ព័ត៌មានក្នុងខេត្ត

អនុសាខាកាកបាទក្រហមកម្ពុជា ស្រុកកំចាយមារ ថ្ងៃទី១២ ខែ សីហា ឆ្នាំ២០២៦លោកស្រី ឃិន ម៉ាច អនុប្រធានគណៈកម្មាធិការអនុសាខាស្រុកកំចាយមារ តំណាង លោក ប៊ិន ជីវ័ន្ត ប្រធានគណៈកម្មាធិការអនុសាខាស្រុកកំចាយមារ ដឹកនាំគណៈកម្មាធិការ មន្រ្តីប្រាំការ មន្រ្តីកិច្ចសន្យា រួមជាមួយប្រធានក្រុមការងារចុះមូលដ្ឋានឃុំស្មោងខាងជើង និងលោកមេឃុំ ក្រុមប្រឹក្សាឃុំ លោកមេភូមិ បាននាំយកអំណោយមនុស្សធម៌ជូនគ្រួសារ ភ្លើងឆេះផ្ទះនៅភូមិ តាកែវ ឃុំស្មោងខាងជើង ស្រុកកំចាយមារ ឈ្មោះវ៉ាញ អឿង ភេទប្រុសអាយុ៤៤ឆ្នាំទីលំនៅភូមិតាកែវ ផ្ទះ ទំហំ ៦ ×៧ ម៉ែត្រ ប្រភេទផ្ទះឈើ ប្រក់ស័ង្គសី ។ សម្ភារ:ខូចខាតមានដូចជា គោយន្តកន្ត្រៃត្រូវភ្លើងឆេះខូចខាតទាំងស្រុង និងរង់របួសម្ចាស់ផ្ទះត្រូវភ្លើងឆេះរលាកនៅលើដងខ្លួន។

សាខា កក្រក ខេត្តព្រៃវែង៖ នៅថ្ងៃទី១២ ខែសីហា ឆ្នាំ២០២៦ ឯកឧត្តម ជឹម សុខ អនុប្រធានគណៈកម្មាធិការសាខាខេត្ត តំណាង ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត បានដឹកនាំប្រតិភូអមដំណើរ មន្ទីរ អង្គភាព ក្រុមប្រតិបត្តិសាខា ក្រុមការងារអនុសាខាស្រុក ក្រុមកាកបាទក្រហមឃុំ អ្នកស្ម័គ្រចិត្ត ទីប្រឹក្សា និងយុវជនកាកបាទក្រហមកម្ពុជា ចុះសួរសុខទុក្ខ ប្រគល់ផ្ទះ ចំនួន ២ខ្នង ទំហំ ៤មx៦ម ធ្វើអំពីឈើ ដំបូលប្រក់ក្បឿងជ័រ ជញ្ជាំងជ័រ និងបង្គន់អនាម័យ ចំនួន ១ ក្នុងផែនការឆ្នាំ២០២៦ ជាអំណោយរបស់សាខាខេត្ត ផ្តល់ជូនផ្តល់ជូនដល់ចាស់ជរាឥតទីពឹង ១គ្រួសារ នៅឃុំរាធរ និងគ្រួសាររងហានិភ័យ ១គ្រួសារ នៅឃុំកំពង់សឹង ក្នុងស្រុកព្រះស្តេច ខេត្តព្រៃវែង។

ថ្ងៃទី១១ ខែសីហា ឆ្នាំ២០២៦ លោក ឈុំ ឈា អភិបាលរងនៃគណៈអភិបាលស្រុក តំណាងលោក យ៉ាវ សានិន អភិបាលនៃគណៈអភិបាលស្រុកព្រះស្ដេច បានចូលរួមជាគណៈអធិបតីក្នុងកម្មវិធីយុទ្ធនាការបរិស្ថានស្អាត និងអនាម័យល្អ នៅភូមិព្រៃក្ដូច និងភូមិកំពង់ថ្នល់ ឃុំល្វា ស្រុកព្រះស្តេច ដែលរៀបចំដោយក្រុមការងារលេខាធិការដ្ឋានវិស័យទឹកស្អាត ការសម្អាត និងអនាម័យជនបទខេត្តព្រៃវែង ដែលដឹកនាំដោយលោក ម៉ៅ ឈុនហ៊ាង ប្រធានការិយាល័យថែទាំសុខភាពជនបទ នៃមន្ទីរអភិវឌ្ឍន៍ជនបទខេត្តព្រៃវែង

