ព័ត៌មានក្នុងខេត្ត

សរុកស្វាយអន្ទរ រដ្ឋបាលស្រុកស្វាយអន្ទរ សូមថ្លែងអំណរគុណយ៉ាងជ្រាវជ្រៅចំពោះ ធនាគារ អេស ប៊ី អាយ (ខេមបូឌា) សាខាស្រុកស្វាយអន្ទរ ដែលបានឧបត្ថម្ភថវិកាចំនួន ២០០ដុល្លារ ដល់រដ្ឋបាលស្រុកស្វាយអន្ទរ ក្នុងការចូលរួមទិញអំពូលភ្លើងសូឡា សម្រាប់បំពាក់តាមទីសាធារណៈ និងបង្កើនសោភ័ណ្ឌភាពស្របតាមយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាល គោរពជូនពរ លោក លោកស្រី និងក្រុមគ្រួសារ សូមសមប្រកបនូវពុទ្ធពរទាំង៤ប្រការគឺ អាយុវណ្ណៈ សុខៈ ពលៈ កុំបីឃ្លៀងឃ្លាតឡើយ ប្រាថ្នាអ្វីសូមឲ្យបានសម្រេចតាមក្តីប្រាថ្នា

ទំហំពាណិជ្ជកម្មរវាងកម្ពុជា ជាមួយបណ្តាប្រទេសជាសមាជិក

វគ្គបណ្តុះបណ្តាលស្តីពី “ភាពជាអ្នកដឹកនាំ និងការធ្វើផែនការយុទ្ធសាស្រ្ត” ព្រមទាំង “ការលើកកម្ពស់យេនឌ័រនៅក្នុងការដឹកនាំអង្គការកសិករ” ត្រូវបានរៀបចំឡើងដោយ អង្គការអ្នកក្សេត្រសាស្ត្រ និងពេទ្យសត្វគ្មានព្រំដែន (AVSF) នៅកម្ពុជា ក្រោមអធិបតីភាពដ៏ខ្ពង់ខ្ពស់របស់ លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ ។

ថ្ងៃទី ១៤ ខែ កក្កដា ឆ្នាំ ២០២៦

ឃុំជាច,ព្រឹកថ្ងៃទី១៣ ខែកក្កដា ឆ្នាំ២០២៦ លោក ប៊ិន ជីវ័ន្ត អភិបាលនៃគណ:អភិបាលស្រុកកំចាយមារ និងក្រុមការងារ រួមជាមួយលោកមេឃុំ ក្រុមប្រឹក្សាឃុំ ស្មៀនឃុំ និងជំនួយការឃុំ បានជួបសំណេះសំណាលសួរសុខទុក្ខ ក្រុមការងារស្ថាបនាផ្លូវរបស់មន្ទីរអភិវឌ្ឍន៍ជនបទខេត្តព្រៃវែង ដែលកំពុងឈូសឆាយចាប់ពីចំណុចភូមិទួលសង្កែបណ្ដោយ ដល់ភូមិដូនដោក ឃុំជាច ប្រវែង១១ គីឡូម៉ែត្រ។

ថ្ងៃទី ០៥ ខែ កក្កដា ឆ្នាំ ២០២៦

ថ្ងៃពុធ ២រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែកក្កដា ឆ្នាំ២០២៦

ស្រុកមេសាង បើកការដ្ឋានសាងសង់ផ្លូវបេតុងអាមេ១ខ្សែ ប្រវែងជាង ១គីឡូម៉ែត្រ ក្នុងឃុំអង្គសរ ខេត្តព្រៃវែង៖ នៅព្រឹកថ្ងៃទី៣០ ខែមិថុនា ឆ្នាំ២០២៦ នេះ លោក ហ៊ន សុផាត អភិបាលនៃគណៈអភិបាលស្រុកមេសាង បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកការដ្ឋានសាងសង់ផ្លូវបេតុងអាមេ ១ខ្សែ ស្ថិតនៅក្នុងភូមិអង្គរស ឃុំអង្គសរ ស្រុកមេសាង ខេត្តព្រៃវែង។

រសៀលថ្ងៃទី២២ ខែមិថុនា ឆ្នាំ២០២៦ លោក យ៉ាវ សានិន អភិបាលនៃគណៈអភិបាលស្រុកព្រះស្ដេច បានអញ្ជើញចុះពិនិត្យវឌ្ឍនភាពនៃការសាងសង់ផ្លូវបេតុងអាមេ ប្រវែង ១.២០០ម៉ែត្រ នៅភូមិស្ដៅ ឃុំក្រាំងស្វាយ ដែលជាអំណោយដ៏ថ្លៃថ្លារបស់ឯកឧត្ដម ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ។

