្ឋាន១៣ក្រុងស្រុក ចូលរួមស្ដាប់ ការប្រជុំផ្សព្វផ្សាយជ្រើសរើសយោធិន នៃកងរាជអាវុធហត្ថ តាមរយ:តំណភ្ជាប់ប្រព័ន្ធ Video Conference ។

ក្នុងយុទ្ធនាការបោសសម្អាត សមត្ថកិច្ចកម្ពុជា បានអនុវត្តវិធានការច្បាប់ដើម្បីបង្ក្រាបកាស៊ីណូចំនួន ២៧ ក្នុងនោះ ដកហូតអាជ្ញាបណ្ណ ១៨ កាស៊ីណូ និង ព្យួរអាជ្ញាបណ្ណ ៩ កាស៊ីណូ។ ទន្ទឹមនេះ សមត្ថកិច្ច បាន និងកំពុងត្រួតពិនិត្យ ដើម្បីមានវិធានការម៉ឺងម៉ាត់តាមច្បាប់ ចំពោះកាស៊ីណូប្រព្រឹត្តសកម្មភាពល្បែងស៊ីសង ភ្នាល់តាមអនឡាញ(Online Gambling ឬ Online Sport Betting)

គិតចាប់ពីខែកក្កដា ឆ្នាំ២០២៥ ដល់ថ្ងៃទី៣១ ខែសីហា ឆ្នាំ២០២៦អាជ្ញាធរកម្ពុជាបានជួយសង្គ្រោះ និងអនុវត្តនីតិវិធីដើម្បីធ្វើមាតុភូមិនិវត្តន៍ជនបរទេស ចំនួនជាង ២២,០០០ នាក់ មកពី ៣៨ សញ្ជាតិ។ ក្នុងរយៈពេលដូចគ្នា សមត្ថកិច្ចបានកសាង និងបញ្ជូនសំណុំរឿង ចំនួន ៤០៨ ករណីទៅតុលាការ ពាក់ព័ន្ធនឹងជនត្រូវចោទ ៣,៤៧៧នាក់ រួមមានមេខ្លោងនិងគូកន មកពី២៩សញ្ជាតិ