ព័ត៌មានក្នុងខេត្ត

ថ្ងៃទី២៧ ខែកក្កដា ឆ្នាំ២០២៦ លោក​ ភុន​ សម្ផស្ស​ អភិបាល​ នៃគណៈអភិបាលស្រុក​ បានប្រគល់កុំព្យូទ័រ​ និងម៉ាស៊ីនព្រីន ដែលជាអំណោយរបស់​ ឯកឧត្ដម​អភិសន្ដិបណ្ឌិត​ ស​ សុខា​ ឧបនាយករដ្ឋមន្ត្រី​ រដ្ឋមន្ត្រី​ក្រសួង​មហាផ្ទៃ​ និងលោកជំទាវ​ តាមរយៈ​ឯកឧត្ដម​ ហោ​ សំអាត​ អនុប្រធាន​ក្រុមការងារ​ស្រុក​ និងជាប្រធាន​ក្រុមការងារ​ឃុំកន្សោមអក​ និងឃុំប្រាសាទ​ ជូនការិយាល័យរដ្ឋបាល​ និងហិរញ្ញវត្ថុ​ និងការិយាល័យច្រកចេញចូលតែមួយ​ សម្រាប់ប្រេីប្រាស់លេីការងាររដ្ឋបាល​ និងបម្រេីសេវាជូនប្រជាពលរដ្ឋ។

ព្រឹកថ្ងៃទី២៧ខែកក្កដាឆ្នាំ២០២៦លោក ចេម ប្រា អភិបាលនៃគណៈអភិបាលស្រុកពារាំង បានដឹកនាំកិច្ចប្រជុំបូកសរុបរបាយការណ៍ប្រចាំខែកក្កដានិងលើកទិសដៅបន្ដ របស់រដ្ឋបាលស្រុកពារាំង។ +សមាសភាពចូលរួមមាន៖ លោក លោកស្រី អភិបាលរងស្រុក នាយក នាយករងរដ្ឋបាលសាលាស្រុក កងកម្លាំងទាំងបី ប្រធានការិយាល័យចំណុះឱ្យរដ្ឋបាលស្រុក ការិយាល័យសុខាភិបាលស្រុកប្រតិបត្តិពារាំង ប្រធានការិយាល័យប្រជាពលរដ្ឋ បសុពេទ្យស្រុក មេឃុំ នាយប៉ុស្ដិ៍នគរបាល ស្មៀនឃុំទាំង ៩ឃុំ មន្រ្ដីកសិកម្មទាំង ៩ឃុំចូលរួមផងដែរ។

ព្រឹកថ្ងៃទី២៧ ខែកក្កដា ឆ្នាំ២០២៦ ឯកឧត្តម ហ៊ឺ បាវី ប្រតិភូរាជរដ្ឋាភិបាលកម្ពុជាទទួលបន្ទុកជា ប្រធានអគ្គនាយកកំពង់ផែស្វយ័តភ្នំពេញ និងជាប្រធានក្រុមការងារចុះជួយស្រុកព្រះស្ដេច និងលោកជំទាវ បានអញ្ជើញជាអធិបតី ក្នុងពិធីវេរទៀនព្រះវស្សា និងទេយ្យទានប្រគេនព្រះសង្ឃទាំង ៥១វត្ត ក្នុងស្រុកព្រះស្តេច ដោយមានការអញ្ជើញចូលរួមពី ឯកឧត្តម លោកជំទាវ លោកលោកស្រី អនុប្រធានក្រុមការងារចុះជួយស្រុក លោក លោកស្រី សមាជិកក្រុមប្រឹក្សាស្រុក គណៈអភិបាលស្រុក មន្ត្រីរាជការជុំវិញស្រុក និង លោក លោកស្រីមេឃុំទាំង១១ ដែលកម្មវិធីនេះប្រព្រឹត្តិទៅ នៅវត្តសិរីសារពេជ្ញ (តាគោក) ឃុំល្វា ស្រុកព្រះស្តេច ខេត្តព្រៃវែង ។

រដ្ឋបាលស្រុកស៊ីធរកណ្ដាល ខេត្តព្រៃវែង សូមថ្លែងអំណរគុណយ៉ាងជ្រាលជ្រៅ ចំពោះថ្នាក់ដឹកនាំ និងមន្ត្រីគ្រប់ជាន់ថ្នាក់ នៃរដ្ឋបាលឃុំព្រែកចង្ក្រាន ព្រមទាំងសប្បុរសជនក្នុងឃុំទាំងអស់ ដែលបានជួយឧបត្ថម្ភថវិកា ចំនួន ៥៣០,០០០ រៀល សម្រាប់គាំទ្រសមរភូមិជួរមុខ ជួយដល់កងទ័ពកម្ពុជាកំពុងបំពេញបេសកកម្ម នៅតំបន់ព្រំដែនកម្ពុជា-ថៃ ដើម្បីការពារបូរណភាពទឹកដី និង អធិបតេយ្យជាតិពីការឈ្លានពានរបស់សត្រូវ សម្រាប់ជួយ ដោះស្រាយការងារប្រចាំថ្ងៃ។ សូមជូនពរដល់លោក លោកស្រី ព្រមទាំងក្រុមគ្រួសារ សូមប្រកបដោយពុទ្ធពរទាំងបួនប្រការគឺ៖ អាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ។

ថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦

ព្រឹកថ្ងៃទី២៧ ខែកក្កដា ឆ្នាំ២០២៦ លោក ម៉ៅ អ៊ាង ប្រធានក្រុមប្រឹក្សាស្រុកបាភ្នំ និងលោកស្រី ផាត់ សុថានឿន អភិបាលរងស្រុក តំណាង លោក ម៉ននី បណ្ឌិត អភិបាលស្រុកបាភ្នំ បានអញ្ជើញជាអធិបតីក្នុងកិច្ចប្រជុំសាមញ្ញលើកទី២៦ អាណត្តិទី៤ របស់ក្រុមប្រឹក្សាស្រុកបាភ្នំ នៅសាលប្រជុំរដ្ឋបាលស្រុកបាភ្នំ។

ថ្ងៃទី២៤​ ខែកក្កដា​ ឆ្នាំ​២០២៦​ រដ្ឋបាលស្រុកកំចាយមារសូមថ្លែងអំណរគុណ​ យ៉ាង​ក្រៃលែង​ដល់រដ្ឋបាល​ឃុំ​ស៊ាងឃ្វាងបានចូលរួម​ ឧបត្តម្ភ​សម្ភារៈ​និង​ថវិកា​ ដើម្បីចូលគាំទ្រដល់វីរៈ​កងទ័ព​វីរៈនគរបាល​ ដែល​ឈរជេីងការពារ​នៅតាមបន្ទាត់ព្រំដែន​ កម្ពុជា-ថៃ។​ រួមមាន​: _ ទឹក​សុទ្ធ​ ១០០យួរ _ នំ​ ១៥កញ្ចប់​ធំ _ មី​ ៣៣កេស _​ ដែកកេស ១ប្រអប់ _ ថ្នាំបាញ់ មូស​ ៦កំប៉ុង​ _ ថវិកា​ ៤,០០០,០០០៛ សូមជូនពរ ជួបប្រទះនូវពុទ្ធពរទាំង ៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

ថ្ងៃទី២៥​ ខែកក្កដា​ ឆ្នាំ​២០២៦​ រដ្ឋបាលស្រុកកំចាយមារសូមថ្លែងអំណរគុណ​ យ៉ាង​ ក្រៃលែង​ដល់រដ្ឋបាល​ឃុំ​ ស្មោងខាងត្បូង​ បានចូលរួម​ឧបត្តម្ភ​សម្ភារៈ​និង​ថវិកា​ ដើម្បីចូលគាំទ្រដល់វីរៈ​កងទ័ព​វីរៈនគរបាល​ ដែល​ឈរជេីងការពារ​នៅតាមបន្ទាត់ព្រំដែន​ កម្ពុជា-ថៃ។​ រួមមាន​: _ អង្ករ​ ១០០គីឡូ​ក្រាម​ _ ថវិកា​ ៤,៥០០,០០០៛ សូមជូនពរ ជួបប្រទះនូវពុទ្ធពរទាំង ៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

ថ្ងៃទី២៥​ ខែកក្កដា​ ឆ្នាំ​២០២៦​ រដ្ឋបាលស្រុកកំចាយមារសូមថ្លែងអំណរគុណ​ យ៉ាង​ ក្រៃលែង​ដល់រដ្ឋបាល​ឃុំ​ត្របែក បានចូលរួម​ឧបត្តម្ភ​​​ថវិកា​ ៤,០០០,០០០៛ ដើម្បីចូលគាំទ្រដល់វីរៈ​កងទ័ព​វីរៈនគរបាល​ ដែល​ឈរជេីងការពារ​នៅតាមបន្ទាត់ព្រំដែន​ កម្ពុជា-ថៃ។​ សូមជូនពរ ជួបប្រទះនូវពុទ្ធពរទាំង ៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

ថ្ងៃទី២៥​ ខែកក្កដា​ ឆ្នាំ​២០២៦​ រដ្ឋបាលស្រុកកំចាយមារសូមថ្លែងអំណរគុណ​ យ៉ាង​ ក្រៃលែង​ដល់រដ្ឋបាល​ឃុំដូនកឹង​ បានចូលរួម​ ឧបត្តម្ភ​សម្ភារៈ​និង​ថវិកា​ ដើម្បីចូលគាំទ្រដល់វីរៈ​កងទ័ព​វីរៈនគរបាល​ ដែល​ឈរជេីងការពារ​នៅតាមបន្ទាត់ព្រំដែន​ កម្ពុជា-ថៃ។​ រួមមាន​ _ ទឹក​សុទ្ធ​ ៨០យួរ _ ថវិកា​ ៤,០០០,០០០៛ សូមជូនពរ ជួបប្រទះនូវពុទ្ធពរទាំង ៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

ព្រឹកថ្ងៃទី២៦ ខែកក្កដា ឆ្នាំ២០២៦ លោក ប៊ិន ជីវ័ន្ដ អភិបាលនៃគណ:អភិបាលស្រុកកំចាយមារ បានអញ្ជើញជាអធិបតីក្នុងកិច្ចប្រជុំជាមួយក្រុមប្រឹក្សាឃុំជាច និងឃុំក្របៅ និងពិនិត្យមើលទីតាំង សម្រាប់រៀបចំពិធីចែកវិញ្ញាបនបត្រសម្គាល់ម្ចាស់អចលនវត្ថុ ក្រោមអធិបតីភាពដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដីនគរូបនីយកម្មនិងសំណង់ នៅបរិវេណវត្តជោតិវ័ន ហៅវត្តជាច ស្ថិតនៅភូមិជាចលិច ឃុំជាច ស្រុកកំចាយមារ ខេត្តព្រៃវែង នៅថ្ងៃទី៣០ ខែកក្កដា ឆ្នាំ២០២៦ ខាងមុខនេះ។

ចេញផ្សាយថ្ងៃទី២៣ ខែកក្កដា ឆ្នាំ២០២៦