ព័ត៌មានក្នុងខេត្ត

ចេញផ្សាយថ្ងៃទី២៣ ខែកក្កដា ឆ្នាំ២០២៦

ថ្ងៃទី២៣ ខែកក្កដា ឆ្នាំ២០២៦ មន្ទីរកិច្ចការនារី ខេត្តព្រៃវែង បានរៀបចំបើកវគ្គបណ្ដុះបណ្ដាលស្ដីពី <សុខភាពបន្តពូជ អាហារូបត្ថម្ភ និងការចិញ្ចឹមកូនបែបវិជ្ជមាន> ស្ថិតក្រោមអធិបតីភាព លោកស្រី នួន​ ជួង អនុប្រធានមន្ទីរ តំណាងលោកស្រី ព្រាប ផល្លា ប្រធានមន្ទីរ​កិច្ចការ​នារីខេ​ត្តព្រៃវែង​ សមាសភាពដែលអញ្ជើញចូលរួម​ រួមមាន ÷ លោក វ៉ាន់ដា រ៉ាម៉ូ អនុប្រធានមន្ទីរ​កិច្ចការនារី ព្រមទាំងប្រធាន គ.ក.ស.ក, អភិបាលរង, និងប្រធានការិយាល័យសង្គមកិច្ច​ និងសុខុមាលភាពសង្គម ក្រុង/ស្រុក ចំនួន៧ មានដូចជា ក្រុងព្រៃវែង ស្រុកកំពង់ត្របែក ព្រះស្ដេច ពាមជរ ពាមរក៍ បាភ្នំ និងស្រុកមេសាង សរុបចំនួន ៣២នាក់ ស្រី ២៤នាក់។ ដែលវគ្គបណ្ដុះបណ្ដាលនេះប្រព្រឹត្តទៅ នៅសាលប្រជុំមន្ទីរកិច្ចការនារីខេត្តព្រៃវែង៕

នៅថ្ងៃទី២៣ខែកក្កដា ឆ្នាំ២០២៦ លោក​ អ៊ុម ប៊ុនសឿន អនុប្រធាន​គណៈកម្មាធិការ​អនុសាខា​ស្រុក​ តំណាងលោក វ៉ា ធីម ប្រធាន​គណៈកម្មាធិការ​ បានដឹក​នាំ​សហការី អមដំណើរ​ ឯកឧត្តម ហុី ធួកអនុប្រធានគណៈកម្មាធិការសាខាខេត្ត តំណាង ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត​ ព្រមទាំង​មាន​ការចូលរួមពី​ ក្រុមប្រតិបត្តិសាខា ក្រុមកាកបាទក្រហមឃុំ អ្នកស្ម័គ្រចិត្តភូមិ ទីប្រឹក្សាយុវជន យុវជនកាកបាទក្រហមកម្ពុជា ចុះសួរសុខទុក្ខ និងប្រគល់ផ្ទះ ចំនួន ១ខ្នង ទំហំ ៤មx៦ម ធ្វើអំពីឈើ ដំបូលប្រក់ក្បឿងជ័រ ជញ្ជាំងជ័រ ក្នុងផែនការឆ្នាំ២០២៦ ជាអំណោយរបស់សាខាខេត្ត ជូនដល់គ្រួសារស្ត្រីមេម៉ាយចំនួន ១គ្រួសារ នៅឃុំព្រែកជ្រៃ ស្រុកពោធិ៍រៀង ខេត្តព្រៃវែង។

ព្រឹកថៃ្ងពុធ ៨កើតខែទុតិយាសាឍ ឆ្នាំមមី អដ្ឋស័កព.ស.២៥៧០ ត្រូវនឹងថ្ងៃទី២២ ខែកក្តដា ឆ្នាំ២០២៦ ឯកឧត្តមជាម ប៉េអា អ្នកតំណាងរាស្ត្រមណ្ឌលព្រៃវែង អនុប្រធានទី១ក្រុមការងារចុះមូលដ្ឋានស្រុក និងជាប្រធានក្រុមការងារចុះមូលដ្ឋានឃុំព្រៃដើមថ្នឹង និងឯកឧត្ដមស៊ាង ធារិទ្ធិ ប្រធានក្រុមការងាររាជរដ្ឋាភិបាលចុះមូលដ្ឋានឃុំព្រៃដើមថ្នឹង បានអញ្ជើញប្រគេនទៀនព្រះវស្សានិងទេយ្យទាន ដល់ព្រះសង្ឃគង់នៅវត្តព្រៃដើមថ្នឹងខាងជើង និងវត្តព្រៃដើមថ្នឹងខាងត្បូង ឃុំព្រៃដើមថ្នឹង ស្រុកស៊ីធរកណ្តាល ខេត្តព្រៃវែង ដោយមានការអញ្ជើញចូលរួមពីមន្ត្រីរាជការលោកតា លោកយាយពុទ្ធបរិស័ទច្រើនកុះករ។

រដ្ឋបាលស្រុកពារាំង សូមថ្លែងអំណរព្រះគុណ និងអំណរគុណ ប្រគេនជូន និងជូនចំពោះព្រះតេជគុណគ្រប់ព្រះអង្គ និងអាចារ្យគណៈកម្មការ វត្តពារាំង ,វត្តព្រៃក្រឡាញ់,វត្តក្រាំងពិសី,វត្តកំពង់ពពិល,វត្តតាំងរលាង,វត្តខ្សុំត្បូង,វត្តត្រាល,វត្តជ្រៃសិរីឧត្តម,វត្តក្រាំង,វត្តស្នាយសរ,វត្តព្រៃស្រឡិត,វត្តចុងក្រូច,វត្តវៃវេទ,វត្តគកធំ,វត្តប្ញស្សីជុកត្បូង,វត្តស្នាយពល,វត្តព្រៃសម្លាញ និងវត្តត្នោត ដែលបានជួយឧបត្ថម្ភ សម្ភារៈនិងថវិកាមួយចំនួន ចូលរួមជាមួយមូលនិធិ ព.រ គាំទ្រសង្គម ស្រុកពារាំង សម្រាប់ជួយដល់កងទ័ពកម្ពុជាកំពុងបំពេញបេសកកម្ម នៅតំបន់ព្រំដែនកម្ពុជា-ថៃ ដើម្បីការពារបូរណភាពទឹកដី និង អធិបតេយ្យជាតិពីការឈ្លានពានរបស់សត្រូវ សម្រាប់ជួយដោះស្រាយការងារប្រចាំថ្ងៃ។ ចំពោះកាយវិការ និងមនសិកាស្នេហាជាតិដ៏ឧត្ដុង្គឧត្តមថ្លៃថ្លានេះ ខ្ញុំបាទ ក្នុងនាមរដ្ឋបាលស្រុកពារាំង សូមប្រគេនពរ និងជូនពរជ័យ បវរសួស្ដីមហាប្រសើរ ជូនដល់ព្រះតេជគុណគ្រប់ព្រះអង្គ ហ្នឹងអាចារ្យគណៈកម្មការវត្តទទួលបាននូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ព្រឹកថ្ងៃទី២២ ខែកក្កដា ឆ្នាំ២០២៦ លោក ហុី ធួក អភិបាលនៃគណៈអភិបាលខេត្តស្តីទី បានអញ្ជើញជាអធិបតីក្នុងពិធីសិក្ខាសាលាផ្សព្វផ្សាយ ស្តីពី”ពន្ធប្រថាប់ត្រាលើការផ្ទេរកម្មសិទ្ធិឬសិទ្ធិកាន់កាប់អចលនទ្រព្យ ពន្ធលើថ្លៃឈ្មួលអចលនទ្រព្យ និងពន្ធលើមធ្យោបាយដឹកជញ្ជូន” ដែលប្រព្រឹត្តទៅនៅសាលប្រជុំជាន់ទី៦ នៃសាខាពន្ធដាខេត្តព្រៃវែង។

ព្រៃវែង៖ នៅថ្ងៃទី២១ ខែកក្កដា ឆ្នាំ២០២៦ ឯកឧត្តម ហ៊ី ធួក អនុប្រធានគណៈកម្មាធិការសាខាខេត្ត តំណាង ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត បានដឹកនាំគណៈកម្មាធិការសាខា ប្រតិភូអមដំណើរ មន្ទីរ អង្គភាព ក្រុមប្រតិបត្តិសាខា ក្រុមការងារអនុសាខាស្រុក ក្រុមកាកបាទក្រហមឃុំ អ្នកស្ម័គ្រចិត្តភូមិ ទីប្រឹក្សាយុវជន និងយុវជនកាកបាទក្រហមកម្ពុជា ចុះសួរសុខទុក្ខ ប្រគល់ផ្ទះ ចំនួន ២ខ្នង ទំហំ ៤មx៦ម ធ្វើអំពីឈើ ដំបូលប្រក់ក្បឿងជ័រ ជញ្ជាំងជ័រ និងបង្គន់អនាម័យ ចំនួន ១ ក្នុងផែនការឆ្នាំ២០២៥ ជាអំណោយរបស់សាខាខេត្ត ជូនដល់គ្រួសារក្រីក្រ ១គ្រួសារ នៅឃុំព្រែកចង្ក្រាន ស្រុកស៊ីធរកណ្តាល និងស្ត្រីមេម៉ាយ ចំនួន ១គ្រួសារ នៅឃុំកញ្ចំ ស្រុកពារាំង ខេត្តព្រៃវែង។

នាព្រឹកថ្ងៃអង្គារ ទី២១ ខែកក្កដា ឆ្នាំ២០២៦ លោកអភិបាលនៃគណៈអភិបាលស្រុកពាមរក៍ បានទទួលបច្ច័យ អង្ករ ព្រមទាំងគ្រឿងឧបភោគ បរិភោគ ពីសំណាក់ព្រះមន្ត្រីសង្ឃ ព្រះគ្រូចៅអធិការវត្ត ដែលស្ថិតក្នុងមូលដ្ឋានស្រុកពាមរក៍ ដើម្បីគាំទ្រដល់វីរៈកងទ័ពដែលឈរជើងនៅតំបន់ព្រំដែនខ្មែរ-ថៃ។

ថ្ងៃទី២១ ខែកក្កដា ឆ្នាំ២០២៦ វេលាម៉ោង ២:០០រសៀល លោក អ៊ុន វីលីយ៉ា តំណាងលោកប្រធានមន្ទីរ បានចូលរួមកិច្ចប្រជុំស្តីពី ទិន្នន័យគោលរបស់មន្រ្តីរាជការជំនាញហិរញ្ញវត្ថុសាធារណៈ ឆ្នាំ២០២៦ និងតម្រូវការបណ្តុះបណ្តាលនិងវិក្រឹតការ ឆ្នាំ២០២៧ សម្រាប់រដ្ឋបាល ក្រុង ស្រុក ខណ្ឌ ក្រោមអធិបតីភាពឯកឧត្តម ហុី ធួក តំណាងដ៏ខ្ពង់ខ្ពស់ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង។ ដែលប្រព្រឹត្តទៅនៅ សាលប្រជុំធំ មន្ទីរសេដ្ឋកិច្ចនិងហិរញ្ញវត្ថុខេត្តព្រៃវែង។

កម្លាំងនគរបាលចំណុះឱ្យស្នងការដ្ឋាននគរបាលខេត្តព្រៃវែង បាននិងកំពុងបន្តអនុវត្តយ៉ាងសកម្មនូវភារកិច្ចស្នូលប្រចាំថ្ងៃរបស់ខ្លួន ដើម្បីពង្រឹងសន្តិសុខ សណ្ដាប់ធ្នាប់សាធារណៈ ជូនប្រជាពលរដ្ឋនៅក្នុងមូលដ្ឋាន។

រដ្ឋបាលស្រុកព្រះស្ដេច ខេត្តព្រៃវែងសូមអំពាវនាវជូនដល់ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី បងប្អូនប្រជាពលរដ្ឋទាំងអស់ មេត្តាចូលរួមជួយបរិច្ចាគ ឧបត្ថម្ភជាថវិកា សម្ភារៈប្រើប្រាស់ ស្បៀងអាហារ និងគ្រឿងឧបភោគបរិភោគផ្សេងៗ តាមលទ្ធភាព ដើម្បីរួមចំណែកក្នុងការគាំទ្រ និងលើកទឹកចិត្តដល់កងទ័ពជួរមុខ ដែលកំពុងបំពេញបេសកកម្មការពារបូរណភាពទឹកដី នៅតាមតំបន់ជម្លោះព្រំដែនខ្មែរ-សៀម ។

រដ្ឋបាលស្រុកស៊ីធរកណ្ដាល ខេត្តព្រៃវែង សូមថ្លែងអំណរគុណយ៉ាងជ្រាលជ្រៅ ចំពោះ រដ្ឋបាលឃុំឬស្សីសាញ់ ព្រមទាំងសហការី និងសប្បុរសជនក្នុងឃុំទាំងអស់ ដែលបានជួយឧបត្ថម្ភថវិកា ចំនួន ៧០០,០០០ រៀល សម្រាប់គាំទ្រសមរភូមិជួរមុខ ជួយដល់កងទ័ពកម្ពុជាកំពុងបំពេញបេសកកម្ម នៅតំបន់ព្រំដែនកម្ពុជា-ថៃ ដើម្បីការពារបូរណភាពទឹកដី និង អធិបតេយ្យជាតិពីការឈ្លានពានរបស់សត្រូវ សម្រាប់ជួយ ដោះស្រាយការងារប្រចាំថ្ងៃ។ សូមជូនពរដល់លោក លោកស្រី ព្រមទាំងក្រុមគ្រួសារ សូមប្រកបដោយពុទ្ធពរទាំងបួនប្រការគឺ៖ អាយុ វណ្ណៈ សុខៈ និងពលៈកុំបីឃ្លៀងឃ្លាតឡើយ។