ព័ត៌មានក្នុងខេត្ត

រសៀលថ្ងៃទី២១ ខែសីហា ឆ្នាំ២០២៦​ លោក ស៊ាន ចិន្តា អភិបាលស្រុកស៊ីធរកណ្ដាល រួមជាមួយសហការី បានអមដំណើរឯកឧត្តម ស្បោង សារ៉ាត ប្រធានក្រុមប្រឹក្សាខេត្តព្រៃវែង អញ្ជើញចូលរួមរំលែកទុក្ខ និងគោរពវិញ្ញាណក្ខន្ធសព លោកអៀង សុខុម ប្រធានគណបក្សឃុំ និងជាមេឃុំ អំពិលក្រៅស្រុកស៊ីធរកណ្ដាល ដែលទទួលមរណៈភាព ថ្ងៃទី២០ ខែសីហា ឆ្នាំ២០២៦ ក្នុងជន្មាយុ៦៧ឆ្នាំ ដោយរោគាពាធ ក្នុងនេះ ឯកឧត្តមប្រធាន និងសហការី បាននាំបច្ច័យចំនួន១,៨០០,០០០រៀលចូលបុណ្យផងដែរ។

នៅព្រឹកថ្ងៃទី២១ ខែសីហា ឆ្នាំ២០២៦ មន្ទីរមុខងារសាធារណៈខេត្តព្រៃវែង បានរៀបចំកិច្ចប្រជុំស្ដីពីការពង្រឹងការបើកផ្ដល់បៀវត្សជូនមន្ត្រីរាជការ ការស្នើសុំផ្លាស់ប្ដូរស្ថានភាពរដ្ឋបាល និងគ្រួសារមន្ត្រីរាជការស៊ីវិល និងការបង្វែរបៀវត្សបើកហួស ជូនលោក លោកស្រីប្រធានការិយាល័យរដ្ឋបាល និងហិរញ្ញវត្ថុ និងលោក លោកស្រីប្រធានការិយាល័យអប់រំ យុវជន និងកីឡា នៃរដ្ឋបាលក្រុង ស្រុកទាំង១៣ ក្នុងខេត្តព្រៃវែង ក្រោមអធិបតីភាព លោក ញ៉ែម សុខជា ប្រធានមន្ទីរមុខងារសាធារណៈខេត្ត។

នៅថ្ងៃទី២១ ខែសីហា ឆ្នាំ២០២៦ ក្រុមការងារក្រសួងមុខងារសាធារណៈ ដឹកនាំដោយ ឯកឧត្ដម ថោ សេដ្ឋាណា រដ្ឋលេខាធិការក្រសួងមុខងារសាធារណៈ បានចុះធ្វើជីវមាត្រ និងជំរឿនមន្ដ្រីជាក់ស្ដែងនៅតាមគ្រឹះស្ថានសិក្សាសាធារណៈ នៅមណ្ឌលជំរឿនវិទ្យាល័យ ហ៊ុន សែន កំចាយមារ ក្នុងស្រុកកំចាយមារ

លោក ស៊ាន ចិន្តា អភិបាលនៃគណៈអភិបាលស្រុកស៊ីធរកណ្ដាល បានអញ្ចើញជាអធិបតីក្នុងពិធីបើកការដ្ឋាន «គម្រោងសាងសង់ផ្លូវបេតុងអាមេ ប្រវែង ១,២៤៥ ម៉ែត្រ ទទឹង ៥ ម៉ែត្រ ជាថវិការមូលនិធិឃុំ» នៅភូមិស្វាយទាប និងភូមិក្បាលបឹង ឃុំអំពិលក្រៅ ស្រុកស៊ីធរកណ្ដាល ខេត្តព្រៃវែង ដោយមានការអញ្ជើញចូលរួមពី លោក តុង ប្រុស អភិបាលរងស្រុក លោក វ៉ាន់ សុធា នាយករងទីចាត់ការផែនការ និងវិនិយោគខេត្ត មន្ត្រីបច្ចេកទេសសាលាខេត្ត មន្ត្រីការគាំទ្រឃុំ គណៈកម្មការគ្រប់គ្រងគម្រោងឃុំ-ភូមិ អ្នកទទួលការ និងតំណាងប្រជាពលរដ្ឋអ្នកទទួលផល សរុបចំនួន ៦៥ នាក់ ស្រី ៥៥ នាក់។

លោក លឹម គីមឡុង អភិបាលរងនៃគណៈអភិបាលស្រុក តំណាងលោក យ៉ាវ សានិន អភិបាលនៃគណៈអភិបាល​ស្រុកព្រះស្តេច បានអញ្ជើញប្រគល់ផ្ទះ១ខ្នង ទំហំ៣ម៉ែត្រ x ៧ម៉ែត្រ និងចែកអំណោយ ដែលការជួយឧបត្ថម្ភពីឧបាសិកា ​ស៊ី ថាគង់ សប្បុរសជននៅសហរដ្ឋអាមេរិក តាមរយៈលោក អ៊ា សុខហុក ជូនដល់លោកតាឈ្មោះ សុខ តារុំ ដែលជាចាស់ជរា មានជីវភាពខ្វះខាត គ្មានទីពឹង រស់នៅភូមិបឹងដោល ឃុំបឹងដោល ស្រុកព្រះស្ដេច ខេត្តព្រៃវែង។ សម្ភារៈ រួមមាន អង្ករ ៥០គីឡូក្រាម, មី ១កេស,គ្រឿងឧបភោគបរិភោគមួយចំនួនធំ , សារ៉ុង ៣០ និងថវិកា ២០០.០០០រៀល។