ព្រឹកថ្ងៃទី១២ ខែសីហា ឆ្នាំ២០២៦ ឯកឧត្តម ពេជ្រ សុត្ថារ័ត្ន អភិបាលរងនៃគណៈអភិបាលខេត្ត តំណាងដ៏ខ្ពស់ខ្ពង់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានអញ្ជើញដឹកនាំក្នុងកិច្ចប្រជុំ ស្តីពីការដកបទពិសោធអំពីលទ្ធផលបង្ការទប់ស្កាត់ និងបង្រ្កាបបទល្មើសឆបោកតាមប្រព័ន្ធបច្ចេកវិទ្យា (Online Scams) ប្រចាំឆមាសទី១ ឆ្នាំ២០២៦ ក្នុងខេត្តព្រៃវែង ដែលប្រព្រឹត្តទៅនៅសាលប្រជុំពហុបំណង «B» សាលាខេត្តព្រៃវែង។

នាព្រឹកថ្ងៃទី១២ ខែសីហា ឆ្នាំ២០២៦ លោក ហ៊ន សុផាត អភិបាលនៃគណៈអភិបាលស្រុកមេសាង បានចូលរួម កិច្ចប្រជុំស្តីពីការដកបទពិសោធអំពីលទ្ធផលបង្ការទប់ស្កាត់ និងបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) ប្រចាំឆមាសទី១ ឆ្នាំ២០២៦ ក្នុងខេត្តព្រៃវែង ក្រោមអធិបតីភាពដ៏ខ្ពង់ខ្ពស់ឯកឧត្តម ពេជ្រ សុត្ថារ័ត្ន អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង នៅសាលប្រជុំពហុបំណង (B) សាលាខេត្តព្រៃវែង។

សម្ដេចតេជោ និងសម្ដេចធិបតី

នាឱកាសនេះផងដែរ ឯកឧត្តមនាយឧត្តមសេនីយ៍ មាស វិរិទ្ធ ក៏បានឧបត្ថម្ភនូវ ម៉ូតូ ចំនួន ០១គ្រឿង,កុំព្យូរទ័រ ចំនួន ០១ គ្រឿង, ម៉ាសុីនព្រឺនធ៍រ ០១ ឈុត, អាយកូម ចំនួន ០៥ដើម និងខ្នោះ ចំនួន ១០ ខ្នោះ ប្រគល់ជូនដល់ការិយាល័យទំនាក់ទំនងព្រំដែន BLO សម្រាប់ប្រើប្រាស់ក្នុងការិយាល័យ និងការប្រតិបត្តិការងារចាំបាច់ក្នុងអង្គភាពប្រចាំថ្ងៃ។

ថ្ងៃទី០៧ ខែសីហា ឆ្នាំ​២០២៦​ រដ្ឋបាលស្រុកកំចាយមារសូមថ្លែងអំណរគុណ​ យ៉ាង​ ក្រៃលែង​ដល់​ លោកនាយក​ នាយក​រង​ លោកគ្រូអ្នកគ្រូ​នៃសាលា​វិទ្យាល័យ​ហ៊ុនសែន​ កំចាយមារ​បានចូលរួម​ ឧបត្តម្ភ​ថវិកា -​ ៦៩៥,០០០៛​ ដល់​ មន្ទីរ​ពេទ្យ​គន្ធបុប្ផា​ -​ ៨២៥,៥០៩​៛​ ដើម្បីគាំទ្រដល់វីរៈ​កងទ័ព​វីរៈ នគរបាល​ឈរជេីងការពារ​នៅតាមបន្ទាត់ព្រំដែន​ កម្ពុជា-ថៃ សរុប​ថវិកា​ ១,៥២០,៥០០៛។ សូមជូនពរ លោកគ្រូអ្នកគ្រូ​ព្រមទាំងគ្រួសារជួបប្រទះនូវពុទ្ធពរទាំង ៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

