ព័ត៌មានក្នុងខេត្ត

ថ្ងៃទី​០៤​ ខែកញ្ញា​ ឆ្នាំ​២០២៦ លោក​ ប៊ិន​ ជីវ័ន្ត​ អភិបាល​នៃគណៈ​ អភិបាល​ស្រុក​កំចាយមារ​ បានដឹក​នាំលោកលោកស្រី​ អភិបាល​រងស្រុក​ លោកនាយក​រដ្ឋបាល​លោកលោកស្រីប្រធានការិយាល័យ​ មន្ត្រី​រាជការ​ មេបញ្ជាការ​កង​កម្លាំង​ទាំង៣ជុំវិញ​ស្រុក​ បាននាំយក​ សម្ភារៈ​និង​ថវិកា​ មូលនិធិ​របស់​បងប្អូន​ សប្បុរសជន​ដែលបានចូលរួមតាមរយៈ មូលនិធិ​គាំទ្រ​សមរភូមិ​មុខស្រុក​ ដេីម្បីនាំយកចុះសួរសុខទុក្ខ​និង​ផ្តល់​ជូនដល់វីរៈ​កងកម្លាំង​ ៤អង្គភាពដែលកំពុងឈរជេីងនៅ​សមរភូមិ​មុខ​ (​ កងពលធំ​លេខ៣ វីរៈ​៣៩៣​ វីរៈ​៣៩៤​ កងពលអន្តរាគមន៍​លេខ៩​ ) និង​គ្រូ​សារ​ វីរៈ​កងកម្លាំង​ចំនួន២០០គ្រួសារ​​ ស្ថិត​ក្នុង​ ភូមិ​រុងរឿង​២​ឃុំមរកត​ ស្រុក​ជាំ​ក្សាន្ត​ ខេត្ត​ព្រះវិហារ​៕

ថ្ងៃទី៤ ខែកញ្ញា ឆ្នាំ២០២៦ លោកស្រី ចេង ចាន់ធឿន អនុប្រធានមន្ទីរ និងសហការី បានចូលរួមអមដំណើរលោកជំទាវ ជឹម សាវីន ប្រធាន គ.ក.ស.ក ខេត្ត ចុះសួរសុខទុក្ខកុមារីរងគ្រោះ នៅឃុំព្រែកខ្សាយ ក ស្រុកពាមរក៍ ខេត្តព្រៃវែង និងបានបន្តដំណើរចុះសួរសុខទុក្ខ ព្រមទាំងបានពិភាក្សា ពិគ្រោះយោបល់ ស្វែងរកដំណោះស្រាយ ជូនដល់គ្រួសារមានជីវភាពលំបាក នៅឃុំព្រៃកណ្ដៀង ស្រុកពាមរក៍ បានបោះបង់កូនទុកក្នុងមន្ទីរពេទ្យនៅរាជធានីភ្នំពេញ ដើម្បីឱ្យគ្រួសារសាច់ញាតិ ទទួលយកកុមារមកមើលថែទាំនៅក្នុងគ្រួសារវិញ។

សូមចូលរួមអបអរសាទរ លោក ភុន សម្ផស្ស ត្រូវបានប្រកាសទទួលស្គាល់ជាប្រធានសហភាពសហព័ន្ធយុវជនកម្ពុជា ស្រុកកំពង់ត្របែក ជំនួស លោក នុន ភារ៉ា ដែលត្រូវបានប្រកាសតែងតាំងជាអនុប្រធានក្រុមការងារចុះជួយ ស.ស.យ.ក. ស្រុកកំពង់ត្របែក។ ស្រុកកំពង់ត្របែក ០៥ កញ្ញា ២០២៦

អនុសាខាកាកបាទក្រហមកម្ពុជា ស្រុកពារាំង បានចូលរួមរំលែកទុក្ខយ៉ាងក្រៀមក្រំ ជាមួយគ្រួសារសពស្លាប់ដោយសារជំងឺមួយគ្រួសារ នៅភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង

រដ្ឋបាលស្រុកបាភ្នំ សូមគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ប្រពៃ ចំពោះការចូលរួមឧបត្ថម្ភរបស់ លោកស្រី ឡុង គឹមលី និងស្វាមី ប៉ុន សុខ ដែលបានចូលរួមឧបត្ថម្ភថវិកាសម្រាប់ការទិញ និងដាំដើមធ្នង់ ចំនួន ១ដើម នៅបរិវេណតារាងបាល់ទាត់ស្រុកបាភ្នំ។ រដ្ឋបាលស្រុកបាភ្នំ សូមគោរពជូនពរ លោកស្រី និងស្វាមី ព្រមទាំងក្រុមគ្រួសារ សូមជួបប្រទះតែពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃទី៣ ខែកញ្ញា ឆ្នាំ២០២៦ លោកស្រី ឈឹម ចន្ថុល អភិបាលរងស្រុក តំណាង លោក យ៉ាវ សានិន អភិបាលនៃគណៈអភិបាលស្រុកព្រះស្ដេច និងលោកស្រី កង សុខា សមាជិកក្រុមប្រឹក្សាស្រុក បាននាំយកសម្ភារៈ និងថវិកា ទៅសួរសុខទុក្ខលោក រ័ត្ន កាន សមាជិកក្រុមប្រឹក្សាស្រុក ដែលកំពុងសម្រាកព្យាបាលជំងឺនៅផ្ទះ ស្ថិតក្នុងឃុំល្វា ស្រុកព្រះស្ដេច ខេត្តព្រៃវែង។

ថ្ងៃទី៣ ខែកញ្ញា ឆ្នាំ២០២៦ លោកស្រី ឈឹម ចន្ថុល អភិបាលរងនៃគណៈអភិបាលស្រុក តំណាងលោក យ៉ាវ សានិន អភិបាលនៃគណៈអភិបាលស្រុក និងលោកស្រី កង សុខា ប្រធានគណៈកម្មាធិការពិគ្រោះយោបល់ស្ត្រី និងកុមារ

នាព្រឹកថ្ងៃអង្គារ ទី១ ខែកញ្ញា ឆ្នាំ២០២៦ នៅបញ្ជាការដ្ឋានកងរាជអាវុធហត្ថ ខេត្តព្រៃវែង លោកឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្ត បានអញ្ជើញដឹកនាំ មេបញ្ជាការរងខេត្ត ប្រធានមន្ទីរ ការិយាល័យពាក់ព័ន្ធ មេបញ្ជាការមូលដ្ឋាន១៣ក្រុងស្រុក ចូលរួមស្ដាប់ ការប្រជុំផ្សព្វផ្សាយជ្រើសរើសយោធិន នៃកងរាជអាវុធហត្ថ តាមរយ:តំណភ្ជាប់ប្រព័ន្ធ Video Conference ។

វេទិកាសាធារណៈឃុំព្រៃកណ្តៀង ថ្ងៃអង្គារ ៤រោច ខែស្រាពណ៍ ឆ្នាំមមី ព.ស.២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦ នាពេលព្រឹក រដ្ឋបាលឃុំព្រៃកណ្តៀង បានរៀបចំវេទិកាសាធារណៈ របស់ក្រុមការងាររាជរដ្ឋាភិបាលចុះមូលដ្ឋាន និងអាជ្ញាធរមូលដ្ឋាន ជួបជាមួយប្រជាពលរដ្ឋនៅឃុំព្រៃកណ្តៀង ស្រុកពាមរក៍ ខេត្តព្រៃវែង ក្រោមសហអធិបតី លោកឧត្តមសេនីយ៍ទោ ឈឿន ប៊ុនឆន ស្នងការនៃស្នងការដ្ឋាននគរបាលខេត្តព្រៃវែង និងជាប្រធានក្រុមការងារឃុំព្រៃកណ្តៀង និងលោក កែវ ពិសី អភិបាលនៃគណៈអភិបាលស្រុកពាមរក៍ ព្រមទាំងមានការអញ្ជើញចូលរួមពីក្រុមប្រឹក្សាស្រុក អភិបាលរងស្រុក លោកនាយករដ្ឋបាលសាលាស្រុក មន្ត្រីការិយាល័យពាក់ព័ន្ធ ព្រមទាំងបងប្អូនប្រជាពលរដ្ឋចំណុះមូលដ្ឋាន។