ថ្ងៃទី១៩ ខែសីហា ឆ្នាំ២០២៦ លោកស្រី កង សុខា ប្រធានគណៈកម្មាធិការពិគ្រោះយោបល់កិច្ចការស្ត្រីនិងកុមារ ស្រុកព្រះស្ដេច និងលោកស្រី ឈឹម ចន្ថុល អភិបាលរងស្រុកព្រះស្ដេច បានអញ្ជើញជាគណៈអធិបតី ក្នុងកិច្ចប្រជុំប្រចាំខែសីហា របស់គណៈកម្មាធិការពិគ្រោះយោបល់កិច្ចការស្ត្រីនិងកុមារស្រុក និងលើកទិសដៅអនុវត្តបន្តសម្រាប់ខែបន្ទាប់។

ព្រឹកថ្ងៃទី២០ ខែសីហា ឆ្នាំ២០២៦ លោក ហៃ សំណាង អភិបាល នៃគណៈអភិបាលស្រុក និងសហការី ចូលរួមអមដំណើរ ឯកឧត្តម អ៊ូ វណ្ណា អនុរដ្ឋលេខាធិការ ក្រសួងមហាផ្ទៃ និងជានាយករងខុទ្ទកាល័យប្រចាំការ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ អញ្ជើញជាកិត្តិយសប្រគល់បច្ច័យចូលបុណ្យ ៤០,០០០,០០០រៀល និងស៊ីម៉ងត៌ចំនួន ១០តោន ដែលជាអំណោយដ៏ថ្លៃថ្លារបស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ប្រគេនជូនព្រះចៅអធិការវត្តថ្នល់ជ័យ ឃុំពពឺស ស្រុកស្វាយអន្ទរ។

លោក ស៊ាន ចិន្តា អភិបាលស្រុកស៊ីធរកណ្ដាល ព្រមទាំងលោកអភិបាលរងស្រុកបានអញ្ចើញចូលរួមសកម្មភាពធ្វើពលកម្មរាងរាល់ថ្ងៃព្រហស្បតិ៍ ជាមួយរដ្ឋបាលឃុំព្រៃដើមថ្នឹង និងឃុំព្រៃទឹង តាមបណ្ដោយផ្លូចកៅស៊ូក្នុងស្រុកស៊ីធរកណ្ដាល ខេត្តព្រៃវែង

ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត រួមជាមួយថ្នាក់ដឹកនាំខេត្តព្រៃវែង បានអញ្ជើញចូលរួមគោរពវិញ្ញាណក្ខន្ធសព ឯកឧត្តម ទឹម ផន សមាជិកក្រុមសមាជិកព្រឹទ្ធសភាប្រចាំភូមិភាគទី៦ ដែលបានទទួលមរណភាព

ព្រឹកថ្ងៃទី១៦ ខែសីហា ឆ្នាំ២០២៦ ឯកឧត្តម ហែម ពិសិដ្ឋ អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានអញ្ជើញជាអធិបតីក្នុងពិធីប្រលែងកូនត្រីចំនួន ២០០,០០០ក្បាល ក្រោមប្រធានបទ "រួមគ្នាថែរក្សាធនធានជលផលដើម្បីអនាគតខ្មែរ" ដែលប្រព្រឹត្តទៅនៅបរិវេណបឹងបារាយណ៍អណ្តែត សង្កាត់បារាយណ៍ ក្រុងព្រៃវែង។

ព្រៃវែង៖ នៅព្រឹកថ្ងៃទី១៤ ខែសីហា ឆ្នាំ២០២៦ លោក ចេម ប្រា ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកពារាំង បានដឹកនាំសហការី ក្រុមកាកបាទក្រហមកម្ពុជា ឃុំព្រៃស្នៀត និងអ្នកស្ម័គ្រចិត្តភូមិ ចុះសួរសុខទុក្ខ និងនាំយកអំណោយមនុស្សធម៌ជូនគ្រួសារដែលមានជីវភាពខ្វះខាតចំនួន ១០គ្រួសារ នៅភូមិទំពាំងជ្រើស ឃុំព្រៃស្នៀត ស្រុកពារាំង ខេត្តព្រៃវែង។

ព្រៃវែង៖ នៅព្រឹកថ្ងៃទី១៤ ខែសីហា ឆ្នាំ២០២៦ លោក ចេម ប្រា អភិបាលនៃគណៈអភិបាលស្រុកពារាំង និងឯកឧត្តមប្រធានក្រុមការងាររាជរដ្ឋាភិបាលចុះមូលដ្ឋានភូមិទំពាំងជ្រើស ភូមិព្រៃស្នៀតខាងលិច និងភូមិព្រៃស្នៀតខាងកើត តំណាងដ៏ខ្ពង់ខ្ពស់ឯកឧត្តម ឌឿន សុវណ្ណ ប្រធានក្រុមការងាររាជរដ្ឋាភិបាលចុះមូលដ្ឋានឃុំព្រៃស្នៀត បានអញ្ជើញជាអធិបតីក្នុងពិធីបើកការដ្ឋានសាងសង់ផ្លូវបេតុងមួយខ្សែ ប្រវែង ៨៩៣ម៉ែត្រ ស្ថិតក្នុងភូមិទំពាំងជ្រើស ភូមិកំពង់ពោធិ៍ ភូមិព្រៃស្នៀតខាងលិច ភូមិព្រៃស្នៀតខាងកើត និងភូមិមេលោងខាងជើង ឃុំព្រៃស្នៀត ស្រុកពារាំង ខេត្តព្រៃវែង។