ថ្ងៃទី៧ ខែសីហា ឆ្នាំ២០២៦ រដ្ឋបាលស្រុកព្រះស្ដេច បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកព្រះស្តេច ក្រោមអធិបតីភាពលោក យោគ ឌី ប្រធានក្រុមប្រឹក្សាស្រុក និងលោក យ៉ាវ សានិន អភិបាលនៃគណៈអភិបាលស្រុក ដោយមានការអញ្ជើញចូលរួមពី - លោក លោកស្រី សមាជិកក្រុមប្រឹក្សាស្រុក - លោក លោកស្រី អភិបាលរងស្រុក - នាយក នាយករងរដ្ឋបាលសាលាស្រុក - កងកម្លាំងទាំង៣ - ប្រធានការិយាល័យ អង្គភាព ចំណុះរដ្ឋបាលស្រុក - ការិយាល័យសុខាភិបាលស្រុកប្រតិបត្តិ មន្ទីរពេទ្យបង្អែកស្រុកព្រះស្តេច - មេឃុំ ជំទប់ទី១ ឃុំទាំង១១ - នាយកវិទ្យាល័យ អនុវិទ្យាល័យ - នាយប៉ុស្តិ៍នគរបាល - ប្រធានមណ្ឌលសុខភាព - ប្រធានកម្រងបឋមសិក្សា - មេភូមិ ១នាក់/ឃុំ - តំណាងប្រជាពលរដ្ឋជាស្រ្តី ១នាក់/ឃុំ - តំណាងអាចារ្យ ។

នៅរសៀលថ្ងៃទី០៦ ខែសីហា ឆ្នាំ២០២៦ លោក ហ៊ន សុផាត អភិបាល នៃគណៈអភិបាលស្រុក រួមទាំងសហការីបានអមដំណើរ លោកជំទាវ ឡុង គន្ធា អភិបាលរង នៃគណៈអភិបាលខេត្តព្រៃវែង តំណាងដ៏ខ្ពង់ខ្ពស់ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង និងឯកឧត្តម សុខ ផេង អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្តព្រៃវែង បានអញ្ជើញចូលរួមបុណ្យគម្រប់ខួប៧ថ្ងៃជូនវិញ្ញាណក្ខន្ធ លោកនាយចំណង់ ញឹម សុផល វីរៈកងទ័ពជួរមុខ ស្ថិតនៅភូមិអង្គ្រង ឃុំអង្គរសរ ស្រុកមេសាង ខេត្តព្រៃវែង។

រាជធានីភ្នំពេញ៖ គណ:មេប្រយោគទូទាំងប្រទេស និងប្រធានអប្បមាទទូទាំងប្រទេស សម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ កំពុងមានភាពមមាញឹករៀបចំហឹបវិញ្ញាសាដឹកជញ្ជូនទៅកាន់បណ្ដាខេត្ត។

រសៀលថ្ងៃទី៣ ខែសីហា ឆ្នាំ២០២៦ លោក ម៉ននី បណ្ឌិត អភិបាល នៃគណៈអភិបាលស្រុកបាភ្នំ បានដឹកនាំមន្រ្តីរដ្ឋបាលស្រុក អញ្ជើញចុះពិនិត្យទីតាំងកសិដ្ឋានចិញ្ចឹមមាន់ស្រែ និងរបៀបរបបនៃការចិញ្ចឹមមាន់ស្រែ ការគ្រប់គ្រងអនាម័យបរិស្ថាន តាមបទដ្ឋានបច្ចេកទេស ស្ថិតនៅភូមិកាឡីជើង ឃុំស្ពឺ(ក) ស្រុកបាភ្នំ ខេត្តព្រៃវែង ។