ថ្ងៃទី១ ខែកញ្ញា​ ឆ្នាំ២០២៦ រដ្ឋបាលស្រុកកំចាយមារ បានបើកកិច្ចប្រជុំសាមញ្ញរបស់ក្រុមប្រឹក្សាស្រុកលើកទី២៧អាណត្តិទី០៤​ ឆ្នាំ២០២៦ ក្រោមធិបតី​ លោក សូ​ សំនៀង​ សមាជិក​ក្រុមប្រឹក្សាស្រុក​ តំណាង​លោក ប៉ុក​ ឆុន​ ប្រធានក្រុមប្រឹក្សាស្រុក និងអញ្ជើញចូលរួមពីលោក លោកស្រីសមាជិកក្រុមប្រឹក្សាស្រុក លោក អភិបាលស្រុក លោក លោកស្រីអភិបាលរងស្រុក នាយក-នាយករងរដ្ឋបាលស្រុក ប្រធានការិយាល័យជុំវិញស្រុក កងកម្លាំងទាំងបី ព្រមទាំងលោកមេឃុំគ្រប់ឃុំក្នុងស្រុក ។

នៅព្រឹកថ្ងៃទី៣១ ខែសីហា ឆ្នាំ២០២៦ លោក អេង ផេងអាន ប្រធានមន្ទីរ និងជានាយកចាត់ការកម្មវិធីអនុវិស័យរដ្ឋបាលដីធ្លីខេត្ត បានដឹកនាំកិច្ចប្រជុំបូកសរុបលទ្ធផលការងារសីហា និងលេីកទិសដៅអនុវត្តបន្ត ដោយមានការអញ្ជើញចូលរួមពី លោក លោកស្រីជាថ្នាក់ដឹកនាំមន្ទីរ លោក លោកស្រី ប្រធានការិយាល័យចំណុះមន្ទីរ លោកប្រធានការិយាល័យ ដនសភ ក្រុង/ស្រុក លោកប្រធាន អនុប្រធានក្រុមវាល និងមន្ត្រីGIS ទាំង១២ក្រុម។

រាជរដ្ឋាភិបាលកម្ពុជាតាមរយៈលេខាធិការដ្ឋានគ.ប.ឆ.ប. បានលាតត្រដាងនៅចំពោះមុខតំណាងអង្គទូត និងអង្គការអន្តរជាតិជិត ៥០ ប្រចាំកម្ពុជា ថាបច្ចុប្បន្ននេះពុំមានមជ្ឈមណ្ឌលឆបោកតាមប្រព័ន្ធបច្ចេកវិទ្យានៅក្នុងប្រទេសកម្ពុជាទៀតទេ បន្ទាប់ពីការបោសសម្អាត Online Scams ទ្រង់ទ្រាយធំបានទាំងស្រុង ការចាត់វិធានការផ្លូវច្បាប់យ៉ាងម៉ឺងម៉ាត់លើជនល្មើស បណ្តាញ និងមន្ត្រីពាក់ព័ន្ធ ព្រមទាំងការបង្កើតក្របខ័ណ្ឌច្បាប់សាយប័រជាប្រព័ន្ធ ខណៈកម្ពុជានឹងធ្វើជាម្ចាស់ផ្ទះរៀបចំសន្និសីទអន្តរជាតិនាខែកញ្ញា ឆ្នាំ២០២៦ ដើម្បីទាមទារកិច្ចសហការ និងឆន្ទៈនយោបាយពិតប្រាកដកម្រិតសកលក្នុងការបញ្ចប់ការឆបោកតាមប្រព័ន្ធបច្ចេកវិទ្យានេះ។