ព័ត៌មានក្នុងខេត្ត

ថ្ងៃទី១៤​ ខែសីហា​ ឆ្នាំ​២០២៦ កម្មវិធី​ផ្តល់​អំណោយ​ជា​ភេសជ្ជៈ​សុខភាព​​ ជូន​សិស្សានុសិស្ស​នៅតាមសាលា​ មត្តេយ្យ​និង​បឋមសិក្សា​ ក្នុង​ភូមិ​សាស្ត្រ​ស្រុក​ស្ថិត​ក្នុង​សាលា​បឋមសិក្សា​កំចាយមារឃុំក្រញូង​ ក្រាម​អធិបតីភាព​ -​ លោក​ ជំទាវ​ រស់​ ច័ន្ទ​សោភា​ អនុប្រធាន​ ស.ស.យ.ក​ អគ្គស្នងការ​នគរបាលជាតិ​ក្នុង​វិស័យ​មហាផ្ទៃ​

ព្រៃវែង៖ នៅព្រឹកថ្ងៃទី១៤ ខែសីហា ឆ្នាំ២០២៦ លោក ចេម ប្រា ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកពារាំង បានដឹកនាំសហការី ក្រុមកាកបាទក្រហមកម្ពុជា ឃុំព្រៃស្នៀត និងអ្នកស្ម័គ្រចិត្តភូមិ ចុះសួរសុខទុក្ខ និងនាំយកអំណោយមនុស្សធម៌ជូនគ្រួសារដែលមានជីវភាពខ្វះខាតចំនួន ១០គ្រួសារ នៅភូមិទំពាំងជ្រើស ឃុំព្រៃស្នៀត ស្រុកពារាំង ខេត្តព្រៃវែង។

ព្រឹកថ្ងៃទី១៣ ខែសីហាឆ្នាំ២០២៦ លោក អ៉ឹម សយ ប្រធានស្រុក និងលោក ហុក ប៉ិច អភិបាលរងស្រុក តំណាង លោក ហៃ សំណាង អភិបាល នៃគណៈអភិបាលស្រុក និងសហការី ចូលរួមក្នុងពិធីវេទិកាសាធារណៈក្រុមការងាររាជរដ្ឋាភិបាលចុះមូលដ្ឋានស្រុកស្វាយអន្ទរ និងអាជ្ញាធរមូលដ្ឋាន ជួបជាមួយប្រជាពលរដ្ឋ នៃឃុំស្វាយអន្ទរ ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា និងជាអនុប្រធានទី១ក្រុមការងាររាជរដ្ឋាភិបាលចុះមូលដ្ឋានស្រុកស្វាយអន្ទរ តំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្វាយអន្ទរ។សមាសភាពចូលរួមសរុបចំនួន ១៦៧នាក់ ស្ថិតនៅទីតាំងវត្តពោធិវង្ស ឃុំស្វាយអន្ទរ ស្រុកស្វាយអន្ទរ ខេត្តព្រៃវែង។

ព្រឹកថ្ងៃទី១៤ ខែសីហា ឆ្នាំ២០២៦ លោកជំទាវ ឡុង គន្ធា អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម សួន សុម៉ាលីន អភិបាលនៃគណៈអភិបាលខេត្ត បានអញ្ជើញជាអធិបតីក្នុងពិធីបើកវគ្គបណ្តុះបណ្តាល ស្តីពី ការលើកកម្ពស់សមភាពយេនឌ័រ បរិយាបន្ន និងសមធម៌សង្គម ឆ្នាំ២០២៦ នៃរដ្ឋបាលខេត្តព្រៃវែង ដែលប្រព្រឹត្តទៅនៅសាលប្រជុំធំ (A) សាលាខេត្តព្រៃវែង។

ព្រៃវែង៖ នៅថ្ងៃទី១៤ ខែសីហា ឆ្នាំ២០២៦ ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត បានដឹកនាំគណៈកម្មាធិការសាខា ប្រតិភូអមដំណើរ មន្ទីរ អង្គភាព ក្រុមប្រតិបត្តិសាខា ក្រុមការងារអនុសាខាស្រុក ក្រុមកាកបាទក្រហមឃុំ អ្នកស្ម័គ្រចិត្តភូមិ ទីប្រឹក្សាយុវជន និងយុវជនកាកបាទក្រហមកម្ពុជា ចុះសួរសុខទុក្ខ ប្រគល់ផ្ទះ ចំនួន ២ ខ្នង ទំហំ ៤មx៦ម ធ្វើអំពីឈើ ដំបូលប្រក់ក្បឿងជ័រ ជញ្ជាំងជ័រ ក្នុងផែនការឆ្នាំ២០២៦ ជាអំណោយរបស់សាខាផ្តល់ជូនដល់គ្រួសាររងហានិភ័យ ចំនួន ២ គ្រួសារ នៅភូមិផ្លូវរលួស ឃុំជើងភ្នំ និងភូមិស្ពឺលិច ឃុំស្ពឺ(ក) ស្រុកបាភ្នំ ខេត្តព្រៃវែង។