ព្រៃវែង៖ នៅថ្ងៃទី២២ ខែមិថុនា ឆ្នាំ២០២៦ ឯកឧត្ដម តូច សេដ្ឋា សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងលោក ពេជ្រ សុត្ថារ័ត្ន អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលនៃគណៈអភិបាលខេត្តបានអញ្ជើញដឹកនាំក្នុងកិច្ចប្រជុំផ្សព្វផ្សាយ និងជំរុញការអនុវត្តយុទ្ធសាស្រ្តជាតិ ស្ដីពីការអភិវឌ្ឍសេដ្ឋកិច្ចក្រៅប្រព័ន្ធ នៅខេត្តព្រៃវែង ដែលប្រព្រឹត្តទៅនៅសាលាខេត្តព្រៃវែង។

ថ្ងៃទី១៩ខែមិថុនាឆ្នាំ២០២៦ លោក ចេម ប្រា អភិបាល នៃគណៈអភិបាលស្រុកពារាំង និងឯឧត្តម សរ រ៉ន ប្រធានក្រុមការងាររាជរដ្ឋាភិបាលចុះមូលដ្ឋានភូមិកំពង់ទ្រា និងសហការី បានអញ្ជើញជាអធិបតីក្នុងពិធីបើកការដ្ឋានជួសជុលផ្លូវលំដីសប្រវែង ៥,៩៥០ម៉ែត្រ តម្លៃប៉ាន់ស្មាន ១៦៤,៥២០,០០០ រៀល ស្ថិតនៅភូមិកំពង់ទ្រា និងភូមិយោត ឃុំមេសរប្រចាន់ ស្រុកពារាំង ខេត្តព្រៃវែង។ +សមាសភាពអញ្ជើញចូលរួមមាន: លោកនាយករដ្ឋបាលសាលាស្រុក មន្រ្តីគាំទ្របច្ចេកទេស លោប្រធាន អនុប្រធាន ការិយាល័យជំនាញពាក់ព័ន្ធ លោកមេឃុំ លោក លោកស្រី សមាជិកក្រុមប្រឹក្សាឃុំ ស្មៀនឃុំ ជំនួយការឃុំ អាជ្ញាធរភូមិ និងបងប្អូនប្រជាពលរដ្ឋសរុបវត្តមានចំនួន ១៥៩នាក់ ស្រី ៧២នាក់ ។ +ក្នុងនោះដែរលោកអភិបាលស្រុក បានជូនវត្ថុអនុស្សាវរីយ៍ជូនដល់បងប្អូនបានចូលរួមក្នុងកម្មវិធី ដោយម្នាក់ទទួលបានសារុងចំនួន ១ផងដែរ ។

យប់ថ្ងៃទី១៧ ខែមិថុនា ឆ្នាំ២០២៦ ឯកឧត្តម វង្ស សេនវិសុត្ស អភិបាលរងនៃគណៈអភិបាលខេត្ត តំណាងដ៏ខ្ពស់ខ្ពង់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត និងឯកឧត្តម ហាស់ វង់ដារ៉ា អនុប្រធានគណៈកម្មាការជាតិជំរុញចលនាភូមិមួយផលិតផលមួយ តំណាងដ៏ខ្ពសខ្ពស់ ឯកឧត្តមបណ្ឌិតសភារ្យ អ៊ុក រ៉ាប៊ុន ទេសរដ្ឋមន្រ្តី និងជាគណៈកម្មាការជាតិជំរុញចលនាភូមិមួយផលិតផលមួយ បានអញ្ជើញជាអធិបតីក្នុងពិធីកាត់ខ្សែបូរសម្ពោធបើកពិព័រផលិតផលទូទៅក្នុងស្រុក ភូមិមួយផលិតផលមួយ នឹងប្រព្រឹត្តទៅរយៈពេល៥ថ្ងៃ ចាប់ពីថ្ងៃទី១៧ ដល់ថ្ងៃទី ២១ ខែមិថុនា ឆ្នាំ២០២៦ នៅបរិវេណបណ្ដោយសួនច្បារទល់មុខសាលាខេត្តព្រៃវែង ស្ថិតនៅភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែង។