ព័ត៌មានក្នុងខេត្ត

សម្ពាធទាបដែលកើតមាននៅលើមហាសមុទ្រប៉ាស៊ីហ្វីកខាងលិចបានវិវត្តទៅជាព្យុះទី២៧ ឈ្មោះ ឆយវ៉ាន(Choi-wan)T2627 រួមជាមួយនឹងព្យុះទី២៦ ឈ្មោះស៊ូរីហ្គាអេ(Surigae)T2626 មានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះ ស៊ូរីហ្គាអេ និងព្យុះ ឆយវ៉ាន នេះទេ។

កាលពីព្រឹកថ្ងៃទី១ ខែតុលា ឆ្នាំ២០២៦ លោក លាត ភិរុណ អភិបាលរង នៃគណៈអភិបាលខេត្តព្រៃវែង បានអញ្ជើញជាអធិបតីភាពក្នុង កិច្ចប្រជុំផ្សព្វផ្សាយពិគ្រោះយោបល់លើការងារផ្តល់សេវានៅអង្គភាពច្រកចេញចូលតែមួយខេត្ត ការិយាល័យច្រកចេញចូលតែមួយស្រុក និងយន្តការច្រកចេញចូលតែមួយឃុំ ក្នុងស្រុកបាភ្នំ ខេត្តព្រៃវែង ដែលបានប្រព្រឹត្តទៅនៅសាលប្រជុំសាលាស្រុកបាភ្នំ។

នៅថ្ងៃទី១ ខែតុលា ឆ្នាំ២០២៦ រដ្ឋបាលឃុំស្ដៅកោង បានចុះអនុវត្តសកម្មភាពឈូសឆាយ និងចាក់ដីបំពេញក្រឡុកផ្លូវ១ខ្សែ ដែលមានប្រវែងសរុប ៦,០០០ម៉ែត្រ (៦គីឡូម៉ែត្រ) ដើម្បីសម្រួលដល់ការធ្វើដំណើររបស់ប្រជាពលរដ្ឋនៅក្នុងមូលដ្ឋាន។

នៅថ្ងៃទី១ ខែតុលា ឆ្នាំ២០២៦ ឆ្លៀតក្នុងឱកាសអញ្ជើញចូលរួមធ្វើបុណ្យកាន់បិណ្ឌទី៥ នៃពិធីបុណ្យភ្ជុំបិណ្ឌ នៅវត្តព្រះឈរ ស្ថិតក្នុងឃុំព្រៃឈរ ស្រុកកំពង់ត្របែក ខេត្តព្រៃវែង ឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង រួមជាមួយសហការី បានអញ្ជើញចុះពិនិត្យមើលសកម្មភាព និងវឌ្ឍនភាពនៃការសាងសង់ខ្លោងទ្វារសាលាបឋមសិក្សា ស្បោង សារ៉ាត ស៊ាន ឈុនហេង ព្រះឈរ។

ជូនដំណឹងស្តីពីការចែកវិញ្ញាបនបត្រសម្គាល់ម្ចាស់អចលនវត្ថុ និងមោឃភាពនៃប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី ឫប័ណ្ណសម្គាល់សិទ្ធិកាន់កាប់អចលនវត្ថុ នៅភូមិត្រពាំងកកោះ ឃុំព្រាល ស្រុកកញ្ជ្រៀច ខេត្តព្រៃវែង។ នៅថ្ងៃទី១-២ ខែតុលា ឆ្នាំ២០២៦ ទីតាំងចែកនៅភូមិត្រពាំងកកោះ។

ជូនដំណឹងស្តីពី ការបិទផ្សាយជាសាធារណៈនូវឯកសារ នៃការវិនិច្ឆ័យ នៅភូមិវាំង ឃុំជីផុច ស្រុកមេសាង ខេត្តព្រៃវែង ក្នុងរយៈពេល១៥ថ្ងៃ (ដោយរាប់បញ្ចូលទាំងថ្ងៃឈប់សម្រាក)។ ចាប់ពីថ្ងៃទី២ ដល់ថ្ងៃទី១៦ ខែតុលា ឆ្នាំ២០២៦ ទីតាំងបិទផ្សាយនៅស្នាក់ការភូមិ។

ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ដែលជាពិធីបុណ្យប្រពៃណីជាតិខ្មែរ កម្លាំងនគរបាលនៃស្នងការដ្ឋាននគរបាលខេត្តព្រៃវែង រួមជាមួយកម្លាំងប្រជាការពារ បានចុះរៀបចំការពារសន្តិសុខ សុវត្ថិភាព និងសណ្ដាប់ធ្នាប់សាធារណៈ ជូនបងប្អូនប្រជាពលរដ្ឋយ៉ាងសកម្មនៅតាមបណ្ដាវត្តអារាម និងតាមទីប្រជុំជននានាទូទាំងខេត្តព្រៃវែង។