អនុសាខា កក្រក ស្រុកស៊ីធរកណ្តាល៖ នៅរសៀលថ្ងៃទី១២ ខែសីហា ឆ្នាំ២០២៦ លោក ស៊ាន ចិន្តា ប្រធានគណៈកម្មាធិការអនុសាខាស្រុក បានដឹកនាំលោកអនុប្រធានគណៈកម្មាធិការ លេខាធិការ និងមន្រ្ដីប្រចាំការ រួមជាមួយលោកគ្រូ នាយក នាយករង និងទីប្រឹក្សាយុវជន នៃវិទ្យាល័យ ហ៊ុនសែន ព្រែកសណ្តែក ចុះពិនិត្យស្ថានីយ៍លាងសម្អាតដៃ ១កន្លែង ដែលជាអំណោយដ៏ថ្លៃថ្លារបស់ សាខាកាកបាទក្រហមកម្ពុជា ខេត្តព្រៃវែង នៅបរិវេណវិទ្យាល័យខាងលើ និងជាមួយគ្នានោះ បាននាំយកផ្លាកសម្គាល់លេខរៀងកឹបជូនផងដែរ។

មន្ត្រីក្រុមប្រតិបត្តិសាខា និងអនុសាខាក្រុង-ស្រុក បានចូលរួមតាមអនឡាញ ក្នុងកម្មវិធីវេទិកាតុមូលពិភាក្សា និងបញ្ចេញទស្សនៈយុវជនស្ដីពី គុណតម្លៃនៃការងារស្ម័គ្រចិត្ត ដើម្បីអបអរសាទរទិវាយុវជនអន្តរជាតិ ១២ សីហា ក្រោមប្រធានបទ៖ បរិបទខុសគ្នា ក្ដីប្រាថ្នារួមគ្នា...!!! សាខា កក្រក ខេត្តព្រៃវែង៖ នៅថ្ងៃទី១២ ខែសីហា ឆ្នាំ២០២៦ មន្ត្រីក្រុមប្រតិបត្តិសាខា និងអនុសាខាក្រុង-ស្រុក បានចូលរួមតាមអនឡាញ ក្នុងកម្មវិធីវេទិកាតុមូលពិភាក្សា និងបញ្ចេញទស្សនៈយុវជនស្ដីពី គុណតម្លៃនៃការងារស្ម័គ្រចិត្ត ដើម្បីអបអរសាទរទិវាយុវជនអន្តរជាតិ ១២ សីហា ក្រោមប្រធានបទ៖ បរិបទខុសគ្នា ក្ដីប្រាថ្នារួមគ្នា ក្រោមអធិបតីភាព ឯកឧត្តម ពិត ចំណាន សមាជិកគណៈកម្មាធិការកណ្ដាល កាកបាទក្រហមកម្ពុជា និងមានការចូលរួមពីថ្នាក់ដឹកនាំអគ្គលេខាធិការដ្ឋាន មន្ដ្រីទីស្នាក់កណ្ដាល មន្ដ្រីក្រុមប្រតិបត្តិសាខា ២៥ រាជធានី ខេត្ត (ចូលរួមពីចម្ងាយតាមប្រព័ន្ធនិម្មិតអនឡាញ Zoom) ទីប្រឹក្សាយុវជន និងយុវជនកាកបាទក្រហមកម្ពុជា មកពីគ្រឹះស្ថានឧត្តមសិក្សា ២៥ ក្នុងរាជធានីភ្នំពេញ សរុប ៣៥០នាក់។

ពិធីសំណេះសំណាលរបស់ក្រុមសមាជិកព្រឹទ្ធសភាប្រចាំភូមិភាគទី៦ ជាមួយក្រុមប្រឹក្សាឃុំ នៃស្រុកពោធិ៍រៀង(ឃុំព្រែកអន្ទះ ព្រែកជ្រៃ និងព្រែកតាសរ) ក្រោមអធិបតីភាពដ៏ខ្ពង់ខ្ពស់លោកជំទាវ មាន សំអាន ប្រធានក្រុមសមាជិក ព្រឹទ្ធសភាប្រចាំភូមិភាគទី៦ ឯកឧត្តម ឈួន ឡេង លេខាធិការសមាជិកព្រឹទ្ធសភា ប្រចាំភូមិភាគទី៦ ឯកឧត្តម អន ភារៈ អភិបាលរង នៃគណៈអភិបាលខេត្តព្រៃវែង តំណាងដ៏ខ្ពង់ខ្ពស់ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង នៅសាលប្រជុំសាលាស្រុកពោធិ៍រៀង ថ្ងៃទី១៣ ខែសីហា ឆ្នាំ ២០២៦

នៅរសៀលថ្ងៃទី១២ ខែសីហា ឆ្នាំ២០២៦ រដ្ឋបាលស្រុកមេសាង បានរៀបចំ «ពិធីសំណេះសំណាលរវាងក្រុមសមាជិកព្រឹទ្ធសភាភូមិភាគទី៦ ជាមួយក្រុមប្រឹក្សាឃុំ ក្នុងស្រុកមេសាង ខេត្តព្រៃវែង» ក្រោមអធិបតីភាព លោកជំទាវ មាន សំអាន ប្រធានក្រុមសមាជិកព្រឹទ្ធសភាប្រចាំភូមិភាគទី៦ នៅសាលប្រជុំសាលាស្រុកមេសាង ខេត្តព្រៃវែង។

លោក ស៊ាន ចិន្តា អភិបាលនៃគណៈអភិបាលស្រុកស៊ីធរកណ្តាល បានអញ្ជើញដឹកនាំកិច្ចប្រជុំពិភាក្សា ណែនាំ ផ្សព្វផ្សាយផែនការ និងពិនិត្យទីតាំងជាក់ស្តែង សម្រាប់ការត្រៀមរៀបចំពិធីពិនិត្យព្យាបាលជំងឺជូនប្រជាពលរដ្ឋដោយឥតគិតថ្លៃ និងពិធីសម្ពោធដាក់អោយប្រើប្រាស់អគារសិក្សា ១ខ្នង ២ជាន់ ស្ថិតក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយរដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង នៅវិទ្យាល័យ ហ៊ុន សែន ព្រែកសណ្តែក នាថ្ងៃទី២៩ ខែសីហា ឆ្នាំ២០២៦ខាងមុខ។ «រសៀលថ្ងៃទី១២ ខែសីហា ឆ្នាំ២០២៦»

ព្រៃវែង៖ នៅថ្ងៃទី១៣ ខែសីហា ឆ្នាំ២០២៦ ក្រុមប្រឹក្សាធម្មនុញ្ញ រៀបចំសិក្ខាសាលាផ្សព្វផ្សាយ ស្តីពី សមិទ្ធផលធម្មនុញ្ញសម្រេចបានក្នុងរយៈពេល៣០ឆ្នាំ នៅខេត្តព្រៃវែង ក្រោមអធិបតីភាព ឯកឧត្តម កែវ ពុទ្ធរស្មី សមាជិកក្រុមប្រឹក្សាធម្មនុញ្ញ ដែលប្រព្រឹត្តទៅនៅ សាលាខេត្តព្រៃវែង។

ខេត្តព្រៃវែង÷ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦ លោកឧត្តមសេនីយ៍ទោ ឈឿន ប៊ុនឆន ស្នងការ ស្នងការនគរបាលខេត្តព្រៃវែង បានអញ្ជើញចូលរួមកិច្ចប្រជុំរៀបចំផែនការណ៍ ការពារសន្តិសុខសណ្ដាប់ធ្នាប់ សុវត្ថិភាពជូនថ្នាក់ដឹកនាំ ក្នុងពិធី ប្រគល់ផ្ទះជូនគ្រួសារវីរកងទ័ពដែលបានពលីជីវិត ដើម្បីបុព្វហេតុការពារជាតិមាតុភូមិ និងទឹកដី ពីសត្រូវឈ្លានពាននៅសមរភូមិមុខ នាពេលខាងមុខ ក្រោមអធិបតីភាពឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង និងជាប្រធានគណៈបញ្ជាការឯកភាពខេត្តខេត្តព្រៃវែង។