ព័ត៌មានក្នុងខេត្ត

លោក យ៉ាវ សានិន អភិបាលនៃគណៈអភិបាលស្រុកព្រះស្ដេច រួមជាមួយលោក លោកស្រី អភិបាលរងស្រុក ប្រធាន អនុប្រធានការិយាល័យបានអញ្ជើញនាំយកសម្ភារៈ និងថវិកាទៅសួរសុខទុក្ខ លោក សាន់ រតនៈ អនុប្រធានការិយាល័យរដ្ឋបាល និងហិរញ្ញវត្ថុ ដែលកំពុងសម្រាកព្យាបាលជំងឺនៅផ្ទះ ស្ថិតនៅភូមិទួលលាន ឃុំជៃកំពក ស្រុកព្រះស្ដេច

សាខាកាកបាទក្រហមកម្ពុជា ខេត្តព្រៃវែង បានបើកវគ្គបណ្តុះបណ្តាលមូលដ្ឋានវិជ្ជាសង្គ្រោះបឋម និងគោលនយោបាយអ្នកស្ម័គ្រចិត្ត កក្រក ដល់ក្រុមកាកបាទក្រហមឃុំ ចំនួន ២៥នាក់ ស្រី ៨នាក់ និងអ្នកស្ម័គ្រចិត្តកាកបាទក្រហមកម្ពុជា ចំនួន ៧១នាក់ ស្រី ៨នាក់ សរុបចំនួន ៩៦នាក់ ស្រី ១៦នាក់ មកពីឃុំចំនួន ៥ ស្មើនឹង ៨៤ភូមិ បានចំនួន ៤វគ្គ នៅសាលប្រជុំសាលាឃុំស្មោងខាងជើង និងសាលាឃុំត្របែក ស្រុកកំចាយមារ

ព្រឹកថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី២៧ ខែសីហា ឆ្នាំ២០២៦ ក្រុមការងារមន្ទីអភិវឌ្ឍន៍ជនបទខេត្តព្រៃវែង តំណាង លោក ឡុក វុឌ្ឍី ប្រធានមន្ទីរអភិវឌ្ឍន៍ជនបទខេត្តព្រៃវែង បាននាំយកថវិការបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ប្រធានកិត្តិយសសមាគមសង្គហមិត្តក្រសួងអភិវឌ្ឍន៍ជនបទ និងឯកឧត្តម ឈឹម សៅគី រដ្ឋលេខាធិការ ប្រចាំការ និងជាប្រធានសមាគមសង្គហមិត្តក្រសួងអភិវឌ្ឍន៍ជនបទ ទៅជូនលោក ម៉ៅ ឈុនហ៊ាង ប្រធានការិយាល័យថែទាំសុខភាពជនបទ នៃមន្ទីរអភិវឌ្ឍន៍ជនបទខេត្តព្រៃវែង ដែលមានជំងឺសម្រាកព្យាបាលនៅមន្ទីរពេទ្យនាពេលកន្លងមក ក្នុងនោះ លោក ឡុក វុឌ្ឍី ប្រធានមន្ទីរ ក៏បានចូលរួមនូវថវិកាផ្ទាល់ខ្លួនចំនួន ៥០០,០០០រៀលផងដែរ។

ថ្ងៃទី២៦ ខែសីហា ឆ្នាំ២០២៦ លោក នេត សារ៉ាត់ អភិបាលរងនៃគណៈអភិបាលស្រុក តំណាងលោក យ៉ាវ សានិន អភិបាលនៃគណៈអភិបាលស្រុកព្រះស្ដេច បានអញ្ជើញជាអធិបតីដឹកនាំកិច្ចប្រជុំស្តីពីការងារសហគមន៍ប្រើប្រាស់ទឹកបូព៌ាសែនជ័យ និងសហគមន៍ប្រើប្រាស់ទឹកអូរអន្លង់ចារ្យ ក្នុងស្រុកព្រះស្ដេច ខេត្តព្រៃវែង។

នាព្រឹកថ្ងៃទី២៦ ខែសីហា ឆ្នាំ២០២៦ លោក សុិន សារៈ ប្រធានក្រុមប្រឹក្សាក្រុង និងលោក ចន វៃ អភិបាល នៃគណៈអភិបាលក្រុងព្រៃវែង បានអញ្ជើញជាអធិបតីក្នុងពិធីបើក វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាក្រុងព្រៃវែង អាណត្តិទី៤ ឆ្នាំ២០២៦ ដោយមានការចូលរួមពីថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ អាជ្ញាធរសង្កាត់ ភូមិ តំណាងស្ថាប័នពាក់ព័ន្ធ វិស័យឯកជន អង្គការ សមាគម និងប្រជាពលរដ្ឋសរុបចំនួន ១២៦នាក់ ដែលប្រព្រឹត្តិទៅនៅសង្កាត់កំពង់លាវ។

នៅព្រឹកថ្ងៃទី២៦ ខែសីហា ឆ្នាំ២០២៦ លោក ហ៊ន សុផាត អភិបាលនៃគណៈអភិបាលស្រុកមេសាង បានរៀបចំកិច្ចប្រជុំគណៈបញ្ជាការឯកភាពស្រុកប្រចាំខែសីហា ឆ្នាំ២០២៦។ កិច្ចប្រជុំនេះមានការអញ្ជើញចូលរួមពី គណៈអភិបាលស្រុក នាយក នាយករងរដ្ឋបាលសាលាស្រុក ប្រធានការិយាល័យទាំង១៣ និងជំនាញទាំង០២ កងកម្លាំងទាំង០៣ មេឃុំ ស្មៀនឃុំ ប៉ុស្តិ៍នគរបាលរដ្ឋបាលឃុំ មណ្ឌលសុខភាព និងវិទ្យាល័យទាំង០៣ផងដែរ។