នៅព្រឹកថ្ងៃទី០១ ខែតុលា ឆ្នាំ២០២៦ ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង រួមជាមួយថ្នាក់ដឹកនាំខេត្ត ប្រធានមន្ទីរ-អង្គភាពជំនាញពាក់ព័ន្ធ អភិបាលស្រុកព្រះស្ដេច និងអាជ្ញាធរឃុំ បានអញ្ជើញចុះត្រួតពិនិត្យដោយផ្ទាល់នូវស្ថានភាពផ្លូវលំ ដែលកំពុងរងផលប៉ះពាល់ និងខូចខាតនៅក្នុងរដូវវស្សានេះ ស្ថិតក្នុងភូមិសាស្ត្រស្រុកព្រះស្ដេច ខេត្តព្រៃវែង។

នាព្រឹកថ្ងៃទី១ ខែតុលា ឆ្នាំ២០២៦ ឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង និងលោកជំទាវ ស៊ាន ឈុនហេង ព្រមទាំងឯកឧត្ដម លោកជំទាវ ជាសមាជិកក្រុមប្រឹក្សាខេត្ត ក្រុមការងារចុះជួយស្រុក-ឃុំ ក្រុមប្រឹក្សា គណៈអភិបាលស្រុក និងអាជ្ញាធរមូលដ្ឋាន បានអញ្ជើញចូលរួមយ៉ាងកុះករជាមួយបងប្អូនពុទ្ធបរិស័ទក្នុងពិធីកាន់បិណ្ឌទី៥ នៃបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិខ្មែរ ស្ថិតនៅវត្តព្រះឈរ ឃុំព្រៃឈរ ស្រុកកំពង់ត្របែក ខេត្តព្រៃវែង។

នៅព្រឹកថ្ងៃទី៣០ ខែកញ្ញា ឆ្នាំ២០២៦ នេះ នៅសាលប្រជុំធំ (A) សាលាខេត្តព្រៃវែង បានរៀបចំកិច្ចប្រជុំផ្សព្វផ្សាយប្រកាសស្តីពី «បែបបទ និងនីតិវិធីនៃការស្នើសុំបញ្ចូលកូនជនបរទេសអន្តោប្រវេសន្ត ដែលកើតថ្មីទៅក្នុងតារាងឧបសម្ព័ន្ធ និងការស្នើសុំប្រកាសទទួលស្គាល់ជាជនបរទេសអន្តោប្រវេសន្ត របស់កូនអាយុ ១៨ឆ្នាំឡើង ដែលមានឈ្មោះក្នុងតារាងឧបសម្ព័ន្ធរបស់ឪពុក ម្ដាយ ជាជនបរទេសអន្តោប្រវេសន្ត»។

នៅព្រឹកថ្ងៃទី៣០ ខែកញ្ញា ឆ្នាំ២០២៦ ឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង និងលោកជំទាវ រួមជាមួយឯកឧត្ដម លោកជំទាវ ជាសមាជិក ក្រុមប្រឹក្សាខេត្ត ព្រមទាំងលោក យ៉ាវ សានិន អភិបាលនៃគណៈអភិបាលស្រុកព្រះស្ដេច និងសហការី បានអញ្ជើញចូលរួមយ៉ាងកុះករជាមួយបងប្អូនប្រជាពុទ្ធបរិស័ទ ក្នុងពិធីកាន់បិណ្ឌវេនទី៤ នៃពិធីបុណ្យភ្ជុំបិណ្ឌ ដែលជាបុណ្យប្រពៃណីជាតិខ្មែរដ៏ថ្លៃថ្លា នៅវត្តហារ ស្ថិតក្នុងឃុំអង្គររាជ្យ ស្រុកព្រះស្ដេច ខេត្តព្រៃវែង។

ជូនដំណឹងស្តីពីការចែកវិញ្ញាបនបត្រសម្គាល់ម្ចាស់អចលនវត្ថុ និងមោឃភាពនៃប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី ឫប័ណ្ណសម្គាល់សិទ្ធិកាន់កាប់អចលនវត្ថុ នៅភូមិឬស្សីជុក ឃុំរកា ស្រុកពារាំង ខេត្តព្រៃវែង។ ចាប់ពីថ្ងៃទី២ -៤ ខែតុលា ២០២៦ នៅភូមិឬស្សីជុក។