ព័ត៌មានក្នុងខេត្ត

ឯកឧត្តម សួន សុម៉ាលីន អភិបាលនៃគណៈអភិបាលខេត្ត និងលោក វង្ស សោភ័ណ ប្រធានលេខាធិការដ្ឋានរៀបចំការបោះឆ្នោតខេត្ត បានអញ្ជើញដឹកនាំក្នុងកិច្ចប្រជុំស្តីពីបច្ចុប្បន្នភាពជីវមាត្រក្នុងបញ្ជីឈ្មោះបោះឆ្នោតខេត្តព្រៃវែង ដែលប្រព្រឹត្តទៅនៅសាលប្រជុំពហុបំណង (B) សាលាខេត្តព្រៃវែង។

លោក គង់ សំអូន អភិបាលរងនៃគណៈអភិបាលស្រុក តំណាងលោក ស៊ាន ចិន្តា អភិបាលនៃគណៈអភិបាលស្រុក បានដឹកនាំ លោក លោកស្រី អនុប្រធានការិយាល័យសុខាភិបាលស្រុកប្រតិបត្តិ មន្ត្រីជួរក្រោយផ្នែកសុខាភិបាល និងប្រធាន មន្រ្តីមណ្ឌលសុខភាពឃុំទាំងពីរ ចុះពិនិត្យទីតាំង សម្ភារៈ បរិក្ខារ ទីតាំងបន្ទាប់ថែទាំជំងឺចំនួន ២ទីតាំង

ថ្ងៃទី៩ ខែកញ្ញា ឆ្នាំ២០២៦ លោកស្រី ឈឹម ចន្ថុល អភិបាលរងនៃគណៈអភិបាលស្រុក តំណាងលោក យ៉ាវ សានិន អភិបាលនៃគណៈអភិបាលស្រុកព្រះស្ដេច បាននាំយកសម្ភារៈ និងថវិកាទៅសួរសុខទុក្ខប្រជាពលរដ្ឋ ចំនួនពីរគ្រួសារ

លោកជំទាវ ឡុង គន្ធា អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត និងលោក​ស្រី​ ប្រាក់​ ថាវៈភារី​ អគ្គនាយករង​ តំណាង ឯកឧត្ដម​ ស៊ឹម​ សុធន​ អគ្គនាយក នៃមូលនិធិជាតិជំនួយសង្គម បានអញ្ជើញជាអធិបតីក្នុងវគ្គបណ្ដុះបណ្ដាលស្តីពី “ការអនុវត្តកម្មវិធីជំនួយសង្គមឆ្លើយតបនឹងគ្រោះអាសន្ន របស់រាជរដ្ឋាភិបាល” ដែលប្រព្រឹត្តទៅនៅសាលប្រជុំធំ (A)សាលាខេត្តព្រៃវែង។

ព្រៃវែង៖ នៅថ្ងៃទី០៩ ខែកញ្ញា ឆ្នាំ២០២៦ ពិធីប្រកាសទទួលស្គាល់ខេត្តព្រៃវែង ជាខេត្តបញ្ចប់ការបន្ទោបង់ពាសវាលពាសកាលកម្រិតខ្ពស់ (ODF Plus) ត្រូវបានប្រារព្ធឡើងយ៉ាងអធិកអធម ក្រោមអធិបតីភាពដ៏ខ្ពង់ខ្ពស់ ឯកឧត្តម ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង រួមជាមួយមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋយ៉ាងច្រើនកុះករ។

ថ្ងៃទី៧ ខែកញ្ញា ឆ្នាំ២០២៦ ឯកឧត្តម សួន សុម៉ាលីន អភិបាលនៃគណៈអភិបាលខេត្ត រួមជាមួយថ្នាក់ដឹកនាំខេត្ត បានអញ្ជើញចូលរួមសន្និបាតបូកសរុបសមិទ្ធផលការងាររបស់ក្រុមប្រឹក្សាឃុំ សង្កាត់ អាណត្តិទី៥ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅសណ្ឋាគាររេស៊ីដង់ សុខាភ្នំពេញ។

ឯកឧត្តម ហុី ធួក អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត និងឯកឧត្តម ឡុង ថាត សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់ ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត បានអញ្ជើញទទួលវត្តមានដ៏ខ្ពង់ខ្ពស់ ឯកឧត្តម យស ផានីត្តា ប្រធានគណៈកម្មការសេដ្ឋកិច្ច ហិរញ្ញវត្ថុ ធានាគារ និងសវនកម្ម (គណៈកម្មការទី២) នៃព្រឹទ្ធសភា បានអញ្ជើញបំពេញបេសកកម្មដើម្បីជួបពិភាក្សាការងារ ជាមួយរដ្ឋបាលខេត្ត និងមន្ទីរជំនាញដែលពាក់ព័ន្ធ ដែលប្រព្រឹត្តទៅនៅសាលប្រជុំពហុបំណង «B» សាលាខេត្តព្រៃវែង។

រដ្ឋបាលស្រុកបាភ្នំ សូមគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ប្រពៃ ចំពោះការចូលរួមឧបត្ថម្ភរបស់ នាយក នាយករង លោកគ្រូ អ្នកគ្រូទាំងអស់ នៃកម្រងសិក្សាទាំង១២ ក្នុងស្រុកបាភ្នំ ដែលបានចូលរួមឧបត្ថម្ភថវិកាសម្រាប់ការទិញ និងដាំដើមធ្នង់ ក្នុងមួយកម្រងសិក្សា ចំនួន ១ដើម នៅបរិវេណតារាងបាល់ទាត់ស្រុកបាភ្នំ។

រដ្ឋបាលស្រុកបាភ្នំ សូមគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ប្រពៃ ចំពោះការចូលរួមឧបត្ថម្ភរបស់ លោក ជូ ម៉ៃ អនុប្រធានការិយាល័យអប់រំ យុវជន និងកីឡាស្រុក ដែលបានចូលរួមឧបត្ថម្ភថវិកាសម្រាប់ការទិញ និងដាំដើមធ្នង់ ចំនួន ១ដើម នៅបរិវេណតារាងបាល់ទាត់ស្រុកបាភ្នំ។

រដ្ឋបាលស្រុកបាភ្នំ សូមគោរពថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ប្រពៃ ចំពោះការចូលរួមឧបត្ថម្ភរបស់ លោកគ្រូ អ្នកគ្រូ នៃវិទ្យាល័យបាភ្នំ ដែលបានចូលរួមឧបត្ថម្ភថវិកាសម្រាប់ការទិញ និងដាំដើមធ្នង់ ចំនួន ១ដើម នៅបរិវេណតារាងបាល់ទាត់ស្រុកបាភ្នំ។

នៅព្រឹក ថ្ងៃទី៦ ខែកញ្ញា ឆ្នាំ២០២៦ លោក ភុន សម្ផស្ស អភិបាលនៃគណ:អភិបាលស្រុក បាននាំយកថវិកាចំនួន១,០០០,០០០រៀល អង្ករ៥០kg និងមី១កេស ដែលជាអំណោយរបស់ឯកឧត្តម សួន សុម៉ាលីន អភិបាល នៃគណ:អភិបាលខេត្ត និងលោកជំទាវ ទៅជូនសិស្សនិទ្ទេសA (អេង​ សុជាតិ)​ដែលមានជីវភាពខ្វះខាតស្ថិតនៅភូមិសហករណ៍ ឃុំពាមមន្ទារ។

ថ្ងៃទី​០៤​ ខែកញ្ញា​ ឆ្នាំ​២០២៦ លោក​ ប៊ិន​ ជីវ័ន្ត​ អភិបាល​នៃគណៈ​ អភិបាល​ស្រុក​កំចាយមារ​ បានដឹក​នាំលោកលោកស្រី​ អភិបាល​រងស្រុក​ លោកនាយក​រដ្ឋបាល​លោកលោកស្រីប្រធានការិយាល័យ​ មន្ត្រី​រាជការ​ មេបញ្ជាការ​កង​កម្លាំង​ទាំង៣ជុំវិញ​ស្រុក​ បាននាំយក​ សម្ភារៈ​និង​ថវិកា​ មូលនិធិ​របស់​បងប្អូន​ សប្បុរសជន​ដែលបានចូលរួមតាមរយៈ មូលនិធិ​គាំទ្រ​សមរភូមិ​មុខស្រុក​ ដេីម្បីនាំយកចុះសួរសុខទុក្ខ​និង​ផ្តល់​ជូនដល់វីរៈ​កងកម្លាំង​ ៤អង្គភាពដែលកំពុងឈរជេីងនៅ​សមរភូមិ​មុខ​ (​ កងពលធំ​លេខ៣ វីរៈ​៣៩៣​ វីរៈ​៣៩៤​ កងពលអន្តរាគមន៍​លេខ៩​ ) និង​គ្រូ​សារ​ វីរៈ​កងកម្លាំង​ចំនួន២០០គ្រួសារ​​ ស្ថិត​ក្នុង​ ភូមិ​រុងរឿង​២​ឃុំមរកត​ ស្រុក​ជាំ​ក្សាន្ត​ ខេត្ត​ព្រះវិហារ​៕