ថ្ងៃទី២៥ ខែសីហា ឆ្នាំ២០២៦ លោក យ៉ាវ សានិន អភិបាលនៃគណៈអភិបាលស្រុកព្រះស្ដេច បានអញ្ជើញជាអធិបតី ក្នុងពិធីបើកអាហាររូបករណ៍ជូនដល់សិស្សដែលមកពីគ្រួសារដែលមានជីវភាពខ្វះខាត ចំនួន ៩៨ នាក់ របស់អង្គការមូលនិធិនៃក្ដីសង្ឃឹម ដែលមកពីឃុំ ចំនួន៥ ក្នុងស្រុកព្រះស្ដេច

ស្រុកស៊ីធរកណ្តាល៖ នៅព្រឹកថ្ងៃទី២៥ ខែសីហា ឆ្នាំ២០២៦ លោក តុង ប្រុស អនុប្រធានគណៈកម្មាធិការអនុសាខាស្រុក តំណាងលោក ស៊ាន ចិន្តា ប្រធានគណៈកម្មាធិការ បានដឹកនាំសមាជិកគណៈកម្មាធិការអនុសាខា មន្រ្ដីប្រចាំការ បុគ្គលិកកិច្ចសន្យា និងក្រុមកាកបាទក្រហមឃុំ ចូលរួមរំលែកទុក្ខ និងនាំយកអំណោយមនុស្សធម៌ផ្តល់ជូនគ្រួសារសពឈ្មោះ ប៉ិត ប៉ឺយ ភេទប្រុស អាយុ ១៦ឆ្នាំ ដែលរងគ្រោះស្លាប់ដោយសារលង់ទឹក នៅគេហដ្ឋានសពក្នុងភូមិបឹងជ័រ ឃុំព្រៃទឹង ស្រុកស៊ីធរកណ្តាល ខេត្តព្រៃវែង។

ថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី២៥ ខែសីហា ឆ្នាំ២០២៦ លោក អ៊ា ឈាង ប្រធានការិយាល័យផ្លូវជនបទ និងលោក ធូ សុធី មន្ត្រីការិយាល័យ បានចូលរួមកិច្ចប្រជុំពិភាក្សាលើ ការងារប្រមូលទិន្នន័យ និងធ្វើបច្ចុប្បន្នភាពហេដ្ឋារចនាសម្ព័ន្ធផ្លូវជនបទ ដោយមានការចូលរួមពីឯកឧត្តមអនុរដ្ឋលេខាធិការ អគ្គនាយករងបច្ចេកទេស អនុប្រធាននាយកដ្ឋាន មន្ត្រីបច្ចេកទេសនាយកដ្ឋានអភិវឌ្ឍន៍ហេដ្ឋារចនាសម្ព័ន្ធផ្លូវជនបទ និងមន្ត្រីជំនាញមន្ទីររាជធានី-ខេត្តទាំង២៥ ក្រោមអធិបតីភាព ឯកឧត្តម ជី ស៊ីថា រដ្ឋលេខាធិការ នៃក្រសួងអភិវឌ្ឍន៍ជនបទ។ នៅសាលប្រជុំជាន់ទី៧ បន្ទប់៧០៩ ទីស្តីការក្រសួងអភិវឌ្ឍន៍ជនបទ។

សរុកស្វាយអន្ទរ ព្រឹកថ្ងៃទី២៥ ខែសីហា ឆ្នាំ២០២៦ លោក ហៃ សំណាង អភិបាល នៃគណៈអភិបាលស្រុក បានអញ្ជើញជាអធិបតីដ៏ខ្ពង់ខ្ពស់ ក្នុងកិច្ចប្រជុំគណៈបញ្ជាការឯកភាពរដ្ឋបាលស្រុកប្រចាំខែសីហា ឆ្នាំ២០២៦

រដ្ឋបាលស្រុកស៊ីធរកណ្តាល៖ នៅថ្ងៃទី២៤ ខែសីហា ឆ្នាំ២០២៦ បានរៀបចំកិច្ចប្រជុំសាមញ្ញលើកទី២៧ របស់ក្រុមប្រឹក្សាស្រុកស៊ីធរកណ្តាល អាណត្តិទី៤ ក្រោមអធិបតីភាព លោក យឹម យូគង់ ប្រធានក្រុមប្រឹក្សាស្រុក ដោយមានការផ្តល់កិត្តិយសអញ្ជើញចូលរួមពី ឯកឧត្តម ឡុង ថាត ឯកឧត្តម ភុំ ចាន់សំណាង និងឯកឧត្តម ជឹម សាម៉ុន សមាជិកក្រុមប្រឹក្សាខេត្តព្រៃវែង

រដ្ឋបាលឃុំស្វាយអន្ទរ នៅព្រឹកថ្ងៃចន្ទ ទី២៤ ខែសីហា ឆ្នាំ២០២៦ បានរៀបចំកិច្ចប្រជុំសាមញ្ញលើកទី៥០ អាណត្តិទី៥ ប្រចាំខែសីហា ឆ្នាំ ២០២៦ ស្ថិតក្រោមអធិបតីភាពលោក សន សារ៉ន មេឃុំស្វាយអន្ទរ និងជាប្រធានក្រុមប្រឹក្សាឃុំ