ព័ត៌មានក្នុងខេត្ត

នៅព្រឹកថ្ងៃទី១៧ ខែកក្កដា ឆ្នាំ២០២៦ លោក ស៊ិន ចក់ អភិបាលរងស្រុក តំណាងលោក យ៉ាវ សានិន អភិបាលនៃគណៈអភិបាលស្រុក បានអញ្ជើញជាអធិបតី ក្នុងកិច្ចប្រជុំរៀបចំសេចក្តីព្រាងរបាយការណ៍វេទិកាផ្សព្វផ្សាយ និងពិគ្រោះយោបល់ក្រុមប្រឹក្សាស្រុកព្រះស្តេច ប្រចាំឆមាសទី១ ឆ្នំា២០២៦ សមាសភាពចូលរួម៖ - នាយករងរដ្ឋបាលសាលាស្រុក - ប្រធានការិយាល័យ អង្គភាព ចំណុះរដ្ឋបាលស្រុក - ប្រធានការិយាល័យប្រជាពលរដ្ឋ - តំណាងការិយាល័យសុខាភិបាលស្រុកប្រតិបត្តិព្រះស្តេច - មន្រ្តីទទួលបន្ទុកធ្វើរបាយការណ៍។

នាព្រឹកថ្ងៃទី១៧ ខែកក្កដា ឆ្នាំ២០២៦

ថ្ងៃទី១៧ ខែកក្កដា ឆ្នាំ២០២៦ ឯកឧត្ដម ហ៊ឺ បាវី ប្រធានក្រុមការងារថ្នាក់ជាតិចុះជួយស្រុកព្រះស្ដេច បានដឹកនាំប្រតិភូជនជាតិជប៉ុន និងមានការចូលរួមអបអរដំណើរដោយ លោក នេត សារ៉ាត់ អភិបាលរងស្រុក តំណាងលោក យ៉ាវ សានិន អភិបាលស្រុកព្រះស្ដេច បានអញ្ជើញចុះពិនិត្យទីតាំងគ្រោងបើកបណ្ដុះបណ្ដាលភាសា និងវិជ្ជាជីវៈ ដែលមានទីតាំងស្ថិតនៅឃុំអង្គររាជ្យ និងនៅភូមិកំពង់ថ្នល់ព្រមទាំងពិនិត្យមើលទីតាំងត្រៀមសាងសង់មណ្ឌលថែទាំមនុស្សចាស់ នៅក្បែរមន្ទីរពេទ្យបង្អែកស្រុកព្រះស្ដេចផងដែរ ។

នាព្រឹកថ្ងៃទី១៧ ខែកក្កដា ឆ្នាំ២០២៦

លោក ស៊ាន ចិន្តា អភិបាលនៃគណៈអភិបាលស្រុកស៊ីធរកណ្ដាល បានអញ្ជើញចូលរួមកាត់វិញ្ញាសា ប្រឡងសិស្សពូកែថ្នាក់ទី៦ ថ្នាក់ស្រុក ដែលជាការសហការរៀបចំដោយការិយាល័យអប់រំ យុវជន និងកីឡា នៃរដ្ឋបាលស្រុកស៊ីធរកណ្ដាល ជាមួយប្រធានកម្រងសាលារៀនបឋមសិក្សាទាំង៧ ប្រព្រឹត្តទៅនៅសាលាបឋមសិក្សាព្រៃដើមថ្នឹងខាងជើង។

(ព្រៃវែង)៖ ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ជាប្រធានក្រុមការងាររាជរដ្ឋាភិបាលចុះមូលដ្ឋានស្រុកពារាំង ព្រមទាំងក្រុមការងារទាំងអស់ចុះមូលដ្ឋាន ភូមិ ឃុំ ក្នុងស្រុកពារាំង បាននាំយកទៀនព្រះវស្សា បច្ច័យ និងទេយ្យទានមួយចំនួនទៅប្រគេនព្រះសង្ឃគង់ចាំព្រះវស្សានៅតាមបណ្ដាវត្តចំនួន៩វត្ត ក្នុងឃុំទាំង៩នៃស្រុកពារាំង ខេត្តព្រៃវែង។

យុទ្ធនាការ «និយាយថាទេ ចំពោះព័ត៌មានក្លែងក្លាយ» បន្តពង្រីកការផ្សព្វផ្សាយដល់សិស្សានុសិស្សជិត ១ពាន់នាក់ នៅអនុវិទ្យាល័យ និងវិទ្យាល័យព្រះម្លូរ ក្នុងស្រុកបាកាន ‎​‎​វិទ្យុជាតិកម្ពុជា៖ លោក ចេម ហួត ‎​(ពោធិ៍សាត់)៖ មន្ទីរព័ត៌មានខេត្តពោធិ៍សាត់ និងរដ្ឋបាលខេត្ត នៅព្រឹកថ្ងៃទី១៧ ខែកក្កដា ឆ្នាំ២០២៦ នេះ បានរៀបចំពិធីផ្សព្វផ្សាយយុទ្ធនាការ «និយាយថាទេ ចំពោះព័ត៌មានក្លែងក្លាយ» ជំហានទី២ ជូនដល់សិស្សានុសិស្សនៃអនុវិទ្យាល័យ និងវិទ្យាល័យព្រះម្លូរ ប្រមាណជិត ១,០០០នាក់ ក្នុងគោលបំណងពង្រឹងសមត្ថភាពយល់ដឹង និងកសាងភាពស៊ាំដល់យុវជនចំពោះការវាយលុកនៃព័ត៌មានមិនពិត។ ‎​ពិធីនេះបានប្រារព្ធឡើងនៅបរិវេណអនុវិទ្យាល័យ និងវិទ្យាល័យព្រះម្លូរ ឃុំបឹងខ្នារ ស្រុកបាកាន ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន តំណាងដ៏ខ្ពង់ខ្ពស់របស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងលោក ញឹក បានខេង អភិបាលរងខេត្តពោធិ៍សាត់ តំណាងដ៏ខ្ពង់ខ្ពស់ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ ព្រមទាំងមានការចូលរួមពីប្រតិភូក្រសួង អាជ្ញាធរដែនដី លោកគ្រូ អ្នកគ្រូ និងសិស្សានុសិស្សយ៉ាងច្រើនកុះករ។

នាព្រឹកថ្ងៃទី១៦ ខែកក្កដា ឆ្នាំ២០២៦ លោក ចាន់ ភន់ សមាជិកក្រុមប្រឹក្សាស្រុក តំណាងលោក ផន សារ៉េត ប្រធានក្រុមប្រឹក្សាស្រុក និងលោក ហ៊ន សុផាត អភិបាលនៃគណៈអភិបាលស្រុក បានអញ្ជើញចូលរួមជាអធិបតីក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកមេសាងប្រចាំឆ្មាំ២០២៦ នៅវត្តស្នាយបុណ្យ ឃុំជិផុច ស្រុកមេសាង ខេត្តព្រៃវែង។

ព្រឹកថ្ងៃទី១៧ ខែកក្កដា ឆ្នាំ២០២៦ លោកប្រធានមន្ទីរព្រមទាំងសហការី បានធ្វើការប្រគល់-ទទួល កុំព្យូទ័រ ចំនួន ១៥គ្រឿង ជំហានទី៤ របស់គណះកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណះ ជូនរដ្ឋបាលឃុំ សម្រាប់គាំទ្រការប្រើប្រាស់បច្ចេកវិទ្យាព័ត៌មានគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋ (SARMIS) ដែលប្រព្រឹត្តទៅនៅ សាលប្រជុំធំ មន្ទីរសេដ្ឋកិច្ច និងហិរញ្ញវត្ថុខេត្តព្រៃវែង។

ថ្ងៃទី១៧ ខែកក្កដា ឆ្នាំ២០២៦ លោក ម៉ននី បណ្ឌិត អភិបាលស្រុកបាភ្នំ បានអញ្ជើញជាអធិបតីក្នុងកិច្ចប្រជុំស្តីពីការងារគ្រប់គ្រងក្នុងវិស័យអប់រំផ្នែកបឋមសិក្សា នៅសាលប្រជុំរដ្ឋបាលស្រុកបាភ្នំ។

ថ្ងៃសុក្រ ៣កើត ខែទុតិយាសាឍ ឆ្នាំមមី ព.ស.២៥៧០ ត្រូវនឹងថ្ងៃទី១៧ ខែកក្កដា ឆ្នាំ២០២៦ នាពេលព្រឹក រដ្ឋបាលឃុំព្រែកខ្សាយ (ក) បាន និងកំពុងរៀបចំវេទិកាសាធារណៈ របស់ក្រុមការងាររាជរដ្ឋាភិបាលចុះមូលដ្ឋានស្រុក ឃុំ ដោយមានការអញ្ជើញចូលរួមជាសហអធិបតី ដោយឯកឧត្តម ជឹម សុខ សមាជិកក្រុមប្រឹក្សាខេត្ត និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកពាមរក៍ លោក កែវ ពិសី អភិបាលនៃគណៈអភិបាលស្រុកពាមរក៍ ព្រមទាំងមានការអញ្ជើញចូលរួមពីក្រុមប្រឹក្សាស្រុក អភិបាលរងស្រុ លោកនាយក នាយករងរដ្ឋបាលសាលាស្រុក មន្ត្រីការិយាល័យពាក់ព័ន្ធ ព្រមទាំងបងប្អូនប្រជាពលរដ្ឋ។

វគ្គបណ្តុះបណ្តាលស្តីពី “ភាពជាអ្នកដឹកនាំ និងការធ្វើផែនការយុទ្ធសាស្រ្ត” ព្រមទាំង “ការលើកកម្ពស់យេនឌ័រនៅក្នុងការដឹកនាំអង្គការកសិករ” ត្រូវបានរៀបចំឡើងដោយ អង្គការអ្នកក្សេត្រសាស្ត្រ និងពេទ្យសត្វគ្មានព្រំដែន (AVSF) នៅកម្ពុជា ក្រោមអធិបតីភាពដ៏ខ្ពង់ខ្ពស់របស់ លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